"Taktiese slot hefboom knop" vir HOWA

[Gawie(13mm)]

Goeie dag.

Ek moet voortydig bieg en sê dat hierdie projek die malste perd is wat ek nog opgesaal het.
Ek wou nog altyd my HOWA se "slot-knop" vervang met iets meer substansieël en toe gaan kuier ek 'n bietjie by S&O en loop die rat-hefboom knop raak vitr R 250.00.

http://i1264.photobucket.com/albums/jj488/7mmgawie/20130926_121816.jpg

Met baie swets en sweet het ek die outjie gemaak pas en lyk hy nou so:

http://i1264.photobucket.com/albums/jj488/7mmgawie/20130927_080301.jpg

Die voordeel is dat ek kan "ratte verwissel" sonder om my oog van die teiken af te haal en te voel waar die hefboom sit.
Die bonus is dat my HOWA spesiaal voel.

http://i1264.photobucket.com/albums/jj488/7mmgawie/20130927_080413.jpg

Ek sal vandag die res van die fotos laai met verduidelikings oor hoe ek tewerk gegaan het.

Groete,
Gawie

[Gawie(13mm)]

Veiligheid eerste manne. Dra maar die brille en handskoene en hou 'n bak met water naby om die metaal gereeld af tekoel. Ek het die hele slot met maskeer band bedek om yster-fysels uit die slot te hou.
http://i1264.photobucket.com/albums/jj488/7mmgawie/20130926_122638.jpg

Klamp stewig vas en sny 'n plat vlak met die hoekslyper. Ek het 'n 1mm "disk" gebruik.
http://i1264.photobucket.com/albums/jj488/7mmgawie/20130926_123042.jpg

Plat vlakke aan twee kante
http://i1264.photobucket.com/albums/jj488/7mmgawie/20130926_123335.jpg

[Gawie(13mm)]

Ek het die knop met "marking blue" gespuit en twee parralelle lyne gemerk, effens wyer as die uiteindelike deursnee van die "as"
http://i1264.photobucket.com/albums/jj488/7mmgawie/20130926_123728.jpg

Sny op die twee lyne.
http://i1264.photobucket.com/albums/jj488/7mmgawie/20130926_123835.jpg

Ek moes eintlik eers die kop, 'n plat vlak geslyp het nadat ek die eerste plat vlak gesny het. Dit sou 'n beter idee gegee het van die ronding wat nodig is.
http://i1264.photobucket.com/albums/jj488/7mmgawie/20130926_124027.jpg

[Gawie(13mm)]

Hier kom die sports nou . Ek het met 60grit papier op die bandskuurder die "as" begin rond maak.
http://i1264.photobucket.com/albums/jj488/7mmgawie/20130926_124932.jpg

Amper rond.
http://i1264.photobucket.com/albums/jj488/7mmgawie/20130926_124939.jpg

As ek die plat vlak op die knop tweedens haaks gesny het sou dit nie nodig wees om dit te merk nie.
http://i1264.photobucket.com/albums/jj488/7mmgawie/20130926_130137.jpg

[Gawie(13mm)]

Halfpad deur die oefening het ek 'n "stopper" gemaak sodat ek nie in die "vleis" van die hefboom igaan nie.
http://i1264.photobucket.com/albums/jj488/7mmgawie/20130926_132643.jpg

Mooi rond met 'n 6.95mm deursnee.
http://i1264.photobucket.com/albums/jj488/7mmgawie/20130926_132650.jpg

Die "draad-snyer" is 'n 7mm snyer met 'n 1mm "pitch". Ek het 'n effense hoek op die rand gevyl met die hand sodat die "snyer" makliker kon "vat".
Ek was baie gelukkig dat die draad mooi haaks gesny is.
http://i1264.photobucket.com/albums/jj488/7mmgawie/20130927_075345.jpg

[Gawie(13mm)]

Draad klaar gesny. Dit lyk wel snaaks, maar die draad is haaks en in die middel. Die ronding van die hefboom laat dit skeef vertoon. Nadat ek die draad die eerste keer gesny het, het ek die knop gepas en gesien dat agv. die knop lengte, die knop te ver uitsteek langs die geweer. Geen probleem. Sny nog 6mm af en sny weer die draad.

http://i1264.photobucket.com/albums/jj488/7mmgawie/20130927_075430.jpg

Before
http://i1264.photobucket.com/albums/jj488/7mmgawie/20130926_114756.jpg

After
http://i1264.photobucket.com/albums/jj488/7mmgawie/20130927_080704.jpg

Manne as jou g@t regtig juik, kry 'n bak ys en gaan sit daarin ; soos 'n goeie vriend my vertel het toe ek hom inlig met wat ek be-oog.
Jy moet of regtig desperaat, dom-onosel of waaghalsig wees om die perd op te saal. Ek is die laaste twee en as ek nou terug kyk was ek baie gelukkig.
Ek het die knop afgesny en gevyl voor ek die storie mooi beplan het. 'n Dag voor ek moet gaan skiet. Nie een van my vriende het 'n draad-snyer met die mates gehad nie.
Die ingieneurs-werke hier het ook nie een gehad nie en ek praat nou van ses verskillende plekke in die Paarl. By een van die verskaffer in die Paarl kon ek een opspoor teen R300.00. Een van die Ingenieurse werke in die Paarl sou die "die-nut" bestel vir my en die "jobbie" op die vlees-masjien doen vir R320.00, maar eers na die naweek.

As jy reg beplan en kop hou neem dit ongeveer twee en 'n half uur in jou tuis-werkswinkel.

Groete,
"Evil-Kenevil"

[PWV]

Sewe-mil
Ledigheid is die duiwel se oorkussing.
Teen hierdie tyd behoort jy darem al te weet waar sit die knop van die slothefboom.
Ek wed jou ek sal hom kry al blinddoek hulle my. Al nadeel is dan dat ek nie sal kan sien waarna ek skiet nie.
Groetnis.

[Danie01]

Bakgat!!

My Howa nog oppad en dit lyk ook na een van die veranderinge wat ek sal wil doen.

Sal weer hierdie topic kom loer as ek by daardie punt kom

Groete
Danie

[PWV]

Sewe-mil
Trek maar bietjie jou been!
Netjiese werk soos altyd.
Sal een of ander tyd kom kyk.
Groetnis.

[Reggie Gerber]

Daai lyk soos n bulldog met houding

Mooi gemaak

Groete

[grumpy]

Waar is die como tape wat op die KD was??

[Marc]

Evil Kenevil se jy

Goeie werk, dit lyk spogerig

[Gawie(13mm)]

Waar is die como tape wat op die KD was??

Ek en Willem het lekker gestaan en klets daar by S&O, toe ek hom vra of hy nie perdalks een van daai rubber sokkies het wat jy oor die "exhaust" trek nie.
Die man sê ek moet vasstaan en daar verdwyn hy soos 'n groot speld en kom terug met die sokkie wat hy van sy eie geweer afgehaal het.

Sommer net so.

[LongWolf]

Nou weet ek naby aan wie om verlof te hou...
Jy het mos gese dit vat net 2 ure...
Dan is daar nog baie tyd vir wyn proe...

Dis nou wragtig n HOWA met HOUDING!!!!!!

[Gert Odendaal]

7mm
Baie goed gedoen. ek dink ons het in die gemaksone verval, koop liewer iets voor jy dit self maak, is gewoonlik ons houding, maar wat ons langs die pad vergeet is dit wat jy self doen jou stempel en idees is, jou verpersoonliking van die projek en eind resultaat. Ons sal moet `n kopskuif maak want ons het die kennis om sekere projekte self te kan doen, daaruit leer ons baie nuwe idees wat net lekker kan raak...weereens baie goeie werk daar gedoen 7mm.

Dankie vir die mooi uiteensitting en fotos om die proses te verduidelik. Dit is altyd heerlik om `n proses te volg en die eindproduk te bewonder.

[BRNO (Pierre)]

Baie goed gedoen! groot komplimente!

Terwyl ek gelees het, het ek nogals gedink hier is iemand met meer guts as ek. Toe se jy dit self . Bly dit werk, en het goed afgeloop.

[Gawie(13mm)]

Dankie manne. Ek het besluit om die draad op te sit, sodat ander uit my foute kan leer.
Dit is maar my aard om volspoed in 'n ding in te klim en dan die uitdagings langs die pad die hoof te bied. Tot my vrou se groot ontsteltenis .
Satisfaksie na die tyd kan jy nie met geld koop nie en die ondervinding is 'n bonus.

Ek moet bieg en sê dat die vindingrykheid van party van julle manne hier op die forum aansteeklik is.

Groete,
Gawie

[Geno]

Netjies Gawie!
Daai slotknoppe werk bitter mooi. Ek het een op my Dasher ook. Numenor het hom gedoen.

https://dl.dropboxusercontent.com/u/49750262/Hunting/Prieska%202013/11.jpg

[G-force]

Hier is myne op my Howa .243.Ook deur Numenor gedoen.
http://i677.photobucket.com/albums/vv140/rooibok_2009/Ackley%20Improved%20243/DSC01241_zps20332514.jpg

[Gawie(13mm)]

Matag, ma dis pragtag.
Ons kan nou ons eie HOWA Grootknop-bende begin!!

Groete,
Gawie.

[Chrisjan]

Hier is nog 'n paar wat ek gemaak het...

[Chrisjan]

Nog een..

[James Wright]

Baie netjies manne!

[PWV]

Ek weet nie waar jy hierdie netjiese werk doen nie.

[Gawie(13mm)]

Ek weet nie waar jy hierdie netjiese werk doen nie.

Nie in my "chop-shop" nie.