Rooibokjagte 2022. Wys jou bok

[Koos Barnard]

Wie gaan hierdie jaar almal rooibokke jag? Kom wys 'n bietjie hoe lyk jou rooibokke wat jy hierdie jaar skiet. Ek het hierdie een gister naby Riversdal geskiet met my Savage .223 Rem. Die ammo was 65gr Sierra Gameking SBT teen seker so 2900vps. Die skoot is net off-centre voor die kop in en het ten volle gepenetreer. Uitgangswond was ongeveer dubbel kalibergrootte. Die afstand was seker net so onder 100m. Verskoon die swak gehalte van die foto,dit was bewolk, die lig was baie swak en die selfoon neem dan nie mooi foto's nie. Die horings het 24.4-duim gemeet (62cm).

[Chris (vdB)]

Geluk oom Koos, dit is n' baie mooi ram. Hoeveel het hy uitgeslag oom?

[Koos Barnard]

Chris, ek was ongelukkig nie by toe die ram geslag is nie. Ek het die bok vir iemand anders geskiet en ek het gery voordat die bok geslag en geweeg is. Mooi loop

[Eduard Venter]

Pragtige ram, oom! Hier is een wat ek laasweek geskiet het. Foto het nie juis uitgekom soos beplan nie, maar dis mos maar die herinneringe wat saak maak. Hoop die manne deel soos die seisoen aangaan. 'n Ooi kan ook 'n mooi foto maak as mens reg neem.

Groetnis

Sent from my SM-G973F using Tapatalk