Watter hout braai die beste?

[spekieries]

Die doringhout wat die Kaapse manne van praat, is dit soetdoring of waarvan praat julle?

[Krobb]

Die doringhout wat die Kaapse manne van praat, is dit soetdoring of waarvan praat julle?

Doringhout in die kaap en karoo is soetdoring.
Treurig op sy beste.
Ek hou van rooibos en sekelbos en my gunsteling natuurlik snuifpeul. Sy naam in die boek is eintlik lekkerruikpeul maar as jy vir n bosvelder sê sal hy jou snaaks aankyk.
Karee is ook baie lekker hout.

Sent from my SM-J105F using Tapatalk

[matewis]

Karee is ook baie lekker hout.

Sent from my SM-J105F using Tapatalk

+1

[spekieries]

Ja, wou ook sê hier agter die boerewors gordyn slaan ons nou nie juis soetgoring hoog aan nie. Ek braai ook maar hier in die stad met sekelbos. Daar waar my mense vandaan kom is maar Sekelbos ,Rooibos wêreld met so hier en daar 'n Hardekool, Apiesdoring en Blinkblaarwag'nbietjie langs die rivier. Voor die berg (Soutpansberg) ken ons nie regtig mopanie nie. Maar ek weet mopanie maak bobaas kole. Hy het ook 'n lekker kenmerkende reuk.

[Wouter Roets]

ek sal graag 66 sakke wil he
ek bly omtrend binne julle yard in irene so ek kan dit daar optel

dankie

Reg so Frans.

Boys die eerste 4000 sakke is al amper klaar. Julle moet skree as julle belang stel om deel te wees van die volgende order. Julle kan maar gaan lees by die kenners se skrywes. Snuifpeul/Lekkerruikpeul word deur die meeste mense as van die beste braaihout aangeskryf.

Groetnis
Wouter

[Carlc]

Dagse Wouter
Ek sal ook 50 neem as jy nog beskikbaar het. Eks lekker naby jou hier in Olifantsfontein. Stuur my n boodskap met die adres dan reel ek om te kom optel. My nommer is 0agt266twee8nul2sewe
Groete

[308Win]

Lyk my ons moet meer braai.
Kyk bietjie op die lys hoeveel van die genoemde houte verklaarde bosverdigters is.
JULLE MOET JULLE KANT BRING

[win270]

Nasionale Braaidag is op Maandag, 24 September. Maak gerus gereed en braai dan dat die rook draai met jou gunsteling hout!!

[308Win]

Nasionale Braaidag is op Maandag, 24 September. Maak gerus gereed en braai dan dat die rook draai met jou gunsteling hout!!

Jy kan maar tot dan wag.

[Carlc]

Eers op die 24ste September. Neewat dan het ek al lankal onttrekkings simptome gekry. Die vuur moet ten minste twee keer n week in my braaier brand dan is ek gelukkig.

[Louis K]

Sekelbos of Knoppies doring, lekker warm vuur met 'n koue bier die hele aand.

[tau]

Ons maak net hout van die bome wat omwaai tydens ons winters. Blackwattel vir braai en Draai Bloekom vir kaggel. Ons bereik nou 'n stadium wat ons Black wattels se hout rooi en hard is, aangesien hulel al ou bome is.

[Carl]

Ai manne braai is darem flippen lekker! Mooi storie van Dana, geniet die dag
https://www.netwerk24.com/Weg/Reis/Stor ... k-20170612

[andre007]

Die braai pratery laat my nou terugdink aan die worsbraai in n skopgraaf oppie plaas as ons gaan draadmaak het. Daar was altyd genoeg besembos. Ek kan ook nie aan 1 van die braaie dink wat met blits begin was nie!

[Malan123]

Olienhout

[sako 30-06]

More Manne

Ons is natuurlik verskriklik geseen met n wye verskeidenheid van hout keuses hier in die noorde van die land. Ons tak bestuurder hier in Irene maak so elke paar maande n bestelling op so tussen sy vriende wat hy dan weer op sy beurt weer by n ou vriend van Tabazimbie plaas. Nou die hout is hoofsaaklik snuifpeul met so hier en daar n paar stukke sekelbos by om basies die snuifpeul aangesteek te kry. Nou kom ek vertel julle dat ek dink dit is seker die lekkerste braaihout daar buite. Ek was so beindruk dat ek n hele interlink van die hout bestel het.

Groetnis
Wouter

Baie dankie vir die hout, ek is nou net spyt dat ek net 100 sakke gevat het.
Dit is verseker die beste hout wat ek al gebruik het, dit brand maklik maar maak tog ongelooflike kole.
Een sak hout was meer as genoeg kole.
Die kole hou ook lank, ek was so beindruk met die hout ek het sommer, Vrydag, Saterdag en Sondag gebraai.

[Carl]

Een sak hout was meer as genoeg kole.
Die kole hou ook lank, ek was so beindruk met die hout ek het sommer, Vrydag, Saterdag en Sondag gebraai.

Jy sal moet bestel vir Kersfees!

[Wouter Roets]

Great Tienie

Dankie vir die ondersteuning ou maat! Hoop daai vleisie is met die nodige smeermiddel afgesluk.

Groetnis
Wout

[THOMAST]

Ek dink enige hout wat stadig gegroei het sal lekker braaihout maak.
Suid van Nieuwoudsville op 'n veepos het ons altyd die ou, dooie Protea bome opgesaag en dit het die lekkerste kole gemaak,

[Kalaharihunter]

Was nou vir drie weeke in die Caprivi / Botswana / Zim en Zambia. Daai ??hout wat daar lanks die pad en by die lodges verkoop / gebruik word braai darem baie lekker. Is nie seker wat dit is nie?

[Morkel]

Boys die eerste 4000 sakke is al amper klaar. Julle moet skree as julle belang stel om deel te wees van die volgende order. Julle kan maar gaan lees by die kenners se skrywes. Snuifpeul/Lekkerruikpeul word deur die meeste mense as van die beste braaihout aangeskryf.

Groetnis
Wouter[/quote]
Wouter ek sal 100 sakke neem. Ek reken “groot plastiek sakke”sal ek twee bakkie vragte wees?
Laat maar weet waneer ek kan optel. COD?

[lgb]

Geelhaak, Swarthaak, Sekelbos is maar die stapel in die bosveld. Hulle is n pes om te saag en die bloed vloei vrylik maar ai, die kole en n vleisie maak op daarvoor!

[lgb]

Olienhout

[Apie]

Baie goeie keuses hierbo.

Karee maak ook lekker kole wat mens kan rondskuif sonder dat hul wil vrek.

Hy brand ook maklik al is dit effe nat.


Sent from my iPhone using Tapatalk

[Malan123]

Olienhout

Die reuk van olienhout is vir my baie lekker. As hy ordentlik droog is, brand hy baie lekker en maak kole wat lank hou.