150gr vir Koedoe en B/W Bees ?

[Wismit]

Ek weet van julle ouens gaan dink hierdie is `n dom vraag, maar ek moet weet.

Ek wil solank begin voorberei vir volgende jaar se jag seisoen.

Ek het nog altyd maar net met my 30-06 met 180gr punte gejag.

My laaitie (nou 9jr) skiet met my (sy) 308 Howa en het hierdie jaar reeds 3 rooibokke en 2 varke met 150gr Siera Pro-Hunters.(spitzer en ronde neus) punte plat getrek.

Ons wil volgende jaar kyk vir `n mooi koedoe bul asook `n  Blou Wilde Bees Bul. My vrae is nou:

1) Het 150gr Siera Pro-Hunter punte genoeg slaan krag om albei spesies gemaklik plat te trek. Hulle is
    aansienlik groter as rooibokke.
  (Ons skiet net blad skote)

2) Indien wel, ek laai selfs, watse spoed moet ek die punte laai?
  (Ek skiet bosveld, so dit sal +-50m tot 150m skote wees.)

3) Enige voorstelle vir ladings?
  (Ek laai met S335)

Dankie by voorbaat.

W.S

[Jagtersdok]

Jy kan maar daai 150gr gooi. My pel skiet net met 150gr Prohunters en het nog nooit pyne gehad nie

[Danie Lombard .243]

Wismit

Jy kan maar daai 150's skiet, geen probleem nie. Bosveld afstande? Nie te vinnig nie, soos jy seker weet penetreer 'n stadige patroon dieper en breek minder op. So 2200fps tot 2500fps is oor as vinnig genoeg. LET WEL vir afstande tot en met 150m vir lyf skote. Plus punt, jy gaan min vleisskade he op die karkasse.

[Nico Harris]

ek stem saam- hou die spoed by so 2400ft/s en jy sal reg wees! jy kan ook  rhino koel try! hulle is dodelik!

[Gerhard]

Vir bosveld toestande verkies ek 'n 180gr + punt teen so 2200 tot 2400fps.

Die 150gr sal werk.

Maar soos met alles is skoot plasing die belangrikste gedeelte...

Lekke jag

[Francois Marais]

Gerhard/Wismit

Stem met jou, sal vir bosveld ook die 180gr aanbeveel.........



Mooi loop
Francois

[Wismit]

Baie Dankie ouens !!

Ek sal die 150`s laai en kyk wat hul doen !!

[SmitH]

Hi Wismit

Jy kan maar daai 150 skiet ek skiet in my Howa 3006 ook 150 hornady met 54,8gr 365 en is 100% tevrede

Groete
SmitH

[Wouter Roets]

Hallo Wissmit
Daar is al meer koedoes in SA met 150gr punte geskiet as wat ek al rys geeet het. Dit is nie te se dat dit die idiale punt vir koedoe en sekerlik nie vir blouwildebees is nie. Jy weet self dat dinge baie anders kan uitwerk as wat n ou verwag het in die jagveld. My raad aan jou is probeer maar n bietjie swaarder koeel en as jy kan gaan maar vir n beter punt soos bv Rhino. Darem baie goedkoper as n dier waarvoor volprys  betaal moet word vir n paar druppels bloed! As recoil n faktor vir die klein man is gaan dan vir iets in die 165 grein klas met n spoed van so 2450ft/sek. As dit nie n faktor is nie gaan vir 180 grein teen dieselfde spoed. Koeels se verigting kan nie bepaal of gekoppel word aan net die idiale omstandighede nie maar eerder aan die moeiliker kant. Hierdie is maar die formule wat deur al die manne wat kenners is gevolg word. Met n jong man soos joune wil n persoon hom ook nie te vroeg blootstel aan die harde kant van jag nie. Rarther safe than sorry!
Groete
Wouter

[Jagtersdok]

Wout

Ek eet nie rys nie want dis net te gevaarlik. Kyk die Chonkies, hulle almal se ogies het skeef getrek en hulle tools gekrimp.

[Wouter Roets]

Okey Okey
Meskien moes ek gese het Whiskey gedrink het, maar dan sou ek seker gelieg het want ek dink dalk het ek al meer daarvan gedrink as wat daar al koedoes geskiet is! Grap net
Moet nou niks oor die Skotte se nie asb, darm beter met die Ingelse gegaan!
Hoe het jou naweek toe afgeloop, kon jy darem gespeech gekry het?
Wout

[Geno]

Wismit, ek het verlede jaar met die sierra 150's geskiet. 'n lading wat vir my mooi gewerk het was 42.5gr S335. Hy was maar redelik "mild" in my CZ550.
Hoekom probeer jy nie eerder 130gr GS Custom koele nie? Dis my volgende projek....
Hulle sal dwarsdeur 'n koedoe en wildebees fluit sonder kwaai recoil....

Groete,
Eugene

[Wismit]

Geno, ek sal jou lading met die 150gr probeer baie dankie.

Ek is bietjie versigtig vir die 130gr GS Customs. Jou "margin of error" is baie klein op hulle. As jy nie `n vital direk tref nie glo ek die bok is weg.

Soos ek genoem het is dit vir my 9 jarige laaitie. Ek glo die Pro Hunters gaan `n doodskoot net soveel makliker maak vir hom. Kyk daar is niks fout met sy skiet werk nie, hy was laas jaar asook die jaar ons plaaslike skietklub asook die soutpansberg tak van die bosveld jagters en wildbewarings vereeniging se jnr skut van die jaar. Sy 3 skoot groepering met die 308 op 100m met die 125gr PH is 15mm.

Hel, hy gooi beter as ek !!!  Maar ek betaal die bokkies, en ek wil darem iets kry vir my geld !!!

[Geno]

As jy nie `n vital direk tref nie glo ek die bok is weg.

Dis die geval met enige bokskiet koeel.

Jou seun skiet omtrent goed!

[Jagtersdok]

Thanx Wout

Ja ek kon hom darem gooi, maar my hart het na die veld verlang.

[henslin]

Is maar nog altyd 'n bosveld jagter. Die sogenaamde lang skote langs die kampvuur is seker maar op die vlaktes geskiet of soos ons hier van praat - lyndraadskote. Jou kans om 150m ver in die bos te sien is uiters skaars en dan nog 'n skoon skoot te skiet is nog skraler. Gebruik tans 180gr Sierras met 39,5gr S335. Penetrasie en platklap krag is baie goed. Gee nie om waarmee jy skiet nie. As jou skootplasing swak is praat jy dalk vanaand van daai 150m skoot langs die kampvuur, maar bly redelik stil van hoe lank en ver jy na daai bok geloop en soek het. Het al heelwat se ogies toegemaak in die bosveld en kan julle verseker - weinig was verder as 100m. Ek glo veldkuns en kennis maak 50% of meer van alle suksesvolle jagte uit.
Wat my aanbetref is die 150gr punte goed vir enige koedoe of blou wildebees. Die mannetjie kan skiet en as sy veldkennis bykom gaan Pa die seisoen moet opdok !!

Sterkte