.20 windbukse

[Frikkie Coetzee]

Menere

Ek het vir my n .20 windbuks gekoop.

N Wbley &Scot, maar word duidelik deur Hatsan gemaak gebaseer op hoe die binnekant vergelyk met die Mod 70

Wat my verbaas het is hoe akkuraat die geweer is!!!

Dit is werlik ongelooflik as mens in ag neem dit is n nekbreker. Oom Danie van Rensburg maak windbukse reg vir n lewe en selfs hy was so beindruk dat hy een gaan koop het.

n Ander vriend Oom Jorrie het vir sy kleinkinders een gekoop en het gehoor hulle skiet die meerkatte dat dit goedgaan.

Vir so rofweg R 1500 kan ek werklik die aanbeveel. Heelwat meer effektief as die ou nr 1 en die grys area van lisensies met nr 2 is nie daar nie. ( Dink nie die SAPS weet hoe om joules te meet nie.)

Frikkie

[Dawid]

Dis baie goeie nuus want ek geniet nogals my windbuks skiet, lekker oefening asook tydverdryf.

Waar is die .20 verkrygbaar en hoe beskikbaar is sy koeeltjies?

[Pvdw]

Dawid die .20 windbukse is besig om oor te vat, wel amper. Koe?ls is vrylik beskikbaar hier in Pretoria.

My bek kwyl vir 'n .20 PCP. Hulle skiet nou 'n hond uir 'n bos uit.

Peet

[Dawid]

Peet, waar kan ek op die web bietjie kyk na hulle? Jis ek hoop netnie die slim  gaan ons eendag wil brand oor hierdie .20 kalibers nie...hy behoort seker in

dieselfde klas te hardloop as die ou Valk 80`s wat daar was of het ek nou die kat aan die stert beet.

[tafjak]

Frikkie

Maar Oom Danie kan nou vir jou kwaai word as jy die windbukse so bietjie slegs?.  Was al so paar keer in die kluis en is dit nie 'n versameling nie!

Interresante Oubaas darie.

Mooiloop

[Frikkie Coetzee]

Taffie

Ek is baie lief vir daai oom. Hy het my nog net goed behandel.  As ek in die moelikheid is met iets help hy my altyd. Ek gaan inteendeel netnou by hom tee drink.

Ek dink daar is omtrent nie n windbuks wat die oom nie het nie. Porky kry duidelik sy handigheid met ysters van sy Pa af.

Frikkie

[Frikkie Coetzee]

Dis baie goeie nuus want ek geniet nogals my windbuks skiet, lekker oefening asook tydverdryf.

Waar is die .20 verkrygbaar en hoe beskikbaar is sy koeeltjies?

Dawid 20 kalibers neem werklik oor.

Die W&S word deur African Hunting Supplies versprei so meeste geweerwinkels het dit. In Cradock het Arms en Ammo van hulle in voorraad.

Hanel en Naterman pellets is algemeen beskikbaar en is regtig die pellet om te skiet.

Die 20 kaliber, 5mm of nr 1 1/2 soos ek met hom spot is regtig in n ander klas. In n PCP is dit n erstige speelding vir PA. Nie vir kinders nie.

Glo dit of te nie die nekbreker "skop" nogal heelwat vir n windbuks, veral as jy die eerste keer onverwags gevang word.

Frikkie

[tafjak]

Frikkie

Stuur tog my groete aan die Oom, hy is seker van die beste windbuks-mechanics wat ek ken en hy help so maklik. Moet hom net nie verkeerd opvryf nie, jy sal verseker jou gat sien.

handiger sal jy v?r moet gaan soek. Porky is nou nie veel van 'n paloeka self nie, veral nie as dit by gewere kom nie en dan kan hy so nou en dan 'n raakskootjie gooi. Ja, ek is self vreeslik erg oor die klomp van Rensburg's. Selfs die broer(Poen) in Bloem en Klein Danie(het mos 'n bynaam van: "Maak-jou-plan")

Mooiloop

[GERT vd M]

Sal graag wil weet wat is die gewigte van die koeels waarmee hy skiet en teen watter spoed. Hoe vergelyk hy met die No 1 pelet?
                         GROETNIS
                             GERT

[Frikkie Coetzee]

Taffie

As jy weer in Cradock is, kom drink n koppie koffie. Isak weet waar ek bly.  

Kom n lang pad met die van Rensburgs. Oom Danie en Oom Willem was saam met my Pa en sy broer in die skool en koshuis.

Ek ken nie regtig vir Poen nie, Weet hy is in Bloemfontein. Soos jy tereg se dit is mense soos hulle wat die gesegde " Boer maak n plan" daar gestel het. In hulle geval moet mens dalk eerder die woord ordentelike plan in sit.

Ek hoop Porky maak n plan met sy papiere Januarie.

Frikkie

[Frikkie Coetzee]

Sal graag wil weet wat is die gewigte van die koeels waarmee hy skiet en teen watter spoed. Hoe vergelyk hy met die No 1 pelet?
                         GROETNIS
                             GERT

Gert

Ek het nie die breukdele voor my nie, maar n nr 1 se pellets weeg van so 7grein tot so 10 grein vir die swaar pellets. Meeste is so naby 8 grein

Die 20 kaliber se pellets is weer hier by 14 grein

Die H&N  Crow Magnum weeg bv 14.8Grein

Frikkie

[tafjak]

Frikkie

Janee, ordentlike planne is maar aan die orde van die dag by hulle en hulle is maar almal "aartjie na die vaartjie"-mense.

Dankie, ek sal verseker by jou kom koffie drink.

Ek hoop Porky maak n plan met sy papiere Januarie.

..............appels!, dan gaan die dinge juig!

Lyk my ek sal so .20 windbuksie in die hande moet kry, die konyne pla in die lanne! Oom Danie sal mos 'n scope op die ding(nekbreker) kan kry?

Mooiloop