Wat kan so vang???

[Dirkie Burger]

Goeie naand manne

Het vandag 'n klein lam gekry, omtrent 3 weke oud wat in die lieste gevreet is. Ek het nie 'n idee wat dit kan wees nie. Die lieste was kompleet uitgevreet dat jy amper die pens kon sien, ergste is die lam het nog gelewe.

Kan dit dalk jong jakkalsies wees?

[Raven]

Dirkie ,

Kyk hier na Jakkie735 se dorper ooi.
http://jaracal.com/http://jaracal.com/p ... ic.php?t=0

Ek belowe jou dis net jak wat so mors.

Ek sal nog fotos bysit van my verliese 'n week terug - 340 speenlammers in lammerkamp - 3 in 1 dag gebyt, almal het nog gelewe, 1 was ook in lies gebyt.
Raven

[Dirkie Burger]

Baie dankie Raven

Sal jy saam stem dat dit jong jakkelse moet wees want dit voel vir my groot jakkelse sal baie maklik so 'n jong lam kan dood maak.
Het self 27 lammers laas maand verloor, amper 'n lam per nag.
Maar dit het verseker te doen met die teef wat kleintjies het, dan vreet hulle mos meer.

Ek sal maar net daardie nes moet opspoor

Groete

[Raven]

Hier is 'n paar fotos van my  laaste verliese, lammerkamp was mooi toe, tot vlakvarke gate gemaak het en 2 jakke deurgekom het.

[img width=560 height=420]http://i929.photobucket.com/albums/ad13 ... enlam2.jpg[/img]
[img width=560 height=420]http://i929.photobucket.com/albums/ad13 ... enlam1.jpg[/img]
[img width=560 height=420]http://i929.photobucket.com/albums/ad13 ... enlam3.jpg[/img]

Raven

[Jaco Swart]

Raven

Dis baie jammer om jou verliese so te sie.

Wat my gat se deksel is , is dat daar steeds mense is wat nie wil h? dat mens die jakkalse moet skiet nie.

[Dirkie Burger]

Stem 100% saam Jaco, en dis gewoonlik die ouens wat nie boer nie.
Maar as jy die fotos sien kyk jy met ander oe na jakkie

[FE]

Ons boer deeltyds in die Oos Vrystaat met beeste. Ons is twee honderd km weg en probeer so gereeld as moontlik daar kom (elk twee weke). Die eerste probleem wat ons het is dat ons grond is plat, en ons het nie plek om 'n karkas weg te gooi nie. Tweede probleem, teen die tyd wat ons daar kom en daar het wel 'n bees gevrek vir een of ander rede ook al, sal geen leeu reservaat meer die karkas wil h? nie.

So by ons help die jakkalse en rooikatte ons veld skoon hou. Daar vrek nou nie op gereelde basis iets by ons nie, maar dit gebeur. Dus hou jakkalse 'n voordeel in vir ons.

[Raven]

FE,

Hou net jou grensdrade mooi toe asb, laat al jou jakkies by jou bly 

Raven

[tafjak]

FE

................Ons boer deeltyds in die Oos Vrystaat met beeste..........
So by ons help die jakkalse en rooikatte ons veld skoon hou....................... Daar vrek nou nie op gereelde basis iets by ons nie, maar dit gebeur. ...........................Dus hou jakkalse 'n voordeel in vir ons....................................................................................

Appels!

Hoe groot is die grond/plaas? Waarvan vrek die beeste? En natuurlik die miljoen dollar vraag is: Hoe lank boer julle daar?

Mooidink

Taffie

[FE]

Tafjak,

Dink my oupa het die grond in laat 60's gekoop, hy het skape verloor as gevolg van jakkalse. Ons is nou al so 7 jaar daar aan die gang. Ons het al vier verse die jaar verloor aan kalf probleme, en dink so twee oes kalfies. Grond 500 hektaar.

[tafjak]

FE

Ek vermoed julle het darem kleinvee naby(bure ens.). Totdat die kleinvee/wild/kleiner kossoorte verdwyn sal die beeste darem nie te erg gepla word deur die jakkalse nie.

Die dag as kleinkos weg raak is die gort natuurlik gaar en sal julle nogal redelik(sien julle is elke 2weke o die grond) in hande van die bure wees. As jou bure die jakkalse beheer(en kos gee) het julle nie veel van 'n probleem nie(groter grond sou seker h?). Daarom is dit raadsaam om goeie buurmanskap te openbaar in die goeie en slegte tye.

Mooiloop

Ps. Beter om karkasse in putte te verbrand en siektes te beheer.

[Biker]

FE
Taffie skets vir jou die groter prentjie baie mooi lees en leer
Groete Biker

[wlm]

Pasop!
Koeie wat kalf se uiers kan uitgevreet word. Kalwers kan in die geboorte-proses gevreet word.
Die ou jakkalsskieters is gewoonlik nie baie-praters nie,so luister maar mooi en dink 'n bietjie goed na.
Mooiloop

[FE]

Dankie, vir al die raad. Sal een aand 'n lig vat en kyk wat kry ek.

[tafjak]

Born to eat "hase en dasse", but forced to eat "kallers en koeie"!

.......... Sal een aand 'n lig vat en kyk wat kry ek.

................sal na my eiendom met meer drft as dit omsien.

Mooiloop

[wlm]

F E
Laat weet na die naweek hoe dit lyk asb.
Willem

[FE]

Willem,

Ek sal jou eers oor drie weke kan laat weet hoe dit lyk. Het wel 'n lig aan die volgende twee naweke, maar ek sal moet leer in die lig. Bietjie eksamen tyd. Maar klink darem as ek te min hande en patrone het of daar manne is wat my sal kan bystaan Ek sal julle op hoogte hou, en daar is nog 'n paar varkies wat verseker tender vir 'n pakslae! Ek en erx het hulle nes gekry hoop dit sal help.

[wlm]

Ou F E
Alle probleme is darem nie net sleg nie. Geniet die soekery met die lig en gee die varkies opdraende!
Willem