Sê elke dag vir haar jy is lief vir haar.

[spekieries]

Ek dink ek skryf hierdie om my hartseer te verwerk.

Ek het haar in 1984 ontmoet. Sy 'n eerstejaartjie ek 'n geharde tweedejaar wat reeds twee jaar weermagdiens gedoen het. Ek was 14 maande operasioneel en ek het teen daardie tyd al mense sien doodgaan.

Ons was onmiddelik aangetrokke tot mekaar en na my vier jaar wou ek nie 'n pos aanvaar wat te ver van Potch af was nie. Ek het begin skoolhou in Klerksdorp. Die jaar wat sy haar Aptekersgraad voltooi het is ons getroud.

Na 4 jaar wat ons getroud was en sy haar beurs terug gewerk het, wou ons begin met 'n gesin. Dit was ons nie beskore nie en na 17 jaar se getroude lewe met baie bid en huil en 7 invitro's het die Here ons geseën met 'n pragtige tweeling, seun en dogter. Ek was veertig en my ou beste 37.

Die lewe was 'n lied. Die kinders se verstandjies was helder, ek het gevorder tot adjunkhoof by 'n Hoërskool en my ou beste het 'n goeie werk.

Vrydag 5 Junie word my " buble" wreed gebars. My ou beste het 'n abses in die buik, sy word getoets sy het 'n vergroeisel op die pankreas en vlekkies op die lewer, Sy het Kanker! Sy word komende Dinsdag geopereer.

Nou, ek is seker kleingelowig, maar ek is so bitter bang. My kinders is 12 jaar oud ek is 52.

Bid vir my vrou asb.

[jenn]

AMEN het gebid. Sterkte daar weet dit is 'n moeilike tyd wat voor lê. Klou was aan Jesus hy sal jou vrede gee.

[Christo]

Seker dit sal spekeries gaan. Sterkte en voorspoed.

[Philip J]

Baie Sterkte Spekeries. Julle is in ons gebede en ons glo dat ons Hemelse Vader julle ook hierdeur sal dra.

[tripodmvr]

Spekieries, hierdie woorde van jou het nou hard geslaan. Ek is vanjaar 37 jaar getroud en moet begin besef dat die ouderdom mens begin inhaal. Ek kan slegs my meegevoel met jou betuig en hoop op 'n positiewe uitkoms. My gebede is met jou en jou gesin.

[DWB]

Ai oom Anton, baie jammer om te hoor. Ons sal oom en oom se vrou in ons gebede opdra. Ons sal oom se vrees ook help dra. Sterkte

[Triple2]

Ai. Sterkte daar!!

[Citfield]

Sterkte.

Ek glo ons Here sal julle in sy hande hou. Die lewe het sy stampe en stote maar weet net dat God altyd in beheer is. Dis moeilik om altyd te glo, maar God het julle in die palm van sy hande.

Sterkte ons bid en dink aan julle. Hou ons asseblief op hoogte.

[Pvdw]

Ek lees die met 'n knop in my keel en hartseer in my gemoed. As mens se ander half seer het vat dit aan 'n man.

Ek sal graag wil sê als gaan reg kom maar die realiteit is dat ons nie God se plan ken nie. Ek kan wel vir jou sê dat ek met elke geleentheid saam met julle en ons ander broers op die forum sal bid en vra vir genesing en genade.

Sterkte daar.

Peet

[Baasvark]

Spiekeries die trane rol oor my wang terwyl ek jou post lees.

Ou maat al wat ek kan se is sterkte! Ons bid vir julle!

[Hein22]

Baie jammer om te hoor Spekieries. Baie sterkte ons bid vir julle!!

[Jaco v Zyl]

Dankie vi jou raad!
Baie sterkte,kla gebid,en sal weer.

[henning]

Spekieries, die lewe het sy beproewinge en ek bid dat julle hierdie een sal deurmaak.

Groete
Henning

[win270]

Spekieries, ek verstaan so 'n ietsie van jou vrees en bekommernis, want genadiglik het ek nog nie dieselfde situasie beleef nie. MAAR, die Here verstaan ALLES van jou bekommernisse. Mag julle as gesin die heeltyd by Hom skuiling vind. Baie sterkte, ou maat. Moet nooit ophou glo nie. Hy sal die pad vir jul aanwys.

[243Songdaug]

Sterkte ou maat.

[Suikermuis]

Baie sterkte oom. Dink aan oom hulle.

[goodstuff]

Baie sterkte - bid vir julle

[.223 JAGTER]

Sterkte en bly net GLO sal bid vir julle

[Wayne]

Sorry to hear, Be positive and may God bless you and your better half, may he comfort your kids during this time and most of all, may his work be carried out by the hands of the surgeons.
Good Luck

[ruaanb]

Sterkte ons bid vir julle

[Stefan764]

Helsem...

Sterkte my oom. Ons bid saam met julle.

Groetnis

[Gawie(13mm)]

Jy en jou familie is in ons gebede.
Sterkte.

[Nickvn]

Baie jammer om te hoor. Ek wil graag vir jou bemoedig en se dat niks vir die Here onmoontlik is nie. My pa is twee keer deur die kanker ding. Elke keer het hy dit oorwin deur geloof en baie gebede. Vandag is my pa skoon vir meer as 3 jaar en hy geniet die lewe meer as ooit. Die kanker het se letsels gelos, maar hy is gespaar vir ons vir nog n paar jaar.

Lewe word aan ons geleen vir n tydjie, gedurende hierdie tyd sal die duiwel alles probeer om dit van ons te steel en dit vir ons so moeilik te maak as wat hy kan en ons geloof te toets. Siekte is een van die dinge wat hy gebruik. MAAR onthou Jesus het ook kanker aan die kruis oorwin. Ons moet net glo en dit vir ons toe eis. Shalom

[30-0Kwes]

Baie sterkte!

[Hein M.]

Sterkte pel.