DIY Biltong, wors en droëwors speserye

[BenJacobs]

Dagsê almal.

Ek vra uit desperaatheid, ek het heelwat vleis om te verwerk na my jagseisoen. Ek het gedink om rugstringe te hou vir steaks, boude vir biltong en die res te maal vir wors, droëwors en salami.

Ek het nog altyd Freddy Hirsh se speserye gebruik. Hier is dit hoendertande en as jy dit kry werk dit R700 'n pak uit. Het iemand van die slim mense hier dalk resepte vir biltong spessery en droë wors? Ek gaan dalk 'n peper kaas wors mengsel ook try bymekaar toor.

Groete Ben

[BenJacobs]

Oh ja, en as iemand 'n lekker salami al gemaak het, deel asb jou proses. Ek het 'n roker, so ek kan hulle rook.
Groete Ben

[swakop_toe]

Dubbel-pos

[swakop_toe]

Hierdie is my biltong resep al die laaste 10jaar
Non-irradiated koljander en growwe swartpeper.
Kosher sout is nogal verbasend lekker, vars uitgedrukte suurlemoen sap.
Heerlik.

[Ds J]

Ben, droë vleis werk nie mooi in daardie nat klimaat nie. Die Amerikaners (en Kanadese) wat biltong wil maak het droëers, en kan oor die algemeen net klein hoeveelhede gereed kry wat vir enkele dae hou.

Kyk na moderne resep vir pemican - dit is n tradisionele vleisverwerking van die Batis in Kanada. Jy kan gerookte en gepekelde verwerking ook probeer.

Ek sukkel om foto's op die forum te plaas - sal vir jou n resep aanstuur.

[Eduard Venter]

Maklikste is sommer gewone sout en peper biltong, ek geniet dit nogal. 18g sout en 3g peper vir elke kg vleis. Kan enige iets bysit na smaak.

Aangeheg is oom Stefaans Blaauw van Hentiesbaai se wors resep wat werk vir droëwors en boerewors (persoonlik hou ek meer van die resep as droëwors)

Maar die dominee praat waar, biltong en droëwors gaan maar sukkel as die area vogtig is. Ek sukkel self nou in die bosveld om dit droog te kry en dit het nog nie vreeslik baie gereën diekant nie.

Sent from my SM-G780F using Tapatalk

[TFDADD]

Ben, in daardie vogtige klimaat in Kanada is dit beter om jou biltonge te sny soos jy hulle wil hê en dan in so ± 3kg pakke te vakuum verpak en te vries. 3kg nat biltong gee ongeveer 1kg droë bitong - afhangende van hoe nat of droog jy jou biltong verkies.
LET WEL: Geen speserye op soos sout, peper en wat nog alles op die vakuum verpakte biltonge nie.

Wanneer jy biltong gaan nodig kry, haal so 1 of 2 pakke uit en laat hulle ontvries, dan is hulle weer soos vars gesnyde biltonge, sout en spesery hulle dan soos jy verkies.
Stem saam met wat gesê is, biltong droogkas in julle wêreld sal dalk beter werk.

[Ratel]

Almal gee goeie raad. Ek sou biltong kas met waaier en gloeilamp 24/7 gebruik. Om jou biktong in sterk bruin asyn water deur te trek voor jy ophang help vir muf. Dan as jy n groot dehumidifier het om dit in vertrek aan te los. Ek stem saam Eduard gewone fyn sout en peper mengsel werk lekker. Wil darem nog proe ek eet vleis. Ek kerf, vacuum seal en vries my effens klam biltong. Hou n jaar lank maklik

[BenJacobs]

Dankie almal.
Die huise is hier is klimaat beheer en die lug is verbasend droog! Veral wanneer dit gesneeu het is dit bitter droog, klink snaaks maar ons het "humidifiers" in die huis om vog terug te sit in lug.

Verder het ek 'n lekker biltong kas gemaak laasjaar en het al heelwat bees biltong en droëwors gedroog, werk nogal lekker, wors hang so week en biltong so 4 dae. Ek het presies gedoen soos TFDADD sê. Biltong in pakke gevries, en uitgehaal en gespice met die Kalahari biltong speserye wat ek saam gebring het van RSA.

Dankie vir almal se raad ek gaan dalk eenvoudig hou en bietjie die bogenoemde resepte toets.

Groete Ben

[Johan Nel]

Ben,
Daar is 'n paar webwerwe wat videos en resepte oor Droëwors en biltong het. Een so een is 2 Guys & a Cooler. Kyk na die link onder met hulle resep vir droëwors. Die lekker van die resep formaat is dat jy jou vleis se gewig wat jy wil maak, intik, dan werk dit presies die hoeveelheid van elke bestanddele uit.
https://twoguysandacooler.com/south-african-droewors/

[Johan Nel]

https://twoguysandacooler.com/biltong/
Die li k hierbo is hulle biltong resep.

[Johan Nel]

Dan is daar 'n man, Charlé Visser, 'n Suid Afrikaanse chef, wat hom tans in Rusland bevind wat drie weergawes van 'n droëwors resep op sy webwerf gee:
https://www.pantsdownapronson.com/droew ... pe/#recipe
Die varkvleis weergawe amuseer my in die sin dat almal "weet" mens gebruik nie varkvet in droëwors nie, want dit word galsteriig, maar hy gebruik dit in die een resep.