Hout geweerkolwe en vog

[Hein M.]

Hallo almal!

Net 'n paar vragies:  Watter invloed het vogtigheid en atmosferiese druk (bv. tussen die kus en die binneland) op gewere se houtkolwe?

Is die invloed minder waar die houtkolf gepak en gefreefloat is?  En is daar iets wat gedoen kan word om hierdie invloed minder te maak?  'n Spesiale behandeling of iets dergliks?  Is sekere soort hout minder / meer vatbaar vir invloede?

By voorbaat dankie vir terugvoer!

Hein

[Beyers]

Hout is higroskopies. Trek water uit atmosfeer aan. Gedurende die stoomdroogproses word die vog uit die houtselle verwyder tot tussen 7% en 14% voginhoud. Die selle wil altyd dieselfde voginhoud as die omgewing he. Dus sal dit vog inneem tot gelyk staande die atmosfeer. As dit baie vogtig is swel die houtselle uit en verander die hout vorm. Die lengte verander nie, maar wel die hoogte en dikte. Dit gebeur oneweredig in die selle, gevolglik trek die hout krom. Dit veroorsaak spanning op die aksie en verander POI. As die hout nog aan die loop raak is die sports groter.

Hoe kan die trek verminder word? Free float die loop, dis nou nie met net die dikte van 'n R10 noot nie, dis sommer 1,5 tot 2mm. As die hout soveel krom trek sal hy begin wortel skiet. Seel die hout goed. Met die pak van die aksie word die oop ente van die selle binne die kolf toegemaak, dus kan vog nie daarin kom nie. Die buite kant moet ook geseel word, vandaar die blink dik vernis wat op komersiele kolwe geplak word.

'n Olie afwerking op hout is net effektief indien dit onderhou word. NIE MET MINERALE OLIE NIE. Greelde onderhoud met schaftol of enige goeie meubelolie sal voorkom dat die selle dors wor vir water.

Baie belangrik is die keuse van hout voordat die kolf gemaak word. Saphout (gewoonlik lig van kleur en baie sag) is meer geneig om vog aan te trek. Die kerhout (gewoonlik donker) is "dooie" houtselle wat silikate en hars en sap bevat wat droog geword het vandaar die donkerder kleur. Daar is baie minder ruimte in die sel vir water. Die wyse waarop die selle in die blank le het 'n effek op die sterkte van die kolf.

Ek verkies okkerneut vanwee die goeie werkbaarheidseienskappe en omdat dit die hout is waarvan kolwe nog die meeste van gemaak word.

Ons SA hout word nie korrek gesaag en gedroog nie. Ons hout is ook baie hard en geneig om te kraak.  van die slag van die skote wat afgetrek word.

[Monrique (SJ)]

Beyers

n Baie goeie beskrywing, dankie.

Groetnis

[Hein M.]

Beyers,

Dankie vir die volledige antwoord en deeglike beskrywing.  Hierdie is 'n goeie riglyn vir ouens (met houtkolf-gewere) wat die winter op ander plekke in die land gaan jag.

Hein

[Dawid]

Mooi verduidelik daar dankie Beyers.

Hein.......solank jy netnie n Pine kolf het nie want daai ding trek erger vog as wat n bergie sprits trek. 

[Hein M.]

Mooi verduidelik daar dankie Beyers.

Hein.......solank jy netnie n Pine kolf het nie want daai ding trek erger vog as wat n bergie sprits trek. 

Nee, dit is okkerneut - ek dink - en ek het hom laat pak.  Sal hom later wel vervang, maar moet eers vasbyt.

Hein

[Monrique (SJ)]

Hein

Hoe het daai kolf uitgekom?  Jy tevrede?

Groetnis

[Hein M.]

SJ

Nee jong, die ouk?rel is nog nie klaar nie.  Hy vat sy tyd.  Maar ja, ek HOOP dat dit olraait gaan wees.  As dit nie is nie sal ek hom dwing om vir my 'n Boyds te koop!

Sal hopelik die geweer binne die volgende twee weke kry.

S? my, het  jou 308 'n RSA-aksie?

Hein

[fanie17]

Ek seel altyd my kolwe binne met n sealer ook waar die loop is,dan is ek seker dit kan nie vog trek nie

[PITSMIT]

dagse manne

ek behandel my kolwe met london oil al vir jare en hulle is nou so deurtrek en mooi blink dat hulle nooit sal kromtrek as hulle nat word nie.

dis n lang proses en beter as hout vernis of se?ler want as hy per ongeluk n skrapie kry maak hy nie so wit strepie soos vernis of ander se?lers nie.

so lyk my 308



lekker aand manne

[Hugo Vermaak]

Dan is gelamineerde kolwe mos die antwoord, dit lyk darem nie so mooi nie maar is meer prakties , wat dink julle .

[Beyers]

Ja, maar dit is nogsteeds hout. Moet geseel word en versorg word

[Gerard]

Twee goed om in ag te neem.

1.  Die kolf moet onder die skopkussing ook verseel word.  Daar is 'n groot oppervalk "endgrain" wat baie water sal opsuig en afgooi. 
2.  As die kolf afgewerk word, of verseel word, is dit verkieslik om dit te doen wanneer die kolf nie baie vogtig is nie.  Bepaal die toestand van die kolf deur die las tussen die kolf en die skopkussing te voel.  Die skopkussing sal nie uitsit of inkrimp nie, dit absorbeer nie water nie.  As die kolf dus groter is as die skopkussing het dit vog opgeneem.  As die skopkussing groter is as die kolf is dit deur 'n amateur aangesit of die kolf is baie droog, jy moet self besluit watter een dit is.