Eerste bok met nuwe ou geweer

[Carl]

Ek het Saterdag so draai gestap op die plaas met my “nuwe” nege-drie. Dis ‘n erf geweer wat ek laat reg maak het. Ek glo daar was heelwat bokke geskiet deur die vorige eienaars sedert die oorlog wapen sy pad gevind het uit Duitsland na Afrika toe.

Ek leer nog die geweer ken. Die gewone sneller is nou maar eenmaal militêr, trek stadiger en harder as ‘n Cruiser in low range. Maar die Duitsers is nie verniet slim en innoverend nie. Die haarsneller maak dit heelwat makliker, dis net effe lig so mens moet mooi gewoond raak daaraan.

https://lh3.googleusercontent.com/xl-Zl437FhRUPtWuBicoURSSZkHg_rFNXLkP996KcQk0VcnAedue91UyTsJgGwR0tStoGr08FLk5NYIIbmMNIv25M-4_uwhlI_JB7DJqLRy_fWWkgDO4qe3MDOOydjMPsfhY5czV_ls_v1DCWgDkt4NtDkonm5tjAEQMS77cDCaZ8k5exJDJPwRqPuUeJGYvBGkzUlwtEUuHy8C6N67ndqnShwOmm_TRgpHkRl7OpVN7CeCMVoSrwIwxRUy9Py109txNc7rsu7fF5Whj2GHnDdAzmXOQVRjShuO8Sf4k4rFLDPMwmTN16q4UKGTElC1RnM7LiMoZ1OGJNntZep72K1I6LLW6Bsk9GMENKIDd2idLQA-IpH41ot0fXwS1YJ8bplLfX9BT2wlgUWBPEL4wja6C7jDKMZSFskpV-tvqqLwP9q_etySg-WpVYxcltjcHe04kOEpOZTR6nTxI6xhB1A4w3tSm4VImYtZ2rbD0m8Fwz6yQncLoCEm_b_T6jZF_y3CWw5NVLIl4nBpBT9QThJYisKgmjfuhypRxH2tYZjX7__vILq_uMhJuDEkoiJF3xCC5Qfv4mar992Us1gLP3e-FfMkEeE_P0SMD2WXqSb2BX_41=w723-h1284-no

Ek was eintlik opsoek na die manne. Daar is ‘n paar op die plaas en ek dink hulle is die regte toets vir die geweer.
https://lh3.googleusercontent.com/sKVOwPRTyEIAyxIYXNfdgBOf7rJK7qI4tu8w6cq6GfVzYfszcR3wGT-JwThrjTLJYnvhU0OUkFvmDhyPltPKn-UWHL3HldsjGVn9paVkUkJ6pgIoPlFoEORh17-WPtcDgV1Dwdwx4480RTPfLY5IhC3nhEPl99xYBcLCEk4Hy53CCAHrFqB0kZYUHMtVaOvc8VR_ABCAG8p0cuwuYwzNSwAbJuhX8mNdB9rsyAMxFVSzfFCzJlpaARTDTh1E9tbFLoI92J94gvfN-T4AlwMDftVpOnA0Vjv8Yh5SZlRxZ1_OKAKH93ChYwXBnzYlySV3D67ykWau_uSDhvS5Q4XAP4FttEqKo3ajH2pqC0S3iAQx4ZSk5S4IF6dbIKIQrVYBOsCYsyYf6ePi6bVgq8YoLeN2WYiH5LmmQ-GATiJc7-by6GHvBC5JOm20gCu6iPHfLwgqXWKhnN3_VUB3M7NtyHYfqQhGEfJIrmWux5bs26Ke_fT6hZ-kyjCC-aikWsI9BGL39_ooH20jauOaPJcMBriaGQTgO0BiQbaijsbxflcRfR8qmfw5MRWRjX8cSR1_-0KVtplEGSH8bz36UDF8CAr5LpE7hpAxCyyq277I_d-rxCel=w1024-h683-no

Ek het 2 kanse op rooibok ramme opgegee. ‘n Rooibok is net te lig in die broek om die geweer te toets. Ek het ‘n spannetjie koedoes by die een dammetjie gekry. Hulle het al begin hardloop voor wind of sig hulle kon waarsku dat ek oppad is. Dis nou maar een aspek van ons deel van die Bos, hier is te veel kos vir Kwêvoëls! Dis ‘n vervlakste dier, die lelikste geskreeu buiten ‘n viswyf wat aanhou soos ‘n goedkoop wekker. Die koedoes met ‘n lekker bulletjie in die trop is wind af oor die rivier, na ‘n deel waar ander jagters jag. Dit was nie lank toe begin daai manne oorlog maak. Na 3 skote is dit stil – seker ‘n 308 gewees. My vrou laat weet dit was ‘n BWB wat so effe sterk was na die 1ste skoot. Sy noem toe sommer dat as ek een kry, ek vir die bestuurder 1 moet skiet.

Ek loop ‘n wye draai om nou heeltemal die noorde wind wat lekker stoot in my gesig te kry. Ek besoek al die gereelde plekke, maar niks wys ‘n lyf nie. Die plaas se wildste zebras stap niks vermoedend oor die pad so 80m link van my. Maar op daardie stadium was die hings nie op die spyskaart nie. Hy het nietemin omgedraai en sy merries op ‘n galop weggevat.

Ek kon uiteindelik ‘n spannetjie BWB koeie in die oopte onder Eskom se kragdrade kry. Na ‘n bekruip sessie op hande viervoet kom ek in possie. Die kort ligte geweer maak dit darem baie makliker om te beweeg so. Daar was egter een koei wat stip gesit en kyk het na die ding in die Karee bos. Sy moes onderlangs mompel want die trop het stadig weg gedraai en begin wegstap. Geen skoot is aangebied nie, net boude en 1/4 –weg met so oor die skouer loer en lywe deurmekaar. Ek het terug gekruip digte bos toe en met so 180 grade ompad hulle gaan voorkeer. Die deel waar ek uit die bos kom was so 90m voor hulle. Al wei-end kom hulle nader. Ek het weer stelling ingeneem in ‘n Karee. Die Mauser lekker gemaklik in ‘n mik.

Die bokke het egter nie ‘n skoot gebied nie net bly wei, altyd met een agter die ander. Ek was oorgehaal en moes net die haar sneller span. Een ouerige koei is eenkant toe onder ‘n groot Karee. Mens voel aardig om die sneller te span – net seker maak dis die agterste een! Sy beweeg stadig agter die oorhang takke van die boom uit. 85 tree toe sy ‘n bek vol gras vat. Die kruis haar sit laag op haar blad. Ek skrik sommer toe die 9.3 die stilte breek. Sy spring hoog en met krakende takke is sy om die groot Karee. Die res van die trop hardloop reguit na my toe en steek so 40m voor my boom in die oopte vas. Hulle staan nog rond vir so paar sekondes en besluit dis beter om die digte bos op te soek en vertrek op ‘n streep.

Ek sit my stop horlosie aan en tel die tyd af. Ek hou van ten minste so 15 minute wag, veral omdat ek dink dit was ‘n goeie skoot. Toe die tyd amper om is merk ek die skietplek en begin aanstap na die bok se staan plek. Sommer nog oppad soontoe sien ek haar lê regs in ‘n oop kol. Sy het om die boom gehardloop so 10m en morsdood gelê. Die skoot was laag net agter die skouerpotjie, die koeëlgat en omtrek vol helder rooi bloed. Die oorkanste been mors af geskiet. Ek was baie tevrede met my nuwe ou geweer.

https://lh3.googleusercontent.com/a00OasLihrFzlFygzBSfggxI5vawI0M8W-4FJ06dTgEV_53U6nFdTcG70BoFsljT5rfYwZ6F_nLyZilm4i_R1ri2jR-6yqSWknCeig1Seh0epT3qnad8XdGUerL9DDVXSnKEk2T70nC0iuSpuEBoaBuwkSwvNgrDfd2alL5SHGKhmG_Uyr18FmnAT7-4OTqyIHlq2UuKh4eXaSEjQFlQStFgnp5DP5yzyarE_S52HrSojcefcwdRqympMv4USpkk8cSWqp4VrVAzJh3aseWuDtZSHsmaGRDkGlq-bYSxFvxLNKVE8VAAiObFZf10iQQSEEgP2HO2l4ggfiNBpXJiVGOTO6CB_3bSSVxf5Z-FRJRshF_A_Wkh_0Y-NwsnDLy2DMdwkP3kwFOmS0ddOJ3Sx926NchGid9fs7405z8M5BfCKCifWH6D_b_atOzhOOsvo2cTirSvLZxy5BP8hobc58AhTte_iSs-Lw8ldxk9AbsfJAf1WnsHHDlUVPWsWBeD-3ULKqZ6w_9ECLAWbXSf3kvPeYM1GMZxvz9rQSZZnsamHRhbERHhoYKNpBBNjbm3lkx8mJvEhL2GqpjlDHBmMJk0UMwbLy9hyZAtcCtEZscFtSyH=w723-h1284-no

Toe ek verder stap opsoek na die elande wonder ek wat gaan ek nou maak met my ander gewere in die kluis?

[henried]

Te lekker Carl.
Nie al die fotos wys nie...

[DWB]

Hahahaha mooi man! Nou weet jy hoe dit voel!

[Carl]

Al die fotos behoort te wys nou.
https://lh3.googleusercontent.com/pOFaOBFM-3hqXbnLz7zlvSKK3udFoyluMeaNNPO_JoKhXctGVfUVEs8wT3O7CKeaJ8qBTJCZfo6-hocPpbmaDe-yK4sFwmmpYwcT6EBCtLltNET3BDAmeyYQoTm-wUP80I02vCISaV5hHn1fd7enYfDZFDbHHss8W6JT_CLB47lYsK2nsw7wqyIOPAFqwN562to85ljoNw2spHolXn0FfsCkCUGOTJ-Ae8DWIBuYKrIaG2PTV3Nhk5zbI2qJyjGMykSz9Yg4MFX2emDQsSNcLyXfNYWMYmhgEv3GfCmrl4pOTB48FgxeujPydrt4AqQOwd2oz1FoQq3fpq31QZDEwI2cPsE24QNZgu3hzvbrLysoMH2v7RY2TAwX34NTu0iAMWNqtHcRybx_9aT0KOVSyQw700PhHC62TDcV6pcNTGTy5kNFKy6MZIzQRF41ASwUDLT_qucrmMZO2oCWxlXtgLctBYgN1Cl5zvwfGB_TiyTH4g3-3Zm25ZJY7stWJkaQA5XcNQQPAT0-zyprE8ZTnr1ciZ2lmorYuaqbjtajQCdAEmaxfRV8Rnm55Cicr0R7mrIEA7vUPTcGUXltA3NS-s_o8IJTjEwlyj-_yRTXn_XFipha=w1880-h1058-no

[FrancoisW]

Dt was nou lekker om te lees. Dit voel of mens deel raak van die jag. Dankie vir die deel

[Flip Nel]

Mooi Man baie geluk

[Capt. Yoda]

Netjes Carl

[ruaanb]

Netjies Carl!

[Frederik]

Geluk jammer jy kon nie in een van die eland bulle vas loop nie.

[Boersonderroer]

Mooi storie, altyd lekker om suksesvol met 'n nuwe roer te wees

[Willeboer]

Lekker. Ek ry sommer nou bos toe , so lekker was jou storie!!!!!!

[dehacked]

Daar maak jy my oggend Carl.

[spekieries]

Ja nee ou 9.3 is die baas in die bos. Paul Mauser was geniaal.

[Carl]

Ja nee ou 9.3 is die baas in die bos. Paul Mauser was geniaal.

Eintlik Otto Bock se kaliber , met die hulp van Mauser vir die aksie. As jy na al die ander goed in die lewe kyk is dit net fantasties om te dink dat die aksie die toets van tyd deurstaan het. Met baie min verandering is dit nog steeds een van die beste!

Dankie manne.

[Victor]

Mooi vertel en lekker gejag !!

Ek droom nog oor n 9.3 in my kluis.

[Lourens Potgieter]

Dankie Carl, baie goed geskryf.

[spekieries]

Ekskuus jy is doodreg Otto Bock.

[Apie]

Lekker man!

Ek is ook lief vir my Oom Otto geweer!

Sent from my D5803 using Tapatalk