Ad blocker detected: Our website is made possible by displaying online advertisements to our visitors. Please consider supporting us by disabling your ad blocker on our website.
wlm wrote:Dehacked
Die prokureurs kan help maar die wet maak voorsiening vir 'n 50/50 verdeling van onkostes met die oprig of herstel van grensheinings. Daar is sekere voorskrifte rondom kennisgewing en so meer maar die middelvinger gaan nie werk nie. Gee daai buurman kans, as hulle sy koeie begin vreet as hulle le^ om te kalf of sy kalwers vang gaan sy pyne begin.
Jassie se filosie is die enigste doeltreffende metode om die geveg te wen. Beperk sy beweging, werk saam aan die problem en maak hulle dood.
En hierdie is nie 'n mooi gesig nie. Veral as die koei die volgende oggend so verniel is en lewendig van agter gevreet is dat jy haar moet skiet.
Ons het so 'n buurman wie glo los maar die jakkalse. Probleem is dat van die neste op die ou se grond is. Nodeloos om te se die jakke kom van sy grond en vang skaap by ons.
Ek sal graag van die Prof wil weet watter metodologie hy gevolg het om te bepaal dat jakkalse groter werpsels kry en dan waar en vir hoe lank sy studie gedoen het vir sy tesis. Ook sal ek wil weet met hoeveel skaap boere hy onderhoude gevoer het (mense wie die probleem eerste hands beleef) en wat sy gevolgtrekking was oor hulle terugvoer.
Dink donkies as voorsorgmaatreël sus slegs die gewete van Slimjanne. Ek grens aan 'n hervestigingsplaas met 'n hele klompie donkies en die jakkalse floreer daar. As onsin mooi oortuigend as die waarheid verkoop word en genoegsaam herhaal word, raak dit later sommer "feite".
