SD wapen gesoek

[Jacquesb]

Verkieslik Glock verkies .10mm Auto of .45
In goeie kondisie.
Of wat het jy om te verkoop.

Groete
Jacques

[henrygriffiths]

dagse ek het n 357 mag austra 4 duim wat ek wil verkoop R750 vir die revolver en dan het ek dies en doppe en patrone so om en by 500 ekstra

[Apie]

Jacques

Gaan jy die wapen dra daagliks of slegs as jy langpad ry?

Kyk bietjie op een van die ander drade is daar n pos oor verskillede punte se penetrasie vermoë

Selfs n 9mm met goeie ammo soos Winchester Rangers, Hornady Critical Defense, Federal HST ens is verseker in die running.

10mm ammo is nie so volop nie.

[Arnold]

Soek vir jou n 9mm Glock. Ek het n 45 gehad en het na 9mm beweeg oor jy n kleiner wapen met baie meer ammo in die magesyn kan kry. Slaankrag is ook nie n issue met moderne 9mm ammo nie.

[Alwin]

Niks fout met 10mm Glock nie. Hy skop nogal, maar is gewoonlik baie akkuraat. Ammu is skaars, maar nie onbekombaar nie. Jy sal noodwendig moet herlaai, anders kan jy nie oefen nie.

[Carl]

Hallo Jacques

Jy het reeds 'n 9mmP, hoekom wil jy 'n ander kaliber ook by koop? Wil jy die vuurwapen elke dag dra (EDD)?

[Apie]

Het self nog nie n 10mm Auto geskiet nie.
My ervaring met die 40 en 45 is geneig om te twist in jou hand as jy vinnig begin skiet.
Veral met selfverdediging ammo wat bietjie meer 'torque' het.
Glo my, jy wil.nie met n Winchester Ranger in 9mm raakgeskiet wees nie.

[Jacquesb]

More almal.
Dankie vir julle insette.
Dis vir n vriend, eks tevrede met die H&K.
Ek gee hom vanaand al die terugvoer en dan volg ons individueel op soos nodig.
Voorspoed.

[Apie]

As hy daagliks gaan dra sal ek voorstel hy koop 'n

Glock 19 of dalk 26
CZ Duty

Magasyne, holsters, visiere en alle by en toebehore is volop en die pistole dra lekker en skiet ook lekker.

[Alwin]

As jou vriend die wapen net vir selfvedediging (SV) wil dra, en hom elke dag gaan dra (hoe anders?), dan is die 9mm die beter keuse. In Glock se reeks, is die G19 die gewildste, en dis met goeie rede.

Die 10mm Auto het 'n nut. Dis 'n goeie handwapenjag-kaliber, vir gebruik as primêre jagwapen, of as sekondêre wapen, d.w.s. vir die toediening van 'n doodskoot op gekweste wild (met die regte ammu en waar wettig). Hys is natuurlik 'n goeie SV kaliber ook, met die regte ammu.

Ballisties gewys is die 10mm heelwat kragtiger as die 357 Mag, en baie vergelykbaar met die 41 Mag. Jy kan natuurlik die 10mm aflaai na omtrent 40S&W ballistiek, dan is hy mak soos 'n lammetjie.

Wat hanteerbaarheid betref, is die 10mm meer van 'n handvol as enige ander normale pistool kaliber. (Kom ons beperk die gesprek to Glock pistole.) In die mod 20 en 40, is hy 'n plesier. Die mod 29 is moeiliker om te hanteer, want daar is minder vatplek. Die ooreenstemmende 45ACP modelle (21, 41 en 30) is presies ewe groot, maar skiet effens geriefliker omdat die 45 ACP heelwat makker is as "normale" 10mm ladings. Die groter modelle hanteer dus gaaf, maar dra moeiliker. Die kompakte model dra lekker, maar hanteer nie so goed nie.

Die 45 ACP modelle wen op hanteerbaarheid, maar is minder geskik vir jagdoeleindes, aangesien die kaliber nie sulke diep penetrasie gee as die 10mm nie. Dit is natuurlik ammu-afhanklik. Hulle vat ook gewoonlik 2 patrone minder in die magasyn, as die ooreenstemmende 10mm.

Ons kan aanhou, maar iewers moet mens maar 'n kompromis aangaan en die ene kry wat aan jou (en nie iemand anders se) belangrikste, vereistes voldoen. Die belangrikste is, dat hy daar is as die papaja die waaier se lemme tref.