Geel vis in die winter

[Blesbok]

Naand manne wil weer so bietjie raad vra. Die keer oor vlieg visvang in die winter.
Ek gaan Junie maand na die vaal rivier naby christiana (n plek in die middel van nerens) en wil graag kyk of ek nie n ou vis of twee kan hak nie. Ek is veral agter geelvis en moddervis aan. Eenige raad en dink jul ek sal iets in die winter kry of mors ek my tyd?

Ek is nog bietjie nuut met die hele besigheid
Groete Blesbok

[JacquesT (Stompe)]

Naand Blesbok,
In die winter maande is die geelvis maar passief en kan dit nogals 'n man se moed breek. Ek persoonlik span dan maar my vliee in vir forel. Onthou optimal water temperatuur is bo 16 grade of so iets. Om die strome aan te durf in die winter kan ook 'n koue affêre wees op die lyf. Maar as jou bene die koue water kan trotseer, en jy het genoeg deursettings vermoë, go for it. As jou lyn nie in die water is nie gaan jy in elk geval niks vang nie.

Ek sal wel voorstel dat jy jou leader lyn vervang met monofilament lyn en jy dan op die checz nymphing metode hengel (daar is goeie video's op youtube) . So jy gaan met alle tye op maksimum 8-10 voet hengel. Met die koue sal hul byte baie meer fyner wees as normaal en sal die mono jou toelaat om baie meer direkte gevoel met jou vlieg te hê.

Sterkte, en hou ons op hoogte van jou vangste.

Stywe lyne.

[FCLoretz]

Jy Kan ook die dry/dropper metode probeer en veral rondon groot klippe ens vang.

[henried]

Winter is tyd vir die GB Geelvis.....

[Carl]

Blesbok,
Ek het laaank boekdele geskryf oor geelvis hengel. Die winter kan van jou beste tye wees. Grootbek ja maar daar si ook kans om die kleinbekke op sig te vang, met droë vlieë.

Wanneer die Vaal op sy beste is - mooi skoon - is dit soms beter as New Zealand. Moet net nie die water drink nie!!

Lees die artikels oor die winter maande hier - http://yellowsonfly.com/

As ek nog kans kry sal ek nog skryf hier. Jy het 'n boot nodig!

[Johnnie De Wet]

Probeer maar eerder net vir grootbek geelvis, ek sal nie nymph/czech nymph nie. Probeer dieper poele met streamers.
Moenie veel verwag nie, gaan in die somer en die 4km stretch bokant die Aventura oord is hemel.

[Carl]

Dis reg Johnnie, dit help nie jy probeer in die stroom versnellings met die gewone somer tegnieke nie.

Blesbok (ek het die naweek die vir jou gaan tik)
Ek hou van winter hengel. Die vis is almal in top kondisie, blink en spekvet. Die storie dat vis nie eet in die winter is 'n bog ou vrou storie. Jy moet net die vis soek. Gaan lees en verstaan wat die "thermocline" is. Kleinbekke skool in die winter, so as jy een kry gaan jy nog kry. Groot grootbekke is alleen en gebiedsgebonde, maar kleintjies hou in skole.

Hengel tyd is so van 10-3uur effens later vir grootbekke.
Kyk eers die poel deur vir oppervlak aktiwiteit-ek het al GB sien prooi jaag soos see vis. Kyk ook mooi vir skole geelvis wat naby die oppervlakte hang.
Gebruik intermediate lyn of dan stadige sinker. As jy net 'n dryf lyn het maak jou leader baie langer dubbel stok lengte. Tippet 8lb of swaarder as jy net GB hengel. Vir droog en net nymphs 7lb as water baie helder is tot 5lb.
Vir kleinbekke alleen teiken - jy kan net met klein nymphs hengel, so 2 bv swart mayfly + gold ribber hare's ear. Tandem rig. As jy goed is kan jy kort droppertjies maak met klein emergers teen die leader op. Soms werk 'n dragon nymph wat klein swart nymph "jaag" ook goed. Damsel nymphs werk lekker as daar water gras is.
* jy kan beide geles teiken vanaf die boot. Jy moet dieper water hengel, vanaf bors diepte tot selfs 2-3m. Anker net onder die stroom versnelling waar die water begin egalig vloei. Gooi skuins stroom-op, "mend" sodat jou vlieë kan sink. Nou moet jy heeltyd kontak hou deur 'n baie stadige retrieve. Die lyn moet effense boepens maak, met spanning in. Jy moet fyn voel vir byte.
* Laat die span vlieë swaai en natuurlik opstyg op die einde van die dryf. Baie vis vat nou!
* Indien jy geen byte kry, beweeg jy deur die poel, werk hom heeltyd so. Hou aan tot jy die einde van die poel - die stert of "tail" dek met die opswaai van die vlieë. Hierdie tail-out is een van die beste plekke veral laat middag.
Vir grootbekke en kleinbekke sit ek 'n groterige nymph #10 of selfs groter (dragon fly nymph) voor en dan agter 'n zonker of black woolly bugger. So die groot vlieg jaag die nymph Dit hengel ek dan deur die poel en spits myself spesifiek toe op struktuur. Bv rots riwwe, diep kanale, tail-outs, bome, groot hiasint bed.
Laat middag, gaan ek na die einde van 'n goeie poel, kry 'n lekker rots om op te staan (as jy nie boot het nie is die 'n oplossing) en gooi dan stroom-op. Werk daardie deel goed. Die grootbekke en groot kleinbekke beweeg vanuit die diep dele en jag die deel van die poel soos wat die lig verminder. Dit is ook hier waar jy lekker kan dry en dropper hengel.
As jy net grootbekke teiken, sit 2 vlieë aan 'n effe kleinerige zonker of minnow agter op dunner tippet. Ek het al bul kleinbekke so gevang.

Wissel af tot jy sukses kry
*diepte vir die sink. van die oppervlak tot diep. Sit selfs split shot aan.
* spoed van die retrieve
* kleure - swar, donker groen, ligte helder kleure.

Indien jy aktiwiteit op die oppervlakte sien - dis die porpoise rise of head & tail - lyk soos 'n dolfyn wat net oppervlakte breek en insek eet. Kop-rugvin-stert. Kyk of jy sien wat is op die water. Boots dit na met 'n droë vlieg en dropper klein nymph so 10-40cm onder dit. Die baie spatterige rise beteken nie veel nie - gewoonlik caddis.

Ek het ook al kleinbekke gekry wat in 'n stil poel so 1m onder die oppervlak lê. Die skool bestaan uit so 100 visse. Ons het 'n klein poppertjie of dan baie groot droë vlieg soos 'n springkaan aangesit. Gooi so meter van die vis en kyk hoe kom hulle op en vat die vlieg. 'n Klein plukkie help soms. Laat die vis die vlieg vat tot jy hom voel op die lyn (hou die lyn onder spanning) Moenie kap as die vis lyk of hy die vlieg vat nie.

Ek het al baie fantastiese dae op die Vaal gehad - veral as die temp warm is -22C wintersdag. Vermy die dag net voor groot koue fronte deur kom, en so dag daarna.

[Blesbok]

Baie dankie vir die moete Carl.
As jy het sal jy en n paar ander manne dalk n paar fotos oplaai van die vliee ens. asb

[Carl]

Ek sal. Nie baie fotos van grootbek vlieë nie maar dit is baie op die www.

Ken jy dalk vir Dawie Ras van Minitubers? Die man weet ook baie van vis daar in julle wêreld.

[Blesbok]

nee ek ken hom nie carl. waneer ek probeer self bind vir geel vis watse kleure en vorm moetek ingedagte hou

[Carl]

Blesbok
Beste materiaal is rabbit zonker en dan marabou. Alles wat sag is en baie beweging maak.

Die beste kleure: swart, olyf en bruin. Ek hou ook baie van die natuurlike rabbit zonker, met blinker onderlyf. Dink maar hoe lyk 'n klein baber?
Cactus flash, swart, olyf, pearl en rootbeer/bruin.

Jy gaan baie patrone op die forel sites kry. Soek maar net vir die attractor tipe vlieë

http://www.adsafricanflies.co.za/pdf/ca ... _flies.pdf

[Blesbok]

Manne die tyd het aan gebreuk.
Na twee maande se wag en uit sien. Ek vlieg woensdag oggend op vrystaat toe om bietjie te gaan kuier, hengel en skiet, maar nou het ek n kwerie.
Kan n man n vieg stokkie en vliegies saam vat op die groot voel.
enige raad sal waardeer word.

[henried]

Ek sien die manne roer die Gb-geelvis naby Parys.

[Blesbok]

Ek gaan op die grens van noord wes en vrystaat vang hoop ek kry n paar mooies

[Vlakvark Soldaat]

Ons het so 2 weke terug in die Lindequesdrift omgewing op die vaal rivier bietjie pap gegooi. Ek het n 3kg geelvis gevang, 2.5kg karp, en 8 modderbekke. My vrou het haar eerste vis gevang, nogal ook n geelvis van so net onder die 2kg.

[Blesbok]

Lekker se vir die miesies geluk.

[Stephan86]

Blesbok jy kan jou stok en vliee op die airie vat. Of laat ek eder sê ek het Mei met my stok en 'n boks vol vliee af gevlieg kaap toe.

[Blesbok]

Dankie sephan. Het jy dit as hand begasie gehou.