Wat word gebruik?

[Monrique (SJ)]

Ek wil graag weet wat word gebruik om die skedel van n dier mooi wit te kry voordat dit monteer word? Vertel ook bietjie van die proses asseblief.

Groetnis
Monrique

[tripodmvr]

Waterstof Peroksied is 'n maklik bekombare bleikmiddel wat ook bakterië dood.

[Monrique (SJ)]

Ludwig

Baie dankie vir die vinnige terugvoering en video, dit lyk goed. Het gou so n stukkie gekyk en lyk heel maklik en doenbaar.


Marius

Die man praat daar van waterstof peroksied in die video, sal kyk om die regte sterkte te kry.

Groetnis
Monrique

[tripodmvr]

Ek het nie na video gekyk nie, so raad was uit kennis opgedoen met jagtersopleiding vir Toegewyde jagter.

[Giepie]

Ek het al so paar gedoen, maar my vrou wil nie meer hê dat ek dit doen nie, weet nie hoekom nie.

Ek kook die skedels so met vleise en al vir so drie dae aaneen, sorg net dat daar genoeg water in is. Gooi so bietjie seeppoeier, gewone Omo werk, by. Ek gooi ook so halfpad die ou water en afkooksels uit en gooi nuwes by.

Sodra die kookwerk afgehandel is, sit ek dit in nuwe water en gooi bietjie, let wel klein bietjie, Jik by. Die horings behoort ook dan maklik af te kom, haal dit af anders kan dit ook geblyk word.

Hou maar dop dat die Jik, ook met peroksied, dat dit nie die been begin oplos nie. Haal dan uit en spoel goed af. Plak die horings weer terug met epoksie gom.

Die rede hoekom my vrou nie wil dat ek dit doen nie is omdat die proses nogal stink.

[alecjohnson]

Dankie, daai video het my gewys waar ek verkeerd gemaak het met myne. Ek het egter noudidag n duikerskedel gedoen. Net kop afgesny en in die veld gegooi onder n ontbindende karkas. 2 weke later blinkskoon gevreet. Maaiers het eers die oë en brein geëet, toe kom daar kewers wat vleis vreet. En later sulke snaakse haarwurms wat die vel geëet het. Net skedel en hare oorgebly

[Viking]

Hi Manne ,

Kyk gerus hier na verskillende beproefde metodes.

http://extension.arizona.edu/sites/exte ... az1144.pdf

[Monrique (SJ)]

Ludwig

Stem met jou saam dat dit soms help as mens kan sien hoe iets gedoen word, as net dit te lees in n boek. Ek sal dit probeer en kom wys hoe dit lyk wanneer dit klaar is.

Vir die res.....

Baie dankie vir julle raad ook, ek sal my bes probeer.

Groetnis
Monrique

[Forester]

Ek het dit genoem in 'n ander post ook, maar het een van julle al chloor gebruik? Vir my werk dit goed! Ek het egter nie geweet die horings moet afgehaal word en later weer opgeplak word nie... Waar sal julle dink is die beste plek om peroksied te koop, Kaap Agri?

[dehacked]

Apteke hou klein bottels peroksied aan.