Eerste bloed met die 300 WSM

[Lourens]

Middag manne,

Ek het gister saam met Gotsoma Safaris in die Vrystaat gejag en hierdie pragtige bokke met die 300 WSM en 165gr Barnes TTSX koeels @ 3100fps platgetrek.

Die blesbok was geskiet op 'n afstand van 333m (rangefinder). Die geweer was ingestel op 200m en ek het hoog op die skof gevat om te kompenseer vir die val. Die koeel het hom laag op die skouer getref, die hart flenters geskiet en anderkant uit. Die bok het so 50m draai gehardloop en dood neergeslaan.

[img width=560 height=315]http://dl.dropbox.com/u/49744679/IMG_1529.JPG[/img]

Die Swartwildebees was geskiet op 'n afstand van 196m (rangefinder). Hy het mooi dwars gestaan en vir my gekyk. Ek was gemaklik op die bipod en het maar besluit om vir die kop te gaan. Toe die kruis lekker stil tussen sy oe le het ek laat loop met die skoot en hy het net daar neergeslaan. Die bul het 26'' gemeet en ek is bitter trots op hom!

[img width=560 height=315]http://dl.dropbox.com/u/49744679/IMG_1538.JPG[/img]

Ek is waarlik baie baie beindruk met die nuwe 300 WSM, die Amerikaners maak nie verniet so hoe-ha van die kaliber nie, hy is werklik 'n wenner in alle aspekte.

Groete,
Lourens

[Stefan764]

Mooi so Lourens my maat!!

Daai paar rande wat jy spandeer het is nou besig om divedende uit te betaal 

Ek was baie jaloers toe ek gister jou foto van die swartbees kry, dis n besonderse bul daai!!

Nogmaals mooi gedoen daar met die 300WSM en die regte ammo 

Groete
Stef

[ArnoldM]

Lourens, mooi gegooi maat, en daai .300WSM van jou is beslis yster. Groete, AM.

[Johan Loots]

Baie mooi gedoen Lourens die wsm praat hard .

Groete

[Frederik]

Baie goed gedoen daar kan somme sien jy's trots op die nuwe seuntjie hy laat loop die lood waar jy wil.

[DavidddeWet]

Baie geluk, dis nou leker as die geweer skiet waar 'n man mik.

Hoe lyk die vleis skade op daai afstand?

Groetnis
David

[Marc]

Baie geluk Lourens 

Lekker as 'n man soveel vertroue in jou roer het, maak baie deure oop 

Geniet hom

Groetnis
Marc

[theedge]

Geluk baie netjies

[Zack Benade]

Baie geluk Lourens

Ek hou daarvan as 'n man in sy Yster glo. 

[Jaco Alberts]

Lekker vroee jag ! Kan sien daai roer gaan jou nog baie laat 

baie geluk !

[immelmanw]

Alles baie mooi, sommer baie jaloers! Geniet elke skoot!

[grumpy]

Mooi Lourens, nou kan ek sommer n gesig by die stem voeg. Sal nog eendag blad skud. 

[immelmanw]

Hoe kyk daai scope?

[Lourens]

More manne,

Jammer ek is so stadig op die reply, maar ek was feitlik die heel week nie op kantoor nie.

Die geweer is 'n rakgeweer sonder enige modifikasies. Dis Remington se Model 700 CDL (Classic Deluxe) Stainless Fluted.

David - Die blesbok wat op die skouer geskiet is op 333m is het feitlik geen vleisskade gehad nie. Die gebruik van 'n Barnes monometaal koeel het veseker ook hiertoe bygedra.

Willem - Daai Nikon Monarch scope kyk sommer baie mooi, ek is regtig uiters beindruk met die kwaliteit, helderheid en afwerking van die teleskoop en kan hom sterk aanbeveel.

Groete,
Lourens

[Wouter Roets]

Hallo Louw

Baie geluk man! Ek is verskriklik bly julle kennismaking in die jagveld het so mooi afgeloop. Sal nou graag wil sien wat gebeur met die herlaai van hom en ons poeiers. Weet mos klaar wat se koels gebruik gaan word. Jy sal jou kant moet bring om te verbeter op die fabrieksaminusie! Baie mooi bul daardie!

Groetnis
Wout

[Geno]

Geluk Lourens!
Daai SWB se horings is sommer baie lank vir 'n jongerige bul!

[jl1904]

Baie mooi SWB Lourens, geluk. Jy het rede om trots te wees en jou nuwe roer gooi mooi.
Ek sal ook graag wil hoor hoe dit met die herlaai gaan.

Johan