Die 2021/20222 seisoen skop Saterdag af. Die algemene jag begin eers Sondag maar ons span hou 'n drukjag Saterdag oggend. Normaalweg is dit op die spot waar ek my 2de vark geskiet het.
Ons het laasweek Donderdag oggend voor werk gou 'n stuk gejag waar ons nie gewoonlik mag jag nie maar die eienaar het gevra dat ons kom want die varke eet baie van sy appels. Ons was 7:30 daar en wag 8uur op ons poste. My lyn was op die rand van 'n gestroopde koring veld. Die eerste vark wat geval het, het so 150m van my af uit gekom, Ek het die kruis op hom gehad maar kon nie skiet want daar was nie goeie backstop nie. 'n Ander omie wat op sy bakkie se bak gestaan het kon hom egter platmaak. Nog 'n vark is so 200m van ons af geskiet.
Ons word toe geskuif maar ek moes huistoe om betyds by die werk te wees. EK werk nogsteeds van die huis af so dis darem OK.
Ek het onlangs 'n oulike geweerwinkel ontdek nie te ver van my huis af nie en hulle pryse is uiters goed. Ek het Dinsdag gou my jag papiere gaan uitsort by die Burgermeester kantoor - €360 later maar nou ja. Toe ek daar klaar is is dit amper 12 uur - ek bel die winkel en vra of hulle toemaak tussen 12 en 2 soos baie Franse winkels - Ja hulle maak toe - ai sê ek, ek wou patrone kom koop. Meisie antwoord nee maar dis reg ons bly oop totdat jy hier was - awesome diens. EK kon toe 2 pakke Winchester Super X 180 gr in die hande kry teen €28 per boksie. Goeie prys as jy my vra.
Rugsak is gepak, gewere skoongemaak en radio en gehoor beskermer se batterye is nuut. Reg vir als
Ons was op vakansie naby Toulon soos elke jaar. Ek ry toe die eendag rond opsoek na 'n Peugot 5008 se wielbout - lang storie - Kry een en ry terug kamp toe - sien 'n bord wat sê "Le Pistolier" Ek ken die naam want ek kry altyd hulle advertensie boekie in my jagtydskrifte. Ek stop daar en kyk bietjie rond. Baie baie oulikke winkel. Hulle het die mooiste Blaser R8 in Okerneut te koop - vir net €15 000. Wag nog vir die Lotto bus om te kom...
Sien toe daar is klompie fotos van Bakkies Botha en Danie Rossouw ook in die winkel wat hulle geteken het - hulle het mos beide vir Toulon gespeel so dis langs hulle. Was lekker om darem so klein SA connection te hê
Ek het daar vir my 'n lekker "cheeck raiser" gekoop vir my haelgeweer - 'n neoprene sloop vir die kolf en dan verskillende diktes spons wat in hom gaan om jou oog reg optelyn. Sal sien hoe dit werk.
Het gedurende die somer darem heelwat met die windbuks geskiet so ek behoort hopelik nie te verroes te wees nie.
Mooi loop!
