6.5x55 143gr ELD-X Lading ontwikkeling

[heywillie]

Ek het besluit om die 143gr Hornday ELD-X punte in my Howa 6.5x55 te probeer.
Ek het oom Marius (tripodmvr) genader vir veilige begin ladings met S365 lot 88, om spoed te kan meet vir QL kalibrasie.
Vir toets doeleindes het ek as volg gelaai en spoed gemeet met 'n magnetospeed sporter asook 'n gewone chrony, 5m weg vanaf die tromp:

42gr - 2515 (MS) - 2499 (Chrony)
43gr - 2606 (MS) - 2577 (Chrony)
44gr - 2651 (MS) - 2630 (Chrony)
45gr - 2719 (MS) - 2630 (Chrony)

Oom Marius het met die data bevestig dat die 45gr lading presies op node is.
Ek het 12x rondtes met die 45gr gelaai en terug gegaan skietbaan toe.
Dit was 'n gemors van die begin af... ek kon op 100m nie eers 'n tennisbal grootte groep skiet.

1.jpg

Dit het my laat twyfel oor die QL resultate, maar na ek die geweer goed nagegaan het, het ek gesien die picatinny rail is los.
My rondtes was klaar so ek het maar terug gekeer huistoe om die rail vas te draai en nog rondtes te laai. Was redelik boos vir myself hieroor.

Terug op die skietbaan en dinge lyk stukke beter. Dit lyk of die lading wel op node is en die 6.5 tot sy reg gebring is !!!

2.jpg

Nou kan ek met 'n geruste hart begin laai en toets op langer afstande.
Gelukkig was dit nie 'n duur les nie, maar 'n goeie les nietemin - gaan altyd maar ALTYD jou gereedskap na wanneer jy herlaai en skiet !

Baie dankie oom Marius vir oom se hulp. As ek oom eendag iewers raakloop, sal ek oom 'n bier of 6 koop

[tripodmvr]

Netjies geskiet. Bly die resep werk.

[ruaanb]

Blou Loctite vir daai rail maar gebruik min. Ek het dit ook al oorgekom en nog nooit weer probleme gehad na ek Loctite gebruik het nie. Ek het intussen al weer die rail afgehaal en het nie gesukkel om dit los te kry nie.

[heywillie]

Blou Loctite vir daai rail maar gebruik min. Ek het dit ook al oorgekom en nog nooit weer probleme gehad na ek Loctite gebruik het nie. Ek het intussen al weer die rail afgehaal en het nie gesukkel om dit los te kry nie.

Verwys jy na Loctite 243 ?

F4084080-01.jpg

[ruaanb]

die enetjie. 20nm maak hom los.
https://www.wynns.co.za/product/nut-lock-50ml/