Page 1 of 1

Jag net buite Koppies

Posted: Sun Jul 17, 2016 10:00 pm
by henried
Ek en my seun Zander het verlede week net buite Koppies gaan jag,ek sou net met die geweer jag, Zander sou met beide die geweer en boog jag. Op ons lys was blesbok en takbok...Ons het die jaar baie tyd aan beide wapens spandeer, met die gewere kon ons konstant op 300m dood skote op ons springbok kong skiet, met die boog het Zander tot op 40y geoefen,maar hy sou skote onder 25y hou.

Maandag is spandeer in die hide, elande was vroeg daar, en dit is al wat in gekom het vir die dag.

Dinsdag het ons gestap, opsoek na die takbokke, Zander wou kyk of hy die ram met die boog kon skiet, en ek wou 'n ooi met die 223 skiet. Laat middag het ons die ooie gekry,maar ek het so gebewe op die stokke dat ek nie die skoot wou vat nie,skote was tussen 130-180m.

Woensdag is ons die vlaktes in. Die plan was om die 223 te gebruik, gelaai met 55gr GMX koeel, teen so 3120fps, gezero op 200m. Zander het 'n paar kanse gekry op 150-200m, maar hy was nie gemaklik met die skote van die stokke af nie. Na 12:00 het ons teen 'n sementdam gaan le en die blesbokke het tussen 320 - 600m geloop. Die wind het gewaai en ek was nie meer gemaklik om skote met die 223 te vat nie. Ek het gestap en die 30-06 gaan haal. Hy was gelaai met Peregrine 165gr koeel wat teen so 2700fps gevlieg het. So teen 15:00 het ek 'n skoot op 'n blesbok gekry. Die skoot was 300m en die Peregrine is net bo die hard deur. Hy het so 2 draaie gemaak en dood neer geslaan. die koeel is reg deur en kon nie herwin word nie.

http://i464.photobucket.com/albums/rr5/henriedeg/20160712_143510_zps7mkx5eyp.jpg

Laat middag het die wind gaan le, en Zander het 'n skoot op 260m met die 223 gevat. Die skoot was mooi agter die blad en die blesbok het so 40m gestap. Die longe was stukkend geskiet, die koeel is reg deur en kon nie herwin word nie.

http://i464.photobucket.com/albums/rr5/henriedeg/20160712_153119_zpsymxg98tq.jpg

Woensdag het ons laat geslaap, so 8:00 het ek by die deur uit gekyk en die takbok ooie aan die ander kant van die dam sien staan. Ek het die 223 gevat en net agter die dam wal gehardloop tot waar ek gedink het ek 'n skoot sou kon vat. EK het my le gekry op die wal, maar hulle het in 'n bos gestaan en ek kon nie'n oop skoot kry nie. Na so 15min het hulle in die vlakte in beweeg en 'n ooi het my 'n skoot op 150m gegee. Die GMX is deur die hard en het hom in flarde geruk, sy het nie eer 10m gegaan nie.

http://i464.photobucket.com/albums/rr5/henriedeg/20160713_085544_zpscf5fqeu2.jpg

Zander het besluit om Donderdag weer met die boog te kyk of hy nie iets kon skiet nie. EK het nie moed gehad nie, maar hy het 'n elevated hide op die plaas gekies vir Donderdag. Donderdag is ons so 06:20 afgelaai en dit was nog donker toe ons ons gemaklik maak. Ons het ons reg gemaak vir 'n lang dag... Toe die son opkom het ek 'n trop van so 10 blesbokke op so 150m gesien, daar was ook twee Spingbokke op so 200m. Teen so 7:00 het ek 'n mooi blesbok ram op so 500m sien stap. Hy her reguit hide toe gestap! Op so 100m het ek vir Zander gese om reg temaak. Die blesbok het op 42m gestaan, ek het besluit om te wag.Na so 5min het die blesbok gedraai en in gestap, hy het op 22m BS gestaan. Zander het 'n mooi skoot gevat wat die hard se punt stukkend geskiet het. Die blesbok het so 70m gehardloop voor sy rem aan gestrek is. Dit was 'n baie mooi ram, karkas was, na 2 dae in die koelkamer 37kg, sy horings het 17 duim gemeet.

http://i464.photobucket.com/albums/rr5/henriedeg/20160714_073055_zpsttnfzwry.jpg

http://i464.photobucket.com/albums/rr5/henriedeg/20160714_081341_zpsoafbmqge.jpg

Ons het hard gewerk vir on diere, en was baie dankbaar vir dit wat ons kon skiet.

Re: Jag net buite Koppies

Posted: Sun Jul 17, 2016 10:15 pm
by tripodmvr
Baie netjies julle twee. Was dit nou eerste bloed met die 223?

Re: Jag net buite Koppies

Posted: Sun Jul 17, 2016 10:18 pm
by henried
tripodmvr wrote:Baie netjies julle twee. Was dit nou eerste bloed met die 223?
Ja dit was Oom.

Re: Jag net buite Koppies

Posted: Mon Jul 18, 2016 12:25 am
by ruaanb
welgedaan julle sommer n paar mooi bokke daar!

Re: Jag net buite Koppies

Posted: Mon Jul 18, 2016 6:53 am
by Frederik
Netjies mooi gegooi.

Re: Jag net buite Koppies

Posted: Mon Jul 18, 2016 7:40 am
by Geno
Lekker julle! Geluk!

Re: Jag net buite Koppies

Posted: Mon Jul 18, 2016 8:29 am
by Marc
Baie geluk !

Re: Jag net buite Koppies

Posted: Mon Jul 18, 2016 12:09 pm
by JDKey
Mooi geskiet julle.

Re: Jag net buite Koppies

Posted: Mon Jul 18, 2016 4:42 pm
by Ben Remington
Mooi bokke....veels geluk.

Re: Jag net buite Koppies

Posted: Mon Jul 18, 2016 5:01 pm
by Mellies
Mooi gegooi!

Met n vleisie...

Re: Jag net buite Koppies

Posted: Mon Jul 18, 2016 5:05 pm
by tau
lekker man!!

Re: Jag net buite Koppies

Posted: Mon Jul 18, 2016 5:26 pm
by henried
Dankie julle.

Re: Jag net buite Koppies

Posted: Mon Jul 18, 2016 6:38 pm
by theedge
Well done netjies

Re: Jag net buite Koppies

Posted: Thu Jul 21, 2016 6:39 pm
by Daniel J
Lekker jag en storie en fotos, geluk.