2016 Kalahari-jag te Springbokvlei

User avatar
Gawie(13mm)
Hero Member
Hero Member
Posts: 6150
Joined: Sun Sep 18, 2011 6:53 pm

2016 Kalahari-jag te Springbokvlei

Post by Gawie(13mm) »

Hier volg ons storie. Alles wat hier geskrywe staan is waar. Altans dit is soos ek en Kallie dit saam met Riaan ervaar het. Geduld manne, want die storie het baie draaie. ;D
Kallie Fernhout en my selwers is vroeër vanjaar so half vrywillig verplig om saam met Twinhunter, die Kalahari rond-om Noenieput te gaan besoek. Noenieput lê ongeveer 150km Nood-wes van Upington, in die Noord-Kaap. Twinhunter, aka. Riaan, se beterhelfte kom van daar en hy gaan henner elke jaar die tyd sy skoonmense.
So sit ek en Kallie die stuk in Noenieput toe. 3 uur Woensdag oggend klok hy by my in en ons val in die pad. Die N7 vlieg verby en ons stop op Van Rhynsdorp vir bene rek. Anderkant Calvinia swaai ons weg, oor Brandvlei tot in Upington waar ons, ons laaste proviant en jaglisensies bekom.
Net voor son-op op die langpad.
http://i1264.photobucket.com/albums/jj488/7mmgawie/Mobile%20Uploads/20160622_065635.jpg
Dit is koud in die Karoo!
http://i1264.photobucket.com/albums/jj488/7mmgawie/Mobile%20Uploads/20160622_070449.jpg
Hier kap ons links na Noenieput.
http://i1264.photobucket.com/albums/jj488/7mmgawie/Mobile%20Uploads/20160622_120641.jpg

Ons stop net na die middag op die plaas, Springbokfontein en na almal op die plaas gegroet is, sit ons vinnig af na die skietbaan op die pan. Die koue en spoed het darem nie die teleskope te veel gebuig nie.
http://i1264.photobucket.com/albums/jj488/7mmgawie/Mobile%20Uploads/20160622_143503.jpg

Jacques, alom bekend as "Boertjie" is ons gasheer, PH, drywer, gids en chef vir die ekskursie. Ons word die eerste aand getrakteer op 'n 'n erg lekker, Kalarhari skaap-rib.
http://i1264.photobucket.com/albums/jj488/7mmgawie/Mobile%20Uploads/20160622_212314.jpg

Ons is redelik vroeg in die vere en weer daaruit, met Riaan wat ons bederf met 'n lekker jagtersontbyt.
Ons bestyg die Cruiser met vol mae en opwinding wat bruis in ons are. Dit kan dalk ook die knoffel wees waarmee Riaan so mildelik omgegaan het.
Die windjie is skraal en ons is redelik gepanser teen die koue.
http://i1264.photobucket.com/albums/jj488/7mmgawie/Mobile%20Uploads/20160623_081822.jpg

Riaan hou egter sy lyf Kalahari boer en het net kortbroeke ingepak.
http://i1264.photobucket.com/albums/jj488/7mmgawie/Mobile%20Uploads/20160623_081801.jpg

Die wereld is mooi en wyd, maar Boertjie ken sy veld en sy gemsbokke.
http://i1264.photobucket.com/albums/jj488/7mmgawie/Mobile%20Uploads/20160623_090643.jpg

Soos reeds gemeld, dryf Boertjie die Cruiser met sy bruid, Mari, as co-pilot en amptelike fotograaf van die groepfoto's ;D Riaan is ons "Spotter" en "Range-finder" ;).
Dit neem ons nie te lank om die eerste troppie gemsbokke op tespoor nie en die kat-en-muis-speletjie begin. Die gemsbokke gewaar ons en draf terwyl ons teen luierspoed volg. Sodra hul dink dus veilig, gaan hul staan en kyk terug. Ons druk aan tot binne skietafstand, maar wanneer die Cruiser stop, draai hul die koppe vorentoe en pak weer 'n draffie uit. Ons is geduldig en na 'n halfuur bied die trop ons die eerste kans op 'n skoot. Ek en Kallie besluit vinnig dat hy die eerste skoot sal neem en hy lê aan. Ons het egter die afstand oorskat en sy skoot loop bo-oor.



Ons volg die trop oor 'n paar duine en kry hul in 'n straat waar hul staan en maal. Boertjie indentifiseer 'n jong bulletjie met dik horingbasisse wat eenkant staan. Kallie se XC praat en die 87 Vmax piets die bul, 170m verder voor die kop en sy ligte skakel af.
Ons trek vinnig pens neem 'n foto en laai die bulletjie. Ons het bietjie gesukkel om al die melk van sy bek af te vee vir die foto. >:+
http://i1264.photobucket.com/albums/jj488/7mmgawie/IMG-20160629-WA0004.jpg

Dit is nou my beurt en ons bekruip 'n mooi bul met die Cruiser. Hy staan so dat ons net sy agterstewe sien uitsteek agter 'n boom, met sy kop in die wind.
Riaan meet die afstand op 77 meter. Alles tel in my guns behalwe my onkunde van bakkiejag. "Geen rondte in my roer se kamer is nie!!!"
Oordeel maar self:



Hier het ek besef watter geduld Boertjie het of miskien het hy skaam geraak vir al die knope wat ek gelos het. Ons spoor vinnig weer 'n troppie van 6 bokke op en die speletjie begin weer.
Ek kry my tweede kans op 'n Kalahari gemsbok en op 135m trek "Batman" sy eerste bloed met 'n nekskoot op 'n mooi bul. Neem foto, trek pens, bloei-uit en laai.


http://i1264.photobucket.com/albums/jj488/7mmgawie/Mobile%20Uploads/20160623_104909.jpg

So herhaal die resep homself nog twee keer.
'n Baie mooi koei met horings in die 40 duim omgewing bied 'n skoot vir Kallie op 345 meter en met 'n 8mph dwarswind druk hy die 87 Vmax net voor die oog in. Die troppie spring weg en sy volg met die kop in die lug en horings agteroor. O hel, nou moet julle klou, skree Riaan. Die Cruiser spring daar weg soos daai Bolt kerel en gou-gou trek ons agter die koei in. Die Cruiser gooi ankers en Boertjie skree ons moet skiet voor sy draad spring. Kallie maak so en die koei kry 'n klap agter die kop op 80 meter wat haar letterlik gat oor kop laat slaan. Soveel so dat sy met haar kop in die Cruiser se rigting te lande kom, al vier bene in die lig.



Die verligting by almal is groot die keer kan ons 'n mooi kiekkie van Kallie en sy bok neem.
O-ja, Riaan was ook die regiseur van die produksie. >:+ Hier beduie hy mooi vir Kallie waar hy moet sit vir die beste efek.
http://i1264.photobucket.com/albums/jj488/7mmgawie/Mobile%20Uploads/IMG-20160627-WA0017.jpg

Daars hy nou!
http://i1264.photobucket.com/albums/jj488/7mmgawie/Mobile%20Uploads/IMG-20160627-WA0020.jpg

Dit is net voor middagete en ons ry die troppie weer raak. Hulle staan teen 'n duin met 'n mooi bul eenkant. Sy kop is effens laer as sy boude teen die duin en hy loer vir my op 'n raps oor die 300 meter. Ek besluit om 'n 162 SST agter sy oor in te druk, maar misgis my bietjie met die wind. Die koeël loop skrams deur die boud, net bo-kant die knie in en uit en gaan net agter die vierde rib van agter by die pens in. Die trop spat in alle rigtings en my bul sleep half kruppel teen die duin uit. Riaan hoef nie weer te sê nie. Ons klou klaar. Toe ons amper bo-op die kruin is, slaan Boertjie die remme aan en ek vou amper om die skietraam. Die Cruiser kom tot stilstand en terwyl hy nog sy laaste wieg, wieg het ek die bul se agterkop in my kruishaar. Die skoot loop en die bul doen 'n duikrol oor sy regter skouer. Ek wil amper in trane uitbars van verligting. Ons ry nader en wraggies tel hy sy kop op. Op 10 tree skiet ek los oor die bok se kop. Boertjie beduie dat hy bietjie gaan terugstoot. Op 30 meter kry die bul 'n genade skoot onder die oë.

My skoot van agter het hom op die skof gesny en is net onder die kop in en uit, langs die nekwerwels verby. Nou het ek erge bewerasies.
My tweede bul en span Bolanders by ons Gasheer.
Van links na regs: Riaan (Twinhunter), Kallie Fernhout, Maargat (Gawie,13mm) en Jacques, alias"Boertjie"

http://i1264.photobucket.com/albums/jj488/7mmgawie/Mobile%20Uploads/20160623_133122.jpg

Ons is net voor 2 die middag klaar en braai 'n worsie op die kole en maak ons droë kele nat met 'n yskoue bier en 'n vuil coke. ;)

http://i1264.photobucket.com/albums/jj488/7mmgawie/Mobile%20Uploads/20160623_142500.jpg
Last edited by Gawie(13mm) on Thu Jun 30, 2016 10:39 am, edited 4 times in total.
Dont make expensive noise! Make the first shot count!
User avatar
Capt. Yoda
Hero Member
Hero Member
Posts: 13645
Joined: Thu Apr 11, 2013 12:35 pm

Re: 2016 Kalahari-jag te Springbok-fontein.

Post by Capt. Yoda »

Netjies kasman
A child of five would understand this. Send someone to fetch a child of five.
User avatar
Geno
Administrator
Administrator
Posts: 13662
Joined: Tue Apr 20, 2010 3:05 pm

Re: 2016 Kalahari-jag te Springbok-fontein.

Post by Geno »

Right, alles in een post gesit heel bo aan die topic.
Goed, beter, 6millimeter!
koos 2
Hero Member
Hero Member
Posts: 734
Joined: Tue Mar 18, 2014 5:01 pm

Re: 2016 Kalahari-jag te Springbok-fontein.

Post by koos 2 »

Pragtig vertel, geluk aan die jagters
User avatar
ruaanb
Hero Member
Hero Member
Posts: 5557
Joined: Thu Aug 14, 2014 10:29 am

Re: 2016 Kalahari-jag te Springbok-fontein.

Post by ruaanb »

mooi Gawie en span. Ek het solank lekker gelees. Wag in spanning vir deel 2. Verstaan nou hoekom dit so lank gevat het. Baie knope moes uitge-edit word lol.
User avatar
FHM
Hero Member
Hero Member
Posts: 3887
Joined: Tue Mar 20, 2012 2:58 pm

Re: 2016 Kalahari-jag te Springbok-fontein.

Post by FHM »

Ai dit klink en lyk baie lekker Gawie. Dis nou bietjie ongelukkig vir daai lee kamer met daai bok wat agter die boom uitgeloop het en jou in die oe gekyk het en n kansie gegee het ne... :P Ek dink daai ene gaan nog lank in jou gedagtes loop! En moenie jou nuwe woordeskat by die huis rondgooi nie... ++>:

PS: jy sal maar die LA skiet so af en toe moet los en op 10 tree oeffen maat ++>: Moenie sleg voel nie - ek het al n kudu bul se kop op 30 meter mis geskiet - vergeet om te kompenseer vir die naby skoot... >:(

Julle het julle bokke gekry - niks is gekwes en verloor nie - baie geluk ou maat!


Ooops...laat ek eers wag vir deel 2...
Francois
.22 Rem mod 597
6.5 Cr WBY VMC
.45 Beretta PX4 Storm SD
User avatar
Riaan Kriel
Hero Member
Hero Member
Posts: 1286
Joined: Tue Sep 02, 2014 3:53 pm

Re: 2016 Kalahari-jag te Springbok-fontein.

Post by Riaan Kriel »

Lekker man. Mooi vertel
User avatar
Kalahari
Hero Member
Hero Member
Posts: 2135
Joined: Thu Dec 30, 2010 4:05 pm

Re: 2016 Kalahari-jag te Springbok-fontein.

Post by Kalahari »

Netjies Gawie, dankie vir die deel.
So loop die bakkie jag maar in die Kalahari ;)
User avatar
6mmMusgrave
Hero Member
Hero Member
Posts: 1033
Joined: Thu Apr 28, 2016 2:06 pm

Re: 2016 Kalahari-jag te Springbok-fontein.

Post by 6mmMusgrave »

Baie geluk mooi gedoen ek is skoon jaloers. Nou wil ek net kalahari toe
User avatar
DanieDegenaar
Sr. Member
Sr. Member
Posts: 368
Joined: Wed Dec 14, 2011 2:17 pm

Re: 2016 Kalahari-jag te Springbok-fontein.

Post by DanieDegenaar »

Vrek dit lyk vreeslik lekker daar in die Kalahari! Dis verseker op my bucket list!

Baie mooi geskiet julle almal
30-06 Musgrave
303 Lee Enfield
.22 Bruno
12g Boito
.243WIN Howa
357\.38 Mag
User avatar
Rudiejacobs
Full Member
Full Member
Posts: 213
Joined: Tue Jan 06, 2015 2:41 pm

Re: 2016 Kalahari-jag te Springbok-fontein.

Post by Rudiejacobs »

Baie netjies man.

Dit maak nou net die erge lus wat ek in my het, meer wakker om so trippie te reel.

Rudie.
30 06 Marlin XL7
25 06 Savage long range hunter.
12G Franchi pomp aksie
Tanfoglio 9mm(kort)
.38 SPL Rossi

The future belongs to those, who believes in the beauty of thier dreams.
PWV
Hero Member
Hero Member
Posts: 7343
Joined: Sun Jul 15, 2012 6:21 pm

Re: 2016 Kalahari-jag te Springbok-fontein.

Post by PWV »

Lekker, Gawie, nou is die ys gebreek en sal jy verseker weer stem vir 'n Kalahari-bakkiejag!

Benewens die skietery, hang 80% van die sukses af van die maats saam met jou. Smaak my julle was 'n lekker en gedugte span. Ek gaan nou nie jou donder steel en weer 'n lang relaas hier gee van my kilo-alfa-kiloste jag nie. Sal later dit vertel.

Baie geluk en 'n goeie storie mooi vertel.
User avatar
Gawie(13mm)
Hero Member
Hero Member
Posts: 6150
Joined: Sun Sep 18, 2011 6:53 pm

Re: 2016 Kalahari-jag te Springbok-fontein.

Post by Gawie(13mm) »

Dankie sover manne. Kallie sal wel kom getuig dat daai twee swaers ons laat kruip het van die lag. Dit was m@€r ver se ry tot daar, maar ek sal wraggies more weer klim as die wiele draai.
Ek sal vannaand probeer om deel twee; nl. die springbokjag te laai. Dit is nou vol intriges en trane. :'(
Dont make expensive noise! Make the first shot count!
User avatar
FHM
Hero Member
Hero Member
Posts: 3887
Joined: Tue Mar 20, 2012 2:58 pm

Re: 2016 Kalahari-jag te Springbok-fontein.

Post by FHM »

Gawie(13mm) wrote:Dankie sover manne. Kallie sal wel kom getuig dat daai twee swaers ons laat kruip het van die lag. Dit was m@€r ver se ry tot daar, maar ek sal wraggies more weer klim as die wiele draai.
Ek sal vannaand probeer om deel twee; nl. die springbokjag te laai. Dit is nou vol intriges en trane. :'(

Nou goed - ons wag vir jou deel 2 ;)
Francois
.22 Rem mod 597
6.5 Cr WBY VMC
.45 Beretta PX4 Storm SD
User avatar
joe rocket
Hero Member
Hero Member
Posts: 3326
Joined: Thu Mar 06, 2014 11:00 pm

Re: 2016 Kalahari-jag te Springbok-fontein.

Post by joe rocket »

Lekker ene Gaafsters moenie worrie oor daai naby skote nie het self 3keer gemis op n kudu op 30m. Al die bokke is gelaai en die vleis is in die vrieskas. Mooi storie.

Ps. Hoe oud is daai Boishaai mussie?
GROETE

__________________________



Perfection is hard to achieve but hell it is worth striving for.
User avatar
JohanvanZyl
Full Member
Full Member
Posts: 234
Joined: Thu Sep 19, 2013 10:42 am

Re: 2016 Kalahari-jag te Springbok-fontein.

Post by JohanvanZyl »

Lekker gekyk en gelees. Daar is darrem min dinge soos daai rooi duine!
Johan
Howa 30-06
Oberndorf Mauser .22
henning
Hero Member
Hero Member
Posts: 1315
Joined: Tue Nov 12, 2013 9:15 am

Re: 2016 Kalahari-jag te Springbok-fontein.

Post by henning »

Dankie Gawie, lekker gelees en geluk met die jagwerk.
Nou kan man weer die lewe aanpak.

Groete
henning
300 WSM Savage
303 Lee-Enfield
Dbl 12 g Belguim
Johan Nel
Hero Member
Hero Member
Posts: 2173
Joined: Sat Jun 16, 2012 12:42 pm

Re: 2016 Kalahari-jag te Springbok-fontein.

Post by Johan Nel »

Gawie,
Ek het jou storie ook geniet. Ek is bly alles het goed afgeloop met die Gemsbokke. Sien uit na die springbok relaas.
"If a cluttered desk is a sign of a cluttered mind, of what, then, is an empty desk a sign?'
- Laurence J. Peter
Williel
Hero Member
Hero Member
Posts: 917
Joined: Wed Aug 07, 2013 8:05 pm

Re: 2016 Kalahari-jag te Springbok-fontein.

Post by Williel »

Julle manne het goed gedoen. Altyd lekker om terug te dink terwyl jou knipmes deur die biltong sny.
Groete, Willie
Wouter Roets
Administrator
Administrator
Posts: 7575
Joined: Wed May 19, 2010 2:06 pm

Re: 2016 Kalahari-jag te Springbok-fontein.

Post by Wouter Roets »

Lekker Gaafster & Kie

Geniet die vertel terdee, asook die jag natuurlik so saam met julle. Wat n voorreg die trippies!

Groetnis
Wout
User avatar
LoopSoosStroop
Hero Member
Hero Member
Posts: 1847
Joined: Wed Apr 15, 2015 9:31 am

Re: 2016 Kalahari-jag te Springbok-fontein.

Post by LoopSoosStroop »

Lekker storie!

Net 'n hijack vragie:

Is 300+ m kopskote 'n algemene ding onder die ouens op hierdie forum? Indien wel mag julle maar skiet! Ek het by die ALRHA shoot gesien afgelope Saterdag dat nie almal (min eintlik) 'n 10x10cm vierkantige gong elke skoot kan raakskiet op 300 m. En dit onder bekende toestande met 'n goeie lê rus. 'n Gemsbok se brein is dalk 8 cm in deursnee?
Pieter van Deventer
Blok Engineering
PWV
Hero Member
Hero Member
Posts: 7343
Joined: Sun Jul 15, 2012 6:21 pm

Re: 2016 Kalahari-jag te Springbok-fontein.

Post by PWV »

LoopSoosStroop wrote:Lekker storie!

Net 'n hijack vragie:

Is 300+ m kopskote 'n algemene ding onder die ouens op hierdie forum? Indien wel mag julle maar skiet! Ek het by die ALRHA shoot gesien afgelope Saterdag dat nie almal (min eintlik) 'n 10x10cm vierkantige gong elke skoot kan raakskiet op 300 m. En dit onder bekende toestande met 'n goeie lê rus. 'n Gemsbok se brein is dalk 8 cm in deursnee?
Ek ken hierdie manne. Hulle is nie verniet Saterdae op die skietbaan om ghongs op 800+ meter te skiet nie; daarom kan hulle met vertroue aanlê op 'n bok op 400 meter.
User avatar
Smous v.d. Vyver
Hero Member
Hero Member
Posts: 663
Joined: Thu Nov 08, 2012 10:54 am

Re: 2016 Kalahari-jag te Springbokvlei

Post by Smous v.d. Vyver »

Netjies manne,die coach is tevrede!

Om aan te sluit by oom Pieter - Hierdie is hoe 3 skoot groepe lyk op 450m vir ons manne.
20160328_113059_resized.jpg
Dis die dat 300m kopskote bicycle ry is,bygese as die kondisies dit toelaat.
You do not have the required permissions to view the files attached to this post.
User avatar
Gawie(13mm)
Hero Member
Hero Member
Posts: 6150
Joined: Sun Sep 18, 2011 6:53 pm

Re: 2016 Kalahari-jag te Springbokvlei

Post by Gawie(13mm) »

Dag 2:
Na dag een se welslae was ons breë bors en vol bravade, maar soos Oom PW sê: "As jy jou bors uitstoot, val jou broek af!" ;D

Met ligdag is ons uit die kooi en dit is my beurt vir ontbyt bou. Ek vaar nie te sleg met my poging nie, want selfs Boertjie wat nie ontbyt eet nie staan nader. ;)

Vandag jag ons op die buurman se gronde, springbokke. Met die laaste paar jaar se droogte is Boertjie se bokke erg uitgedun en ons staan 'n beter kans op Johan Brink se plaas, nefens Noenieput. Brinkie se Gemsbokke staan en beloer ons toe ons die kamp binne ry en het duidelik die memo gekry dat hul nie op ons spyskaart is nie.

Dit vat nie lank voor ek en Kallie besef dat alles vandag teen ons is nie. Die wind stoot tussen 8 en 15 mph en die springbokke is duidelik op kragvoer, want hul hol vir dood. Wanneer hul die Cruiser gewaar hol hul totdat ons hul nie meer kan sien nie en dan nog verder. Ons ry 'n wye draai deur die kamp en Boertjie kry dit reg om 'n stukkie lemoendorings tussen ons en die bokke te kry. 'n Regte "diesel stalk" vind plaas. Kallie is reg en toe die Cruiser sy neus om die bosse druk is ons omtrent 350m van die bokke af. Kallie is gereed en lê aan op 'n mooi ooitjie. Die skoot is rakelings mis en die troppie draf aan, met die Cruiser agterna. Na slegs 50m steek hul vas en Kallie besluit om vir die blad te skiet toe die Cruiser halt.
Die skoot is vas op 384m met 'n 8mph wind. Sy verdwyn saam met die trop deur 'n stukkie dooie grond en heup-hoogte Karoo bosse. Boertjie ry dadelik in die voorste bokke se rigting om die ooi te probeer afsny, maar ons sien vinnig dat daar geen bokke met bloed in die trop is nie. Hy swaai terug na waar die bok gestaan het en wraggies; daar lê sy. Perfekte hartskoot, tog het sy 60 m ver gehardloop. Ons kry selfs stukkies van die hart op die bloedspoor.
http://i1264.photobucket.com/albums/jj488/7mmgawie/Mobile%20Uploads/IMG-20160627-WA0007.jpg

Kallie met sy ooitjie.
http://i1264.photobucket.com/albums/jj488/7mmgawie/Mobile%20Uploads/20160624_092617.jpg

Nou is dit my beurt, maar dit kos al Boertjie se vernuf om binne skietafstand te kom. Die troppie verdeel met ses bokke wat in die wind inhou en die res wat links swenk. Boertjie volg die ses en toe hul vassteek en terug kyk, staan die Cruiser al vas. Die bokke maal senuweeagtig rond, maar weldrae stap 'n mooi rammetjie een kant toe. Hy loop reguit weg van my en ek besluit om die skoot te vat. Met die kruishaar op sy agterkop trek ek die skoot af. Die wind waai redelik sterk weg van ons in die bokke se rigting en die kenmerkende "dup" geluid kom nie terug nie. Die ram hardloop egter soos 'n voël met 'n af vlerk en ons volg hom dadelik. Weer verdwyn die troppie tussen die lemoendorings en toe hul aan die anderkant uitkom, is daar geen teken van die ram nie. Ons is vol hoop dat, net soos met Kallie se ooi, hy ook gaan lê het. Ons draai terug en ry al op die spoor terug in die rigting waar die troppie gestaan het. Bokkerol bok.
Die "spek-en-eiers" stoot in my keel op en ek voel siek. Boertjie ry terug na waar ons gestaan het met my skoot. Hy draai die Cruiser se neus in die rigting waar my ram gestaan het en ons beur aan soontoe. Die bokke het op die rand van 'n pannetjie gestaan en met sy hande agter die rug begin Boertjie die spore te voet fynkamp. Amper 300m verder kry hy die eerste bloedspatsel op die harde grond. Die "spek-en-eiers" sak effens, maar ek bly sieklik. Ons volg die spoor vir amper nog 300m maar die troppie swenk effens links oor 'n sandbank in die rigting van die lemoendorings waar ons hul verloor het. Ons het amper twee ure lank ge-heen en weer op daai spoor, maar niks.

Ons besluit om die ander groep jagters, wat 'n paar gemsbokke uit Brinkie se dieretuine kom skiet het te ontmoed by die sementdam vir 'n vinnige braai. Ons sal dan verder soek.

Die ander spannetjie is opgewek en maak reeds kele nat na 'n suksesvolle oggend met twee jong bulle op die kar se bak. Ek is erg moerig en jammer vir myself. Een van die ander jagters se metgeselle maak 'n aanmerking oor ons, "een ou bokkie vir die oggend".
Kom ons sê maar dat ons na die aanmerking nog minder opgewek was. Terwyl hulle wyn vat het ons maar vuur gemaak. Brinkie se verloofde het die twee gemsbokke se nierre uitgehaal en Kallie het sy ooitjie se lewer geskenk vir die braai. Mari het vir ons die oggend van hul gemsbok en kaaswors ingepak en ek het maar begin braai, aangesien ek maar k@& geskiet het.

Na 'n halwe Amstel en my vrinne se kwikslae het my gemoed effens gelig, maar ook maar net.
So braai jy in die Kalahari. Sit-sit-so.
http://i1264.photobucket.com/albums/jj488/7mmgawie/Mobile%20Uploads/IMG-20160627-WA0024.jpg

Die sprinboklewer het mooi geloop, maar daar moes nog een op daai rooster gewees het. Ek het begin kriewelrig raak en die manne gemaak opsaal. Ons het daai kamp 'n paar keer deurkruis en weer op die spoor gery, maar Boertjie en Brinkie het net voor vier besluit om halt te roep. Almal was dit eens dat ek hom skrams moes getref het as jy na die enkele spatsels bloed elke 10 treë op sy spoor kyk. Brinkie sou die volgende dag, die ander span jagters uitvat in dieselfde kamp om 'n paar sprinbokke aan te keer en het my verseker dat hul sou uitkyk vir my ram.

Dit was my eerste kwesbok wat ek ooit in die veld gelos het en dit sal seker altyd by my bly spook.

Riaan en Kallie het saam met Boertjie hard gewerk daaraan om my beter te laat voel, maar ek het 'n erge geval van swartgalliheid beleef.

Boertjie en Mari het ons bederf met "Tjops in die pot" en potbrood wat Mari gebak het. Soos ek hier skryf water my mond sommer weer. Ek voel nou skaam dat ek net een van daai saal-tjops geëet-het, maar my eetlus was erg gedemp.
Die ergte van alles was dat nie een van my vrinne my verkwalik het nie en Boertjie se geduld, vir ons almal tot seën was. 'n Ware Boere-gentleman.
Last edited by Gawie(13mm) on Thu Jun 30, 2016 4:49 pm, edited 1 time in total.
Dont make expensive noise! Make the first shot count!
User avatar
Smitstertjies
Hero Member
Hero Member
Posts: 1988
Joined: Sat Aug 10, 2013 7:42 am

Re: 2016 Kalahari-jag te Springbokvlei

Post by Smitstertjies »

Lekker geskryf Gawie. Moenie dat daai kwesbok jou onderkry nie. Dis deel van jag. Ek moes daai bitter al n paar keer proe in my lewe. Nie lekker nie.
416 Rigby,338 Lapua Magnum,9.3x62; 30-06 Springfield,7.62 Soviet; 6.5x55 Sweed,6 Dasher,.22LR,40S&W;9mmParra,12Br
Post Reply