Page 1 of 1

2016 Jag Bandelierskop

Posted: Mon Jun 27, 2016 8:23 am
by DanieDegenaar
Gedink ek wil ook weer bietjie my jag trip met julle almal deel.

Ons is donderdag oggend 3 uur uit Eldoraigne uit vir ons jaarlikse jag te Bandelierskop. Dit was lekker koud die oggend maar met almal wat lekker slaap in die kar was dit vinnig toe stop ons by die plaas net so voor 06H30.

Gelukkig was al ons goed reg en ek en Marinus kon vinnig gou gaan kyk of die gewere nog reg skiet. Die vrouens en kinders het alles in die kamp reg gekry en ons is uit veld toe.

Die wind het gedwarrel en ons het elke keer as ons net die koedoes begin bekruip het die wind gedraai en hulle het gehardloop dat die takke trek. So teen 12H00 se ek vir die gids ons moet maar terug draai en begin toe vinnig loop om weer by die bakkie te kom. Oppad terug kry ons twee mooi koedoe koeie wat rustig staan en wei, maar die wind is reg van ons af na hulle. Ons gaan bietjie nader en soos geluk dit wil he staan hulle net rustig daar. Ek sit die kruishaar van die 243 net agter die blad en die skoot loop. Die koedoe spring en sy val so 5 meter verder mors dood neer. Die 86gr Titan punt het mooi die hart en longe gevat en sit in die oorkantste blag in die been vas. Ongelukkig het dit verlore geraak met die slag iewers. Maar die vleis skade was vreeslik min. Sy het toe 96kg geweeg na vel, kop en binne goed uit gehaal is.

Die middag het ons net begin loop toe ek Marinus hoor skiet met my 30-06 so 5 min van die bakkie af. Hy het toe sy eerste koedoe bul geskiet in sy lewe. Wat 'n lekkerste is dit darem nie om 'n vriend so gelukkig te sien oor sy eerste koedoe. Dit was nie 'n vreeslike groot bul nie, 105kg karkas gewig, maar die opwinding wat hy gegee het is baie swaarder.

Die volgende dag het hy 'n rooibok ooi geskiet en ons kon darem die Rhino 165gr terug kry. Sy is reg van voor geskiet en ons het hom gekry net voor die boud. Die hele hart was weg geskiet. Na die tyd het ek gekyk en die gewig retensie was 96% (159gr) en het wonderlik mooi oop gemaak.

Ons het gesoek vir rooibokke verder maar kon nooit weer 'n skoot op een kry nie. Saterdag oggend het ek besluit om 'n vlakvark te skiet, mooi tussen die oe en ore, en hy het net daar geval - so die titan het weer wonderlik dood gemaak.

Ek kan regtig die titan koeeltjies aanbeveel en sal regtig nog wil sien wat hulle in die 30-06 sal maak. Maar ek dink met indien hulle op die regte plek geskiet word sal ek eenige iets met vertroue met hulle aan vat.

Re: 2016 Jag Bandelierskop

Posted: Mon Jun 27, 2016 8:25 am
by DanieDegenaar
Hiermee die Rhino wat ek terug gekry het:

Re: 2016 Jag Bandelierskop

Posted: Mon Jun 27, 2016 8:26 am
by DanieDegenaar
Darem ietsie gemaak met die vlakvark tande:

Re: 2016 Jag Bandelierskop

Posted: Mon Jun 27, 2016 8:35 am
by Stephan86
Baie geluk aan jou en jou vriend. Jul het 'n paar mooi diere geskiet en baie dankie vir die storie.

Re: 2016 Jag Bandelierskop

Posted: Mon Jun 27, 2016 8:38 am
by Springkudu
Netjies Danie. Dankie vir die info oor die punte, dit help altyd baie wanneer mens moet besluite neem oor watter punt om te gebruik.

Dit is darem lekker om jou familie ook saam met jou te vat, kinders sal dit altyd onthou!!!

Re: 2016 Jag Bandelierskop

Posted: Mon Jun 27, 2016 8:50 am
by DanieDegenaar
Springkudu wrote:Netjies Danie. Dankie vir die info oor die punte, dit help altyd baie wanneer mens moet besluite neem oor watter punt om te gebruik.

Dit is darem lekker om jou familie ook saam met jou te vat, kinders sal dit altyd onthou!!!
Baie dankie, ja my oudste seun begin nou saam met my loop. Dis 'n groot voorreg om die veld met hom te kan deel, maar net so lekker om dit as 'n gesin saam te geniet.

Re: 2016 Jag Bandelierskop

Posted: Mon Jun 27, 2016 8:56 am
by Mellies
Mooi gegooi!

Met n vleisie...

Re: 2016 Jag Bandelierskop

Posted: Mon Jun 27, 2016 9:41 am
by Capt. Yoda
Is daai Moly wat hom so gevaarlik maak ++>: , baie netjies gejag daar manne

Re: 2016 Jag Bandelierskop

Posted: Mon Jun 27, 2016 10:07 am
by ruaanb
netjies gejag Danie en kie!

Re: 2016 Jag Bandelierskop

Posted: Mon Jun 27, 2016 10:41 am
by honda2
Baie mooi - dit lyk of julle dit behoorlik geniet het.

Re: 2016 Jag Bandelierskop

Posted: Tue Jun 28, 2016 12:20 pm
by koos 2
Pragtig vertel !!!

Re: 2016 Jag Bandelierskop

Posted: Tue Jun 28, 2016 8:15 pm
by Spanner
Baie nice mater, bly om te sien jy het 'n suksesvolle jag gehad !

Re: 2016 Jag Bandelierskop

Posted: Wed Jun 29, 2016 8:24 am
by DanieDegenaar
Spanner wrote:Baie nice mater, bly om te sien jy het 'n suksesvolle jag gehad !
Dankie Maat. Ja dit was weer vreeslik lekker. Dian het lekker saam geloop - so nou begin die geoefen sodat hy volgende jaar ook sy eerste bokke kan begin skiet. Een van die dae run ek net die kamp en gaan tel bokke op :-\