Rinkhals in woongebied

[tripodmvr]

Sit vanmiddag en eet toe ons papegaai in die kombuis vervaard vlug vir iets. Gaan stel ondersoek in en hoor my arbeider baie benoud na my roep. Hy beduie toe baie ernstig dat 'n reuse slang hom met 'n bakkop begroet het toe hy om die huis se hoek kom. Hy was amper in die swembad in, neergeslaan en selfs die perdebye trotseer om my aandag te kry.

Om die hoek was daar verskeie houtblokke wat my vrou as ornamente gebruik het, in 'n hoop gepak. Ek het die plat houtskywe begin rondskuif. Het my donkerbril opgesit want ek het uit sy beskrywing vermoed dit kan 'n rinkhals wees. Terwyl ek so vroetel was daar 'n bromgeluid - ek is egter bietjie doof en kon dit nie plaas nie.

'n Skielike beweging het my laat besef die slang is wel tussen die houte. Dit het my geluk om hom raak te steek met die yster wat ek nader gesleep het. Na vele steekpogings en die sien van sy platkop, kon ek sy kop nog platter maak. Die oop erf agter my en die muise, rotte en paddas lok maar sulke predatore. Ek duld so giftige kêrel egter nie in my erf nie.

IMG-20150305-00475.JPG

[Nickvn]

Ek doen ook nie slange nie...

Hier by ons is baie rinkalse en word lekker groot. Die grootste een wat ek hier geskiet het was so amper 2m lank. Ek het hom sommer met die 12br met AAA geskiet, net om seker te maak ek mis nie. Die muur agter hom het nie goed gelyk nie maar hy het dit nie gemaak nie. Ons het gereeld n klomp kleintjies gesien maar nadat die grote nie meer met ons is nie, het ons ook lanklaas kleintjies gesien. Ons het ook die rooilip hier maar hulle is "skadeloos" of so se hulle.

[LRLaubscher]

Oom Tripod,

Ek verstaan die gevaar, maar weet nie of dood maak altyd die regte antwoord is nie.
As almal dit doen is daar later niks meer oor nie.
Dis net my opinie en probeer nie "stir" nie.
Niemand hoef saam te stem nie.

[Louis Kriel]

Op n Plaas kan mens hom nog "relocate" maar in n woonbuurt sal ek ook nie die kans vat nie. Medies fondse betaal heeltemal te swak.

[Riaan Kriel]

Ek hou nie van slange nie en sou verseker ook dieselfde gedoen het. Ek dink net ek sou ook liewer die haelgeweer byderhand gehad het. Rinkhals, Mamba, Pofadder en Geelslang hanteer ek liewer mbv die haelgeweer op 'n veilige afstand... Die Bybel vertel my die slang gaan jou aan die hakskeen byt en jy gaan sy kop vermorsel.

Enige slang wat ek redelik vertrou is 'n broekslang en dan ook net my eie een. VERSEKER nie 'n ander man s'n nie

[Hein (Haan)]

Ek het hulle nog nooit in die veld dood gemaak nie maar as hy by my huis kom maak ek hom dood.
Snaaks genoeg vang my ma gister n Groen Bosslang op die plaas en wys dit vir my kinders sy laat hom toe maar weer los toe hulle klaar mooi gekyk het.
Ek kon dit nie glo toe ek dit sien nie.

[win270]

Enigste een wat ek duld, is my tuinslang aan die kraan.

[Nickvn]

n volwasse Rinkals kan tot 60 kleintjies op een slag kry. Erger as die jakkalse en ons sukkel om die jakalse uit te roei.

[Fanta300]

Marius, kry vir jou twee Maltese Poedels. Hulle sorteer enige slang vinnig uit.

[Smitstertjies]

Laasjaar self n rinkhals doodgemaak in my tuin. Ons bly in die dorp. My dogtertjie van 4 jaar oud het 2 minute voor ek die slang gewaar het daar gespeel in die tuin. Vat eerder nie kanse nie.

[Henry 7]

Wie gaan nogals daai ding "relocate"?
Ek hardloop vinniger as hy!
Ek los hom in die veld ma op my werf versier ek ook die omgewing met AAA!!!!!!!!!!!

[henning]

In n woonbuurt kan dit nie met Rinkals hulle werk nie.

Groete
henning

[PWV]

Arme snake het geen kans teen 'n landmeter nie!!!

[JacquesT (Stompe)]

Nee kyk die enigste goeie slang in die stad is 'n dooie slang.

[Philip J]

Oom Marius, lyk my hulle loop maar orals hier by ons rond. Ek het self so 2 weke terug een in die tuin die ewigheid in gestuur. Gelukkig verstaan my Staffie die werk om hulle uit te roei. Ons het al op meer as een geleentheid na 'n naweek weg, Rinkhals se kind se stukke hier op die grasperk opgetel. Die foto is van die voor laaste een wat ek van kant gemaak het. Solank die slange in die veld bly pla hulle my nie, maar hier teen my huis is dit 'n maklike keuse tussen slange of my kinders.
Ek het altyd by my Oupa en Pa gehoor dat die reën naby is as die slange en skilpaaie begin hoër grond soek. Dalk is ons reën ook nie vêr nie.

[jaracal]

Goeie vriend van my het gese^ hy is so bang vir 'n slang hy kyk nie eers af as hy stort nie, so ek maak hulle ook dood om die huis. Gister 'n pofadder die ewigheid ingestuur wat amper my vrou gepik het. Dan het ek nog 'n jong hond ook. Juis so 'n maand terug my wirehaired terrier verloor agv 'n pofadder.

[tripodmvr]

Spot altyd oor die 243 en die spoed van witlig. Dink my Jonas het vandag daardie spoed oorskry. Hy dink nou die slang en die perdebye is deel van slegte voorspoed. Tipies soos hulle koppe werk. Dink tog ek kon ook geskrik het as ek so om die hoek moes loop en 'n slang moes sien.

[Tampie]

As jy hom in die huis of op n plek kry wat skiet buite die kwessie is moet jy hom bietjie petrol gee. Slange neem petrol deur hul vel op en vat so 3- 5min om te vrek as hy n teelepel of meer enige plek op sy vel kry. Ons hou sommer 500ml coke bottels met petrol op die plaas vir die rinkhalse in en om die huis. Werk soos die spreekwoordelike (petrol) bom...

[Carl]

Ek verstaan ons mense se ingebore en geleerde vrees vir slange. En dan vir die wat die ou Testament tot die letter navolg. Maar dit is werklik 'n baie kortsigtige stelling om nog te leef volgens " die enigste goeie slang is 'n dooie slang" so gaan ons als vernietig op hierdie aarde.

In die dorp of stad is daar heelwat slangvangers wat met graagte 'n slang sal kom vang. Ek het nou die aand 'n Egiptiese Kobra (Snouted) in die tuin gekry. Binne 'n half uur was 'n man daar wat die "dodelike gevaarlike" slang met sy kaal hande gevang het.

Ek weet dit is soms nie moontlik om te wag vir 'n vanger nie. Oorweeg dit dan om 'n kursus by te woon oor slang vang

[Omnia]

If it "slide's" ... "it dies"

En as hy meer as 2 pote het ,... wag daar 'n nommer 9 "safetyboot" vir hom !!!

[Giepie]

Stem saam Carl, selfde met spinnekoppe.

Ons het 'n slang in die huis. So 2 jaar terug net voor die winter en toe hy nog klein was het hy op 'n manier uit sy hok gekom en was weg. Dit maar so aanvaar. So begin September was ek en die seuns die aand alleen by die huis, toe hy in die gang af geseil kom. Hy het waarskynlik in die jongste se kamer oorwinter agter 'n klomp bokse waaraan daar nie aandag gegee word nie.

[tripodmvr]

Ek maak nie lukraak slange dood nie. Die wat ek in die veld kry is veilig. By die huis het ek egter ma en my arbeider wat buite beweeg. Ek dink ek sal hom in die vervolg toilet toe moet "escort". Hy sê juis vanoggend dat hy hom amper in 'n ander bloedgroep in geval het.

[sako 30-06]

Ek verstaan ons mense se ingebore en geleerde vrees vir slange. En dan vir die wat die ou Testament tot die letter navolg. Maar dit is werklik 'n baie kortsigtige stelling om nog te leef volgens " die enigste goeie slang is 'n dooie slang" so gaan ons als vernietig op hierdie aarde.

In die dorp of stad is daar heelwat slangvangers wat met graagte 'n slang sal kom vang. Ek het nou die aand 'n Egiptiese Kobra (Snouted) in die tuin gekry. Binne 'n half uur was 'n man daar wat die "dodelike gevaarlike" slang met sy kaal hande gevang het.

Ek weet dit is soms nie moontlik om te wag vir 'n vanger nie. Oorweeg dit dan om 'n kursus by te woon oor slang vang

Wat gebeur as jy wag vir die slangvanger en die slang is weg voor hy kom?Dalk speel my kinders (3 en 5) n paar dae later in die tuin en die slang pik een van hulle.

Nee wat Carl,my kinders se lewe is belangriker as n slang sin.

Maar ja ek stem saam mens wil ook nie alles net doodmaak nie.Maar ek sal ongelukkig nie die kans vat met n giftige slang nie.

[Carl]

Wat gebeur as jy wag vir die slangvanger en die slang is weg voor hy kom?Dalk speel my kinders (3 en 5) n paar dae later in die tuin en die slang pik een van hulle.

Wag gebeur as die slang in die nag daar aan kom en jy weet nie van hom nie, en die kinders speel buite?

Ek oordeel nie, ek probeer maar net mense inlig-meeste slange is bv nie giftig nie. Daar is 'n ander opsie as om net dadelik dood te maak. As jy ooit die geleentheid het gaan luister na Johan Marais.

Marius, daai man gaan nou seker "danger pay" wil kry.

Ek het noudie dag 'n foto gesien van 'n volgroeide luislang van seker 4m+ wat dood gemaak is in 'n skaars wild kamp. Hoekom nie die moeite doen om die slang te verskuif nie!? Die manne het mos sakke vol geld.

Daar was 'n tyd in ons geskiedenis wat wild 'n pes was en voor die voet uitgeroei is omdat hulle Runderpes versprei het. Dink nou net as aangehou is daarmee.

[Giepie]

Giftige slange in woonbuurte verstaan ek dat dit 'n probleem is, sal ook eerder veilig speel. Maar om slange sommer letterlik voor die voet dood te maak is regtig onnodig, selfde met spinnekoppe en insekte. Vlieë, miere en muskiete kan ek nog verstaan, maar ander net omdat dit meer as twee of vier pote het. ?? Ons kan baie van hulle leer.