Ruger M77 varmint

[WerMos]

Manne ek hoor gemengde reaksie oor die Ruger M77 varmint mbt akkuraatheid?

Hoe vergelyk die Ruger met vandag se ander fabrieks vervaardigde gewere in terme van aksies lope en sneller kwaliteit?

Ek oorweeg een maar wil eers hoor wat se julle?

[Musgrave]

Ek is baie gelukkig met myne. Sommige manne vervang die snellers, maar my .25-06 is nog oorspronklik, behalwe vir die Boyds Pepper Laminate kolf wat ek laat opsit het. As ek my deel doen skiet die geweer halfduim groepies op 100m. Met meer noukeurige ladingontwikkeling sal hy nog beter doen. Die skouermontering van die rooiribbok wat ek bergop op 330m geskiet het hang teen my muur. Vir my behoeftes werk daai roer mooi.

[WerMos]

Dankie maat

[the kid]

Ek het een in 25-06 en hy skiet beter as wat ek kan. Baie gelukkig met myne. Skiet halfduim groep op 100m sonder enige probleem. Om my dogter van 7 jaar oud skiet 150mm gong op 200 m keer op keer raak. Ek skiet self gongs tot op 400m. Regtig 'n baie lekker akkurate geweer.

[WerMos]

Dankie vir jul terug voer.

Ek stel nogals in een belang maar was bang oor die akkuraatheid van die aksie.

Ek wou graag hoor oor die loop kwaliteit want klink my dit verskil vandag baie. Weet nie of julle dit ook gehoor het nie maar die mense beweer dat Remingtons se lope vinniger uitskiet as bv n Howa.

As iemand dalk meer oor die Ruger lope weet sal dit goed wees.

Groetnis

[Vaalboer]

Hi

Ek het 'n 243 gehad. Geen probleem met daai geweer nie. ek het 107 grein noslers geskiet en my beste was 3 skote op 300 wat mens met 50c kon toemaak.

Die loop was uitgeskiet na so 3000 skote. Die loop is vervang met 'n Krieger en is nou 'n Ackley. Nou skiet daai geweer eers! niks snaaks om 5 skote op 100 in 'n rowwe gaatjie in te skiet nie! Het nou onlangs die S&O langafstand kompetisie gaan skiet - gaan loer maar na my teiken op die post. ek was 5de in die springbokkompetisie.

Ek het net 'n timney opgesit en 'n boyds thumbhole. O ja - myne het ook 'n Terminator knaldemper op.

Geniet hom!

[WerMos]

Dankie manne.

Ek het vandag die Ruger M77 target 6.5 Creedmoor gekoop.

Dankie vir jul terug voering