Die 2014 jagseisoen is aan die verbygaan . . . wat nou?

[win270]

Noudat die huidige jagseisoen aan die verbygaan is, neem ek aan elkeen van ons manne en dames het planne vir die maande wat voorlê ter voorbereiding van 2015 se jagseisoen.

Vertel gerus wat julle beplan om te doen en watter terkortkominge (dalk flaters) julle sal wil regstel voor 2015 se seisoen begin ...

Ek het intussen vir my 'n skaflike verkyker aangeskaf, net om vlg keer nog beter die veld en diere te verken. Dan wil ek nog meer gaan oefen op die skietbaan wanneer daar kans is. Dis mos baie gerusstellend as jy presies weet wat die kombinasie van jou geweer, ammunisie, teleskoop en jyself kan doen en konsekwent kan doen as jy weer gaan jag. Intussen hou ek die gewere skoon en lees jagverhale tot vervelens toe!

Lekker gesels . . .

[FCLoretz]

Ek wil 'n eintlik 'n bok skiet in 2015. Ek het darem 'n varkie geskiet. Maar dit is omtrent die omvang van my sukses gewees vir die 2014 seisoen wat verby is

[Supacow]

Ek gaan begin vlieghengel

[BRNO (Pierre)]

Nee man. Ek is verseker nog lus om die jaar iets plat te trek.

[FCLoretz]

Supacow waar bly jy? Dan gaan ons verby Henrie ry en dan kan ons almal gaan fly fish. So lekker Jaracal geelvis trip.

Ek weet Peet, Frikkie, Henrie, Rooster, Carl en ek in die gauteng omgewing vang vis op vlieg.

[FCLoretz]

Nee man. Ek is verseker nog lus om die jaar iets plat te trek.

Wanneer ry ons en waarheen gaan ons?

[Riebeeker]

Manne hier is jul kans vir 2015:

Ons NG Kerk hou 'n fondsinsameling. Die pryse is:

1. Jagpakket in 2015 naby Aranos wat insluit 1 Gemsbok, 5 Springbokke, verblyf vir 4 mense, etes en bewerking van vleis ingesluit;
2. Jagpakket in 2015 naby Gochas wat insluit 1 Gemsbok, 5 Springbokke, verblyf vir 4 mense, etes en bewerking van vleis ingesluit;
3. Jagpakket in 2015 naby Beaufort Wes wat insluit 1 Blouwildebees, 1 Blesbok en 2 Springbokke, verblyf in selfsorgakkommodasie;
4. SAVAGE AXIS geweer in die kaliber van jou keuse - geborg deur SAFARI & OUTDOOR STELLENBOSCH

E-pos my by andre@riebeekcellars.co.za vir meer detail. Net 500 kaartjies teen R250 elk. Sluitingsdatum 5 September 2014 en Trekkingsdatum 6 September 2014.

[NEGE3]

In die somer maande hengel ek so een keer per week. Ek het hierdie jaar gebruik en al die roere gebou wat ek nog altyd wou gehad het. Weens 'n tekort aan tyd kon ek slegs vir die 6.5x55 'n lading uitwerk. Die res van die roere moes ek met fabrieks ammunisie die werk laat doen. Ek is reeds deur die eerste rondte met herlaai waarmee Deon my help met behulp van QL. As ons hiermee klaar is sal dit weer elke tweede week die skietbaan se beurt wees.

[jaracal]

Ek gaan begin vlieghengel

Nou praat jy. Altyd lekker om 'n vis met 'n vlieg te jag
Groete

[Pvdw]

Verseker draai die wielle Sterkfontein toe agter die geelvis aan. nr14,16 en 18 miere,klipspringer cadis en nr12 sprinkane gaan ek weer met hulle koppe smokkel.

Intussen moet ek in Oktober Heilbron toe om my neef te gaan help met plaagdiere. Die arme man kla van grondmanne,dassies, kraaie, kraansduiwe, ystervarke en jakke wat lol. Ek vat sommer die VENTER vol ammo saam.

[Karoo Klong]

Ek wil 'n tolhek in Aberdeen oprig sodat almal wat hier wil deurry die tolgeld met 303 doppe of punte moet betaal.

[Heinz Petersen]

Ek het nog 9 koedoes se vleis wat verwerk moet word. so dit gaan my n tydtjie besig hou. Van volgende naweek begin ek weer jakke jag daar om my. Dan is daar nog lading ontwikkeling, teiken skiet, n nuwe skietbaan bou op die plaas.
Ek weet net nie wanneer ek gaan tyd vir myself kry nie.

Ooo dan is daar nog die vrou wat ook n lysie het. ( By daai tyd is dit weer jagtyd)

[Reggie Gerber]

Hiers my lys

1: Silencers toets
2: Toets watter punte deur gras en takke nog reguit trek
3: Toets watter punt die beste doodmaak
4: Kyk of 308 beter is as 30-06
5: Toets watter metode die beste is vir lope inbreek

Dit sal my seker n rukkie besig hou.

En nee ek sal nie die resultate verkondig nie

Lekker dag

[william007]

Ek wens myne was nou al verby maar daar le nog 4 jagte voor met kliente en dan nog n paar trofee jagte wat ook nog moet plaas vind.Maar hoe se hulle ek moenie kla nie nie

[G-force]

Jakkalsjag tel nou lekker op die tyd van die jaar so baie van ons gaan nou eers begin jag.

[Carl]

Ek gaan begin vlieghengel

Ek gaan meer moet gaan hengel die somer!

[matewis]

Lekker Reggie!

Jy gaan moet kalmeerpilletjies kry...

[J le Roux]

Nou moet ek gou nog 'n paar bokke skiet.

Daarna is dit visvang en daai klein wit balletjie. En lading soek vir 200gr Stewarts in my 30-06.

[Katefbessie]

Supacow waar bly jy? Dan gaan ons verby Henrie ry en dan kan ons almal gaan fly fish. So lekker Jaracal geelvis trip.

Ek weet Peet, Frikkie, Henrie, Rooster, Carl en ek in die gauteng omgewing vang vis op vlieg.

Asb as die een gereel gaan word wil ek verseker saam... Niks lekkerder as geelvis op vlieg nie. Oord Nebo in die vaal is 'n blerrie lekker plek wat klomp ouens kan vat

[Johan308]

My lys begin met herlaai, volgende jaar wil ek met my eie patroone skiet. En dan nog een of twee roere aan te skaf!

[matewis]

Gholfbal-groepe op 200
Silencer op my 270
Verder spaar vir my bosveld 308
Inrig van my herlaaikamer
Aktiewe lid van my nuwe klub

[DWB]

Gholfbal-groepe op 200
Silencer op my 270
Verder spaar vir my bosveld 308 - Hier is 'n probleem
Inrig van my herlaaikamer
Aktiewe lid van my nuwe klub

[FCLoretz]

Gholfbal-groepe op 200
Silencer op my 270
Verder spaar vir my bosveld 308 - Hier is 'n probleem
Inrig van my herlaaikamer
Aktiewe lid van my nuwe klub

Ek dink iets soos 8x57 sal baie beter werk?

[DWB]

Ou Matewis lieg vir homself. ..

[matewis]

Hehe janee Deon dis nou weer n ander blik wurms daai!

Toemaar, ek moet nog laaaaank spaar so daars nog tyd vir oorreding..