30-06 met 110gr vir springbok

[henning]

Kan die manne help met informasie.
Ek wonder of dit n geskikte kombinasie vir n 30-06 is tot 300m vir springbok jag.
Waar kan ek min en maks lading informasie kry vir Sonchem poeier.
Watter spoed kan ek verwag.
Dankie

[James Wilson]

Henning, 30-06 met 110 grn is lekker vinnig. Watse soort koeel beplan jy om te gebruik om vleiskade tot die min te beperk?

N 30-06 met n konvensionele 150grn-165grn teen so maks van 2800fs gaan nie sommer geklop word vir doodmaakvermoe en minder vleiskade nie. Iets soos n 110grn Hornady @ 3100fs gaan lekker vleis skade maak.

Ek sien dit is n algemene miskonsepsie dat "groot" gewere groot vleiskade maak. Dit is juis nie so nie.
Die Suni bokkie word in die CAR gejag as n fullmount met n 416Rigby met n solid. Hoekom? Min skade aan die trofee!

[Armand Steenkamp]

Henning, ek het in my 308 die 110gr Hornady varminters geskiet teen 3089fps. Het lekker gewerk vir kopskote. Maar verder as 250m val hulle soos klippe en die wind neuk jou maar rond.

Groetnis

[NicoSmit]

Hou by 150 gr skiet lekker ver en sal 'n springbok net daar neer sit Ek het die jaar Blesbokke met 150gr geskiet baie min vleis skade op die gearbox gedeelte die 110gr gebruik jy op jakkalse en ander ongediertes waar jy nie worry oor skade nie

[henning]

Ek het gedink om Barnes X te gebruik omdat die spoed n bietjie hoog is.
Die koeel is baie klein vir kaliber en ek het gewonder of daar sal probleem wees met stabiliteit.
As 110gr so gou spoed verloor, dan sal die 125gr miskien n beter opsie wees.
Ek jag al n geruime tyd met 150gr, maar die idee is om te sien of ek die trajek n bietjie platter kan kry tot by 300m.
Vleis skade is nie vir my n bekommernis nie.
Ek weet nog nie hoeveel poeier om te laai nie, kan iemand help.
Groete

[James Wilson]

In praktyk, hoeveel hoeveel platter dink jy is die trajek dan?

[Koos Barnard]

Henning
Ek skiet Hornady V-Max sedert 2006 in my .30-06. Ek laai 49.5gr S335 (3000vps)maar jy kan hoer gaan. In my geweer kan ek laai tot 52.5gr vir ongeveer 3300fps. Volgens Somchem kan jy tot 54gr laai maar dis te hoog in my geweer. Ek gebruik ook 110gr Barnes TTSX. Minder vleisskade en dit skiet plat genoeg vir my aanwendings. Die 110gr Barnes penetreer baie goed. Ek sal nie huiwer om groterige bokke te skiet met lyfskote nie. Hierdie koeel seil by voorbeeld deur 'n njalabul as hy plankdwars staan. Myne geskiet op 147m.
Mooi loop

[Wielie Waps]

Henning
Hier in Suid Vrystaat is 'n man wat bokke oes met sy 30-06 met 110gr koeels. Kyk sy forum naam is RudiSkog - pm hom vir ladings

[henning]

James ek weet nie hoeveel platter die trajek sal wees nie maar, ek speel net met idees om te sien wat ek uit die 30-06 kan kry.
Koos baie dankie vir die informasie. Ek wonder hoekom jy s335 gebruik, ek het nog altyd by s365 vasgehaak.

[NicoSmit]

Somchem boekie
S365 110gr
(TPL) 76,3mm
Ladings
begin 54,0gr snelheid 2861
maks 60,0gr snelheid 3158
S335 110gr
TPL 76,3gr
ladings
begin 48,9gr snelheid 3039
maks 54,3gr snelheid 3395


Ek het ook begin met die min lading met S365 maar is nie tevrede nie en die spoed is ook nie gemeet nie ek sal volgende jaar verder speel

[FCLoretz]

Nico kyk na S355 ook vir die 110gr

[NicoSmit]

Net een vraag wat ek wil vra die Somchem boekie wys vir sekere kruit nie al die grein punte nie nou hoe gemaak moet jy maar dan na Q&L kyk?

[FCLoretz]

Ja Ql sal jou beter kan help. Dit is omdat somchem nie al die koeels/kruit kombinasies vir sekere gewere aanbeveel nie.

[NicoSmit]

Dankie ek sal maar moet begin om dop vol en loop lengte gaan kry en dan maar die slim manne vra op Q&L

[FCLoretz]

110gr SPEER SP - COL: 76.3

Start 48.9 3 039
Max 54.3 3 395

Dit is met S335

http://www.somchemreload.com/search?c=8&f=119

[henning]

Baie dankie manne.
Groete

[Gerhardu]

Jy kan ook kyk na 130gr impala punte.bc is goed,lyf skote is nie n probleem nie en min skade.

[Armand Steenkamp]

Jy kan ook kyk na 130gr impala punte.bc is goed,lyf skote is nie n probleem nie en min skade.

Dis wat ek op die oomblik gebruik

Groetnis

[Koos Barnard]

S335 gee beter snelhede met ligter koeels en jy gebruik minder kruit, daarom hou ek by S335.