30-06 AI vs 338 WM

[Vleisie]

Middag almal, ek wil kom raad vra.

Ek is in die mark vir n 30-06 wat ek wil Ackley as ek die wapen koop, oor die naweek gesels ek en n vriend wat toe reken vir wat ek wil doen hoekom nie eerder n 338 Win Mag koop, dan hoef ek niks te verander in terme van Ackley ens nie.
Nou my vraag, vir jag afstande met n maksimum 300m verkieslik nader, maar soms is nader nie moontlik nie op spesies soos Blouwildebees, Koedoe en grootste Eland.
Asook n backup jag geweer vir wanneer iemand by my jag en probleme met sy geweer het.

Met 30-06AI dink ek gaan ek seker beperk wees tot 168gr klas punte om balans tussen punt gewig en spoed te kry.
338 WM dink ek sal ek darm nog 200gr punte kan laai met redelike spoed.

Wat sal die beter kaliber wees, wil beide kort en lig hou, rondom 20” loop met die kortste silencer wat ek kan kry?

Groete

[Eight]

338 win mag met 185gr Barnes ttsx teen so 2950fps. Hy loop soos stroop en slaan baie hard!

[jdpretorius]

N 30-06 met 20" loop gan jou standaard so 2700 fps gee met 165 gr rak ammo. Jy kan daai spoed dalk so bietjie druk na 2800 fps se kant toe, met regte kruit keuses, as jy self laai.....maar hy sal nooit in n 338wm se kamp speel nie.
Ek weet nie wat gan die AI ekstra gee nie. (Ns. dit lyk my hy kan dalk 300fps ekstra gee wat amper naby die 300wm is )

Aan die ander kant is dit nie elke ou wat dadelik n 338wm kan tem en akuraat met hom kan skiet nie, so vir n uitleen geweer gan n vreemde ou dalk bietjie stoei met hom. Ook om n 338wm te sny op 20" gan jy baie van sy potensiaal verloor.
My 1/2c is dat 338wm & 375 H&H omtrent om die selde vuur kuier.

Wat dan eerder van n 300wm ?....hy sit dalk so effe tussen die boom en die bas, en jy sal maklik 180 gr koeëls kan hardloop, met nog redelike spoed, veral indien jy monos wil skiet, soos die van Rudi hier op die forum.


Sent from my SM-A536E using Tapatalk

[Apie]

Klink my jy kort’n 300 WSM!


Sent from my iPhone using Tapatalk

[Jassie]

Vleisie, ek ken nou nie die 30-06AI nie, maar jy kan gerus maar 338WM koop. Hy slinger selfs 225gr koeëls maklik oor 2900fps en al die goeitjies wat jy wil doodmaak, tot selfs 350-400m, gaan verseker nie bly staan nadat jy die skoot afgetrek het nie.

Al die komponente wat jy nodig het is beskikbaar.

Groete
Jas

[Klein Chris]

Stem heelhartig saam met JD oor die 338. Gaan mens eerlik hou veral n vrou of kind

Ek het die gewone 30-06 Howa met n 22 duim loop met n knaldemper.
Hierdie jaar vir die eerste keer 30-06 bene gerek na 300m.
Gelaai met 180gr SST teen so 2560 voete het 2 blesbokke en n mooi swb bul bakkie gery.
Bokke is geskiet deur die slipper regering, 14 jarige meisie en 16 jarige lat.
Al 3 was gemaklik met die terug skop

[Lategan1]

Middag almal, ek wil kom raad vra.

Ek is in die mark vir n 30-06 wat ek wil Ackley as ek die wapen koop, oor die naweek gesels ek en n vriend wat toe reken vir wat ek wil doen hoekom nie eerder n 338 Win Mag koop, dan hoef ek niks te verander in terme van Ackley ens nie.
Nou my vraag, vir jag afstande met n maksimum 300m verkieslik nader, maar soms is nader nie moontlik nie op spesies soos Blouwildebees, Koedoe en grootste Eland.
Asook n backup jag geweer vir wanneer iemand by my jag en probleme met sy geweer het.

Met 30-06AI dink ek gaan ek seker beperk wees tot 168gr klas punte om balans tussen punt gewig en spoed te kry.
338 WM dink ek sal ek darm nog 200gr punte kan laai met redelike spoed.

Wat sal die beter kaliber wees, wil beide kort en lig hou, rondom 20” loop met die kortste silencer wat ek kan kry?

Groete

viewtopic.php?t=91775

[Vleisie]

Dankie vir almal se insette sover, ek sal maar nog bietjie soek en navorsing moet doen.
Ek hoor wat julle sê oor die terugskop van die 338, ek het gelukkig my 6.5 wat ek daardie probleem me kan teenwerk vir vrou en kinders, asook kleiner kalibers vir wanneer die kinders begin skiet en jag.

Ek het ook al vanoggend met Armand gepraat oor sy 30-06AI wat hy adverteer, baie lekker pakkie daardie.

[Wouter Roets]

More Vleisie

Ek het beide die kalibers waarna jy kyk en hulle is heel bo aan my lys van my gunsteling all-rounder's. Die Ackley gee so tussen 100-150 ft/sek meer spoed as die standaard , so dit sit hom baie naby aan die 300 WSM se verrigting. Beide van hulle is n droom om voor te laai en het werklik nie geite nie. My 338 is toevallig my akkuraadste geweer in my arsenaal en dit se baie.

Ek sal nie aanbeveel om een van die twee rondtes onder 22 duim te hardloop nie, in my geval is my 30-06 Ackley 23 3/4 en my 338 23 duim. Met silencers is hulle nog steeds goed geballenseerd sowel as hanteerbaar in die bos. n Reflex silencer sal hierdie nog meer van toepassing maak.

As n mens die twee in balistiese terme vergelyk is hulle bitter na aan mekaar so die een het nie n noemenswaardige voordeel bo die ander nie. Jy sal vinnig sien dat jou 300m merk met gemak deur beide oorteek sal word. Persoonlik het ek al baie verder as dit gaan kuier met hulle. In terme van terminale gedrag het die 338 n redelike voorsprong bo die 30-06 Ackley. Hy boks verseker in n hoer klas en is hy werklik baie naby aan die 375 klas kalibers. Maar soos reeds gese is daar n prys om te betaal en dit is recoil. Hy is heelwat harder op die skouer as die 30-06 Ackley. Wel nie van so aard dat dit nie getem of aangeleer kan word nie, maar dit at oefening.

Ek dink jy moet net besluit wat se groote diere jy die meeste van die tyd gaan skiet en daarvolgens jou keuse maak. As jy meer en deels groter diere op langer afstande gaan jag is die 338 die beter keuse en andersom. Jy kan eintlik nie verkeerd gaan met een van die twee nie, so meskien gaan dit meer gaan oor die deal en roer wat jy in die hande kan kry.

Groetnis
Wouter

[Rudi Fischer]

My 338 WM is verseker een van my gunsteling gewere.

[Ockert1992]

Vir 2 jaar lank kon ek nie vat kry aan my 338 WM nie en wou net van hom ontslae raak, en eintlik het die roer niks verkeerds gedoen nie.

Nou is dit die eerste roer wat uit die kluis spring as daar geskiet word en laaste een met wie ek paaie sal skei....

[Toxxyc]

Wat is fout met 'n gewone .30-06? Jy gaan nie sukkel om alles tot op Eland met hom te jag tot op 300m nie, en alles is aansienlik goedkoper (doppe, kruit, punte, dies, alles).

Myne skiet 'n 180gr bonded punt teen so amper-amper 2750FPS en hy dial lekker akkuraat tot op 500m sonder enige moeite. Ek kan 168gr langskiet koele kry wat BAIE platter skiet as ek wil. Ek skiet maar net die Federal Fusions want die lading het skielik gewerk en toe bly ek maar daarby.

[Lategan1]

Stem saam.

@Wouter mooi verduidelik, uit ervaring en kennis. Nie die 30.06AI of 338WM korter as 22” nie.

Dit bring jou by die 30.06 standaard vir ‘n 20/21” bakkie ruk uit en skiet geweer. Sit hom ‘n goeie knaldemper op, loutere sagte plesier.

Beste.

[Arnold]

Met 'n 20" 30-06 AI behoort jy steeds so 2750fps met 'n 180gr te kry.
Met 'n 21" 338 WM sal jy 'n 225gr teen so 2730fps kan stoot

[Vleisie]

Dankie vir almal se insette.
Ek sien baie van die yanks praat ook van 21/22” op die 338 en 20” op die 30-06AI.
Wil vir my voorkom of beide n redelike groot navolging het hier.

[Arnold]

Ek het 'n gewone 30-06 met 20" loop en hou baie van hom.
Skiet 'n 165gr Huntac teen so 2800fps as ek reg onthou.