Ek is stadig besig om my kluise te vervang en was die naweek besig met bietjie hande arbeid.
Dit het gelyk of seewater op die kluis geloop het en hy binne in dit gestaan het. Taamlik geroes buite en op sy vloer maar anders in 'n geoeie kondisie.
Ek het besluit die rakke moet uit om plek te maak vir gewere en veral ook die langer lope. 'n 4lbs hammer en grinder het die proses bespoedig. Kluis is toe afgeskuur en die roes behandel.
Hierna is hy weer met Hammerite geverf.
Hulle pas mooi, maar daar kort dalk ietsie pienk om die vaal te breek
Ek krap toe in die kas en sien so paar blikkies spuitverf waarna ek besluit om iets anders te probeer met die deur nadat hy ook reeds ge-hammerite was. Roep toe my dogter dat sy vir pappa kom help verf
Basis laag khaki/sand, toe blare gepak en groen gespuit. Na dit droog was het ons die blare geskuif en 'n laag grys gespuit. Dit het toe baie mooi uitgekom en beter as waarvoor ek gehoop het.
Ek sal nou dievolgende een ook hierdie spesiale behandeling moet gee.
