Begin lading vir 338 Win Mag

[3kus]

Goeie naand,

Ek het vroeer die jaar 'n bitter mooi Sako 338 WM by een van die lede op die forum gekoop. Hy is vroeer die week afgelaai met RAM nadat my lisensie laas week goedgekeur is. Loop het 'n 1:10" twist en 24" lank. Komponente het ek Norma doppe en 275gr A Frames en 230gr Norma Oryx punte aangeskaf. Ek beplan om S365 te gebruik vir 'n begin, kan die QL kundiges vir my asb op die regte pad sit om albei te laai asseblief. As daar iets beters as S365 is wat die nuwe kruite betref, gee my julle opinie.

Baie dankie byvoorbaat, groete Drikus

[tripodmvr]

24 duim loop. Druk vir ladings onder is by 45K psi.

275gr Swift - begin 59gr S365 - 2340vps berekende spoed
230 Norma - begin 67gr - 2610vps berekende spoed

Die Swift is 'n harde koeël met lang dravlak en daarom die baie laer lading.

[3kus]

Dankie oom Marius, sal daar begin


Sent from my iPhone using Tapatalk

[3kus]

Goeie more oom Marius,

Ek het die volgende gelaai op my .338 Win Mag. 230gr Norma Oryx met 'n TPL van 83.0mm.
1. Dop volume 90.9gr.
2. 67.8gr S365 -0.2 Dev, spoed avg: 2715 - 2715/2700/2734/2710

Ek het die bogenoemde toe aangepas na twee rondtes se skiet na 67.6gr en 'n TPL van 82.15mm. My spoed was avg 2678 - 2649/2688/2689/2688/2663/2693. Groep was 1/2 MOA op 200m, maar op die 300m omtrent 2 MOA.

Hoe kan ons dit verder aanpas? Baie dankie.

[tripodmvr]

Verstellings kleiner as 1gr het min effek op so groot volume dryfmiddel. Hou eers die TPL konstant anders weet jy naderhand nie wat het die verbetering in die groep gemaak nie.

Die swakker groep op 300m kan miskien die drywer, weersomstandighed of verstelling van die parallaks wees. Dink na daaroor en kyk of jy kan verbeter met een van die 3. As jy 1/2 MOA op 200 skiet lyk dit nie na die drywer nie. Die terugslag kan egter sy tol eis.

Hier is 2 nodes :-
66,7gr = 2660vps
70gr = 2765vps (druk 58K psi)

[3kus]

Goeie middag Oom Marius,

Ek het 66,7gr gelaai met 83.0mm TPL en groepe op 200m en 300m was beter. Spoed was wel gemiddeld 2670fps. Ek sal later die week weer gaan skiet en kyk hoe dit gaan.

Baie dankie.


Sent from my iPhone using Tapatalk

[tripodmvr]

Lyk my jy stel 'n baie streng presisie vir hierdie JAGGEWEER. Laat weet as ek medisyne vir spanning kan stuur.

[3kus]

Ek doen en dit maak my mal. maar 9/10 keer moet die ou agter die sneller sy werk doen.


Sent from my iPhone using Tapatalk