Norma Bond strike

[Giepie]

Ek sien Norma Bond strike koeëls is in SA beskikbaar. Het iemand ervaring van dit? Hoe vergelyk dit met die Oryx. Dit is in 180gr vir 30-06.

[Apie]

Ek het die 143gr Bondstrike in my 6.5x55 gebruik en hulle het die 2 swart wildebeeste vinnig neergesit met blad en skuins van voor bladskote met volle penetrasie en aanvaarbare vleis skade


Sent from my iPhone using Tapatalk

[Koos Barnard]

Volgens my ervaring is die Bond Strike 'n effens sagter koeël as die Oryx. Dit is meer bedoel vir langer afstande waar die koeël reeds 'n bietjie snelheid verloor het. Ek het 'n hartbees, springbok, 'n paar vlakvarke en twee gemsbokke daarmee geskiet (laasgenoemde kopskote op kortafstand, so dit tel nie ten opsigte van koeëlprestasie nie). Al die diere is met 180gr Bond Strikes uit my .30-06 geskiet. Hulle is lekker akkuraat en op die hartbees wat op so 170+ meter geskiet is, was die vleisskade aanvaarbaar. So ook op die springbok wat op korter afstand 'n skoot skuins van voor gekry het. OP die vlakvarke het die afstande gewissel van sowat 30m tot omtrent 150m en met die langer skote was die vleisskade heel aanvaarbaar.
Mooi loop

[Giepie]

Baie dankie. Saam met die Bond strikes het ek gedink om te kyk na die 150gr Hornday GMX'e. Ek hou van die GMX'e in die 270Win en 375H&H, so ek glo hulle sal mooi maak in die 30-06.