Lisensie aansoeke wagtydperk

[OosKaapJagter]

Artikel 24(4) van die Vuurwapenwet 60 van 2000 bepaal uitdruklik dat indien jou hernuwingsaansoek betyds (minstens 90 dae voor vervaldatum) ingehandig is, bly jou lisensie geldig totdat die aansoek oorweeg is.

Hou dus jou ou lisensie byderhand, saam met die kwitansie of SMS dat jou hernuwingsaansoek ingedien is. Indien jy wil, kan jy ook 'n uittreksel van artikel 24 uitdruk en byderhand hou.

Indien 'n hardekwas polisielid jou steeds wil arresteer, kan jy begin sommetjies maak oor die bedrag waarvoor jy vir hom en die minister met die hoed gaan dagvaar.

[JDKey]

Het hernuwing van 30-06 Oct 2020 ingedien en kaartjie begin Feb 2021 ontvang. Ook 2 nuwe aansoeke saam ingegee maar geen woord daarvan tot dusver.


Sent from my iPhone using Tapatalk

[PWV]

https://www.saps.gov.za/services/firear ... nquiry.php

Het altyd hierdie skakel gebruik om die vordering van my aansoek te volg. Nou wil die ding skielik nie oopmaak nie. Sabotasie???

[hotklou]

https://www.saps.gov.za/services/firear ... nquiry.php

Het altyd hierdie skakel gebruik om die vordering van my aansoek te volg. Nou wil die ding skielik nie oopmaak nie. Sabotasie???

Hy werk nou weer. seker maar besig gewees met opdatering.

[Cobus(Cobb)]

Manne...wees geduldig...
Ek vandag twee kaartjies gaan haal.....my dag was sommer net lekker van daar af.

Cheers

[Lapua]

Desember 2020 is daar 3 van my nuwe lisensie aansoeke goedgekeur. Gister was ek ingelig dat my kaartjies nognie by die DFO is nie. Hoe lank nog was my vraag. " Seker nog so paar maande, ons is nie in beheer van die kaartjies nie." Was die antwoord. Dit is net verkeerd!

[Riaan Kriel]

Klink my hulle is so 18 000 aansoeke agter

Dis tyd dat hulle nou begin opvang!
Ek het in September 'n aansoek ingehandig wat op 18 Nov by die CFR se kantore ontvang is. Sederdien sit dit net daar...

Ek het 'n aansoek 31 Julie 2020 ingegee.. is die 7de augustus op die stelsel enkodeer... op 20 augustus by provincial gewees en op 1 oktober ontvang by cfr.... niks gebeur of status update sedert 1 oktober nie..

Sien op die stelsel die lisensie is vrydag 26 februarie 2021 goedgekeur... Nou die wag vir die kaartjie

[Klein Chris]

Soek raad asb
My 30-06 se hernuwings kaartjie gister gekry. Met navraag oor waar my bevoegdheid kaart is, is ek vertel dat dit nog nie uitgereik is nie. Ek het die bevoegdheid saam met die lisensie hernu. Ek benodig die bevoegdheid om vir n 303 aansoek te doen
Wat nou? Moet ek her aansoek doen vir die bevoegdheid of nog wag?

Hoor graag

[Johan Nel]

Is die bevoegdheid goedgekeur? Indien wel dan moet jou DFO vir jou 'n uitdruk gee wat jy dan hou en gebruik soos die kaartjie.

[OosKaapJagter]

Ons DFO het onlangs aangedui dat daar nie meer bevoegdheidskaartjies uitgereik word nie. Die uitdruk vervul die rol wat die kaartjie gedoen het. Dit is glo 'n kostebesparingsmaatreël.
Het enigiemand anders al sulke inligting gekry?
Indien wel so is dit dalk 'n idee om die uitdruk te laat lamineer. Dit hou ten minste langer so.

[Lategan1]

Soos Johan sê, jy vra vir A4 uitdruk.

Ons kantoor doen dit reeds vir 3-jaar+ so. Ek was onder die indruk dit geld vir die hele land.

My drukstuk het geen vervaldatum op soos die kaartjies nie, vreemd.

Beste.

[afrikanerbloed]

Ons DFO het onlangs aangedui dat daar nie meer bevoegdheidskaartjies uitgereik word nie. Die uitdruk vervul die rol wat die kaartjie gedoen het. Dit is glo 'n kostebesparingsmaatreë

Dieselfde hier.
Lyk my hulle het op ink ook probeer spaar.Dit is so n vaag, dowwe storie dat jy amper dit nie kan lees nie.
Sit hom maar mooi erens weg.
Ek glo darem jy sal nog n print out kan kry.
Johan

[Klein Chris]

Is die bevoegdheid goedgekeur? Indien wel dan moet jou DFO vir jou 'n uitdruk gee wat jy dan hou en gebruik soos die kaartjie.

Met my laaste navraag in Februarie was alles in orde
Sal n lisensie uitgereik word as daar fout is met die bevoegdheid?

[Blink Stefaans]

Ek het n aansoek ingehandig die 18de Desember.
Die aansoek is nog nie eers op die sisteem gelaai nie.
kan ek aandring dat hulle die 3 maande aftrek van die 120 dae?

[heywillie]

Aansoek vir 375 Ruger ingegee 6 Augustus 2021.
93 werksdae lank by CFR gelê.
Sopas SMS ontvang dat hy goedgekeur is.
Hele proses het 153 werksdae gevat.

[Hennie van der Merwe]

Aansoek vir 375 Ruger ingegee 6 Augustus 2021.
93 werksdae lank by CFR gelê.
Sopas SMS ontvang dat hy goedgekeur is.
Hele proses het 153 werksdae gevat.

Baie geluk. Jy is ook baie gelukkig.

[Frederik]

Manne by Garsfontein DFO, my 3 hernuwings is begin November goedgekeur geen SMS oor kaartjies nie vat toe 'n kans vandag mors 1 1/2 uur van my lewe om te kyk vir my kaartjies. Al 3 was daar en is al daar vanaf 23 Desember 2020.
Geen sms ontvang oor een van die kaartjies nie en daar is bokse vol wat afgehaal moet word.

[Johan Nel]

Is die bevoegdheid goedgekeur? Indien wel dan moet jou DFO vir jou 'n uitdruk gee wat jy dan hou en gebruik soos die kaartjie.

Met my laaste navraag in Februarie was alles in orde
Sal n lisensie uitgereik word as daar fout is met die bevoegdheid?

Chris,
Ek moes hernuwing doen van my bevoegdheid saam met 'n aansoek vir 'n nuwe lisensie vir 'n geweer. Die lisensie is goedgekeur voordat die heraansoek goedgekeur is, altans op die stelsel. Ek het 'n uitdruk van die bevoegdheid gekry op navraag, en my lisensie vir my geweer gekry. "n Maand of wat later het ek weer gaan navraag doen oor my bevoegdheid se kaartjie en toe was dit ook daar by die stasie. Volgens my inligting word kaartjies vir bevoegdheid nog steeds uitgereik. Daar is geen vervaldatum op die uitdruk of die kaartjie nie, slegs 'n uitreikdatum.

[Klein Chris]

Dankie Johan
Nou bietjie meer gerus

[Blink Stefaans]

Ek het van vanoggend die dfo gereeld probeer bel. Vanmiddag antwoord hulle die foon.
Ek vra toe wat die storie is met my aansoek wat nog nie eers op die sisteem gelaai is ni3. Hulle vertel my dat hulle drie maande agter is. Ek se toe vir hulle dat die aansoek al reeds drie maande by hulle lê. Dis toe n geskarrel om die aansoek te vind. N rukkie later bel ek weer toe vertel hulle my dat hulle nou besig is met my aansoek.
Dit is nou al langer as drie maande en die aansoek is nog nie eers op die sisteem nie. Is daar iets wat mens kan doen daaromtrent? Dit is al klaar 65 werks dae

[Carlc]

Byt op jou tande want hulle vee hulle sterre aan ons af. Pasop net vir te hard raas met jou dfo. Hulle het ongelukkig nog die hef in die hand en kan jou aansoek net laat verdwyn.

[Riaan Kriel]

Dis tyd dat hulle nou begin opvang!
Ek het in September 'n aansoek ingehandig wat op 18 Nov by die CFR se kantore ontvang is. Sederdien sit dit net daar...

Ek het 'n aansoek 31 Julie 2020 ingegee.. is die 7de augustus op die stelsel enkodeer... op 20 augustus by provincial gewees en op 1 oktober ontvang by cfr.... niks gebeur of status update sedert 1 oktober nie..

Sien op die stelsel die lisensie is vrydag 26 februarie 2021 goedgekeur... Nou die wag vir die kaartjie

Vanoggend die SMS gekry dat die lisensiekaartjie is by die DFO.. sopas gaan haal

[J le Roux]

Ek het Dinsdag 'n aansoek ingedien vir nog 'n 30-06 . Na mooipraat het ek 'n bergingspermit vir 1 jaar gekry, die DFO het gese ons moet maar hoop dit is lank genoeg...

[Pierre1]

My aansoek het darem gister beweeg na "consideration" en ek het ingedien op 02 Sep 2020...

Hulle hanteer blykbaar nou Sep/Okt 2020 se aansoeke.

Vasbyt manne en maninne.

[Theunodb]

Myne ook gister in consideration ingegaan! En sopas die APPROVED sms gekry


Sent from my iPhone using Tapatalk