Bok uitbloei

[JohanvB]

Jy jag jou bok suksesvol, kom by hom aan, sê dankie vir die geleentheid, en sny dan die bok se keel om te bloei..

Hoekom sny mens 'n bok se keel om uit te bloei, of, wat sou gebeur, as jy dit nie doen nie?

[alecjohnson]

As jy hom nie mooi uitbloei nie dan bly daar natuurlik baie bloed in die spiere. Los nou daai vleis oornag in 'n vleisbak en sien hoeveel uitgeloop het. Nou ek het erens gelees dat dit help die vleis om sleg te word, ek weet nie, my vleis hou gewoonlik nie so lank nie

nou met 'n mooi hart long skoot, bloei die bok binne uit. en met die ophang slag steek ek 'n gat waar die borsbeen en nek bymekaar kom sodat die bloed net uit die borskasholte kom.

[J le Roux]

Ek weet dit is tradisie (net soos pens trek in die Kaap en Vrystaat), maar hoe kan dit nou effektief wees as die hart gestop het?

Ek dink dit is net die bloed wat in die slagare is wat uitloop, en ek dink nie dit kan die vleis affekteer nie.

Ek hoop wel ons kry meer opinies en feite.

[FHM]

Dis net my opinie.
99 % van die tyd as jy by die bok kom is hy reeds dood - dus het die hart ophou pomp, so om dan keel af te sny gaan nie vreeslik help nie - tensy die bok dan dadelik gehang word sodat gravitasie van die uitbloei doen.
Bokke wat hart / longskote geskiet is bloei natuurlik reeds uit binnekant - so om die keel te sny op die bok om uit te bloei is nie nodig nie. Kopskoot bokke bloei ook baie, en sommige nek skote ook.

So waar kom die keelsny na die skoot dan nou vandaan?
Dis n feit dat bloed in die vleis dit vinniger laat af/sleg raak. Dis ook hoe ek grootgeword het, en dit 'voel' vir my verkeerd om nie die keel te sny as ek by die bok kom nie - dis n ritueel. N ander aspek is dat indien n bok le vir n uur of langer en die keel is nie gesny nie - gaan hy begin opblaas - dus help die keelsny om die pens gasse te ontsnap as die bok n ruk le voor afslag.
Dis ook n Christelike 'ding' omdat die bybel jou verbied om die bloed te eet en die 'keelafsny ritueel' is deel daarvan om van soveel as moontlik bloed ontslae te raak.
My 5 c

[alecjohnson]

FHM Jy is reg met as die hart gestop het bloei die dier nie ordentlik uit nie, Ek is te lief vir 'n bladskoot, en my neef skiet al sy gemsbokke net brein oor hy die magtige 243 gebruik. Nou hy het my vertel dat met bladskote 'n gemsbok se vleis baie minder bloed gooi as breinskoot bok. my bladskoot gems is heeltemal gemaal en na 2 dae staan het daar so 3 koppies bloed uitgeloop. Sy kopskoot wat gemaal was, moes na ure uitgegooi word, en so het dit aangehou uitloop.

[Harambe]

As jy daai bok weeg nadat hy uitgebloei het, gaan hy minder weeg. So as jy per kg betaal, gaan jy score. Anders nie. Dis nou nie 'n antwoord nie, ek las maar net 'n ou stertjie aan.

[Zuku]

en sny dan die bok se keel om te bloei..

Ek ken n ou slagter wat altyd sê "sny die keel en knaaters onmiddelik af en dan smaak jou vleis beter" So is ek maar geleer en doen dit nog steeds. Of daar n verskil is weet ek nie. Die slim "Fleischmasters" sê daar is te veel salinity (as ek reg onthou) as die bok nie reg uitbloei nie

[Chris Roux]

Wat ek eendag waargeneem het.

Ons jag in Noord Natal, Skoonpa skiet n rooibok ram dubbel long deur die blaaie. By die bok gekom sny hy dadelik keel en haal die "twak sak" ook af (iets wat hy nog altyd doen met ram en bulle). Die bok het nog redelik uitgebloei.
Nie ver daarvandaan is dit my beurt op die rooibokke en ek kry ook dubbel long skoot. By hom aangekom, rig ek hom eers op vir n paar fotos en nabetragting en sny nie die keel nie. Nadat die bokke afgeslag is kon ek duidelik n verskil in die karkaste se kleur sien. Myne was redelik donker rooi teenoor syne se ligter pienk. Ek skryf die verskil toe aan die feit dat een se keel gesny was en die ander een nie.

Ek sny nou maar ook die keel.

[FHM]

Dis n feit dat jou vleis donkerder vertoon as hy nie gebloei is nie

[Boesman10]

In die Karoo is ons modus operandi om eers fotos te neem en dan binnegoed uit te haal en dan die bok te laai. Na die binnegoed uit is het ek nog nooit enige nodigheid gesien om keel af te sny nie. Ons doen deselfde met al die kliente wat kom jag op die plaas en kan nie se ons het al ooit 'n bok verloor oor die keel nie afgesny was nie. By die slagplek word die kop eerste afgesny en dan word die bok met 'n hak opgetrek vir afslag. Enige laaste bloed loop dan uit tydens die afslag proses.

[wlm]

Persoonlik hou ek nie van keelaf sny nie. Dit maak net 'n groot stuk rou vleis wat vol grond en ander vuilis kan raak. Die afgesnyde slukderm kan ook pensmis op jou nekvleis laat kom. Dit lyk ook onooglik.
Beter manier is om die groot aar teen die rugstring oop te sny na die pens verwyder is. Daar kom verbasend baie bloed uit. Draai dan net die bok op sy pens en al die bloed loop uit.

[Barry Loock]

Bloei die bok uit deur die nekslagaar onder die oor waar die nek begin oop te sny.
Dit is glad nie n groot sny nie.
By kleiner bokke miskien n dium lank en 2 dium by groter bokke.
Dit verhoed dat stof en sand in die groot wond inkom

Sent from my CLT-L09 using Tapatalk

[PWV]

Persoonlik hou ek nie van keelaf sny nie. Dit maak net 'n groot stuk rou vleis wat vol grond en ander vuilis kan raak. Die afgesnyde slukderm kan ook pensmis op jou nekvleis laat kom. Dit lyk ook onooglik.
Beter manier is om die groot aar teen die rugstring oop te sny na die pens verwyder is. Daar kom verbasend baie bloed uit. Draai dan net die bok op sy pens en al die bloed loop uit.

Luister vir wlm. Dis die buikslagaar waarvan hy praat. Hoe meer die blok bloei, hoe beter. Hoe meer bloedverlies, hoe langer kan die vleis hou. Bloed is 'n goeie teelaarde vir kieme.

Die knaters wat afgesny word, is maar 'n bygeloof. 'n Ou wat dalk jaloers was op die bok se tools en toe word dit 'n gewoonte of ritueel wat van geslag tot geslag oorgedra word.

[JK]

Ons sny die keel af en laai die bok. Ek los niks vir die jakalse nie.

[FHM]

Persoonlik hou ek nie van keelaf sny nie. Dit maak net 'n groot stuk rou vleis wat vol grond en ander vuilis kan raak. Die afgesnyde slukderm kan ook pensmis op jou nekvleis laat kom. Dit lyk ook onooglik.
Beter manier is om die groot aar teen die rugstring oop te sny na die pens verwyder is. Daar kom verbasend baie bloed uit. Draai dan net die bok op sy pens en al die bloed loop uit.

Mens skraap en knoop hom mos vinnig - 10 - 15 sek

[Gawie(13mm)]

Daar in die Karoo waar ek my springbokke loop haal, is ek ook geleer om te maak soos my vriend Wlm beduie.
Die hare op die nek maak ook die lem onnodig stomp.

[Koos Barnard]

Jip stem saam met Wlm en Gawie, ek sny altyd buikaar.