Bavaria "Hog Back" Styl Kolf vs 50mm Front Objective

[Max Rossle]

Dag Manne

Ek oorweeg sterk die Vortex 3.5-10x50 vir n CZ550 met die hog back styl kolf...

Ek is net bekommerd oor natuurlike cheek weld met die 50mm front lens...

Sal julle wat die hang gat kolwe het sê dit werk of moet ek fokus op n 40mm na 44mm front lens?

Almal met 25mm tubes.

[Lamtjop]

Max, met die cz gaan jy dalk dieselfde ring hoogte vir 40mm of 50mm objective nodig hê. Die probleem is gewoonlik tussen die slot en die oogstuk, n 40mm mag dalk op baie lae ringe die loop clear en n lekker cheekweld gee maar dan kap slot teen oogstuk . Beste is maar om in winkel te meet en pas. Vir beter cheekweld plak ek van daai rolletjie spons wat kan vasplak bo-op kolf tot regte hoogte en trek dan van die swart rekbare patroon houer oor kolf bo-oor die spons. Groete

[Ds J]

As die 50mm lens veroorsaak dat jy hoe"r ringe moet opsit sal ek voorstel om eerder n kleiner lens te gebruik.

Die hangkolwe maak dit soms moeilik - hulle het ontstaan toe die gewere oop visiere gehad het, en gevolglik maak n teleskoop dit moeilik.

[Langeraat]

Ek kan beaam wat Lamtjop hierbo se. Ek het 42mm objektief teleskoop op maar moes medium hoogte ringe gebruik a.g.v. die slot. Ek het toe maar die Beartooth Comb Raising Kit opgesit en dit werk baie lekker vir my.

[Alwin]

Max, uit my persoonlike ondervinding glo ek daai Beierse styl kolf werk net goed met oop visiere en uit die vuis. In enige laer skietposisie vergroot die kolf-vorm die aanvoelbare terugskop. My eie geweer se kolf het ek verkoop en 'n sintetiese (glasvesel) kolf met reguit kam opgesit. Nou is die geweer 'n plesier om te skiet. Behalwe vir die skopgewoonte, sit die kam op my reguit kolf hoër en kan ek my wang op die kolf vasdruk, wat my oog mooi oplyn met die teleskoop. Met dieselfde monterings en ringe was die kam van die sog-rug kolf heeltemal te laag. Maar dis my ondervinding. Jou omstandighede en behoeftes mag verskil.