Ruger #1 7x57 - raad asb

[Rigby]

Goeie middag Menere
Het julle raad nodig.

Ek het n opsie op die bg geweer. Rerig n mooi klein kettie wat ek graag vir my klong wil koop (met n besonderse stukkie tamatiekasplankie op). Dit is egter die full stock met die 20" loop, en nie die standaard 24" weergawe nie.

Die bedoeling is dat dit my bul se jaggeweer sal wees waarmee hy alles wat ek kan bekostig, in die bosveld mee sal jag (dis natuurlik voor hy eendag eienaarskap op my ketties gaan begin vat)

My vraag - tot hoe n mate gaan die 20" weergawe my beperk? Ek verstaan dat ek n paar fps per duim gaan verloor. Die bedoeling is nie om dit n vlakte geweer te maak nie. Ek glo n 140gr (Accubond) teen bosveld spoed (omgewing van 2200fps) sal vir lank die ding kan doen. Kan altyd later upgrade na 175gr toe. Vir die QL ghuru's - sal ek darem node kan slaan by bg spoed met die 20" lopie? (Ek weet, detail is nodig om presies te wees - maar ek het hulp nodig om die besluit te neem).

Of los ek helemaal, en kyk eerder vir n 24" weergawe?

Nee, ek gaan nie kiekies plaas nie - nounou koop julle die geweertjie onder my gat uit

Ek hoor graag van julle
Groete


Sent from my iPhone using Tapatalk

[Johan Nel]

Rigby,
Die realiteit is dat hierdie gewere redelik skaars is weens Ruger se huidige beleid om slegs beperkte getalle per jaar en slegs in sekere kalibers maak. Koop hom dus as jy kan. Jy kan altyd weer later weer verkoop as jy wel iets beters raakloop.
Ek sal wel eerder na 140gr koeels kyk afhangend van die geweer se groefdraai.

[Dale SH]

Rigby.
Even with a 20 inch barrel the 140 grain Accubond will be idling at 2400 fps.
You can comfortably push it faster than that within safe pressure.
The Ruger no 1 is regarded as an extremely strong action.

[Jaco vdW]

Baie slegte idee om daardie geweer te koop - stuur asb vir my die verkoper se nommer dat ek hom kan oortuig!


Sent from my ALE-L21 using Tapatalk

[tripodmvr]

Jy sal nooit spyt wees oor so koop nie. Dit is die' lekkerste bosgeweer. Kort en ligter as die Mauser aksies en baie handig in beperkte ruimtes. Genoeg oemf vir alle sagtevel wild.

[RugerBoy]

Middag Rigby

Ek kan jou seker bietjie help. Ek het ook een van die RSI (my eerste No1 wat ek gekoop het). Dit is seker die laaste een wat ek sal verkoop van die klomp.

Ek skiet nog altyd net 175gr punte, en kom met geen probleem by 2350fps uit. Die gewig en groote maak dit seker een van die mees perfekte wapens vir n jong seun. Ek dink dis n puik keuse en hy gaan verseker hom vir baie jare kan geniet. My onkundige ondervinding met die No. 1's is dat jy nie baie spoed verloor met die 20 duim loop nie.

Oor hoe hulle skiet, dis n ander storie. Jy gaan nie n op PMP skietdag met n eerste plek weg stap nie. Ek het in die begin baie gesukel en hom deur VLT na oom Ginger gestuur. Hy skiet nou n aanvaarbare duim en n half groepering op 100m.

Die ander model wat jy na verwys is die Ruger No. 1-A light weight sporter. Hulle het n 22 duim loop en nie 24 duim nie. (nie bewus dat hulle in n B model was nie, kan verkeerd wees)

Ek sou nie twee keer dink nie, en as daar nog een oor my pad kom sal ek hom ook vat. Verseker die wapen wat ek die meeste gebruik en verkies.

Jy kan my met graagte kontak as daar nog iets is, sterkte met jou besluit.

Groete,
Andries

[Jaco B]

Wow. Baie mooi roer.

Wat kos so n roertjie?

[Rigby]

Dankie vir die vinnige antwoorde, PM's en aanhitsing in die regte rigting.
Synde die transaksie beklink is, plaas ek dan n kiekie van die nuwe skietstok in die kraal...//uploads.tapatalk-cdn.com/20170818/ad11c3d5cd660c3998c34598066077e8.jpg


Sent from my iPhone using Tapatalk

[DWB]

Hel Christo! Bitter mooi! Geluk!

[tripodmvr]

Daardie geweer lyk nog tops en die kolf is iets besonders.

[JAGTERSREG-JRM]

Dagse


Baie netjiese roer daai. Ek het gister bietjie jikkerig geraak en iets aangepak wat ek lankal oor wonder.......Het Claw se 190gr gelaai en hoop om hulle uit te toets deur die loop van die week.

Ek kry rerig bitter goeie resultate met Pmp (1/2" groepering) maar wonder nog altyd oor die 190gr. Vermoed as ek selfde resultate met hulle kry gaan dit my nuwe bosveld kombinasie word.

[Capt. Yoda]

Ek soek ook so bosroer!

[Rigby]

Kobus - daai 190gr idee het my sommer vanaand al laat begin werk aan my motiverings "pakkie" vir CFR.
As hulle werk, gaan dit darem net die medisyne vir een van daai ou alleenloop willebeeste wees...
Laat weet seblief hoe jou toetse die week verloop.

Dit gaan n rukkie wees voor my klong die geskenkie kry (hy weet nie eers van my slinkse planne nie). Maar daar sal wel n kiekie gepost word wanneer hy sy eerste uitstappies (baan en veld) neem.
Lekker week
Groete


Sent from my iPhone using Tapatalk

[Wouter Roets]

Naand Rigby

Klink of jy jou keuse gemaak het oor die geweer en ek kan maar net se dat jy of jou seun nie vir n enkele dag daaroor spyt sal wees nie. Ek verruil myne vir absoluut niks. Hy het my nog net enorme plesier in die jagveld gegee.

Ek weet dat sommige manne wel al n bietjie gesukkel het om hulle aan die skiet te kry, maar dit is maar basies die luck of the draw, want myne het soos baie ander manne s'n uit die boks uit uitstekende akkuraadheid gegee. Ek het wel op myne net n Pachmayer Decelarator pad gesit want in die Ackley weergawe kan hy nogal parmantig raak as jy die swaar koelle se alies so bietjie warm maak.

Geniet daai roer en nogmaals geluk met die koop.

Groetnis
Wouter