Dankie Koos Barnard

[Francois B]

Ek het vanoggend weer die nuwe magnum beedgehad en toe besef ek net weer dat daar niemand is wat n storie kan skryf soos Koos nie , n mens kan selfs die gras ruik na die reen en jouself heeltemal inleef in sy jagte! En al die moeite wat Koos doen met die fotos ! Kan mens nie dalk n boek iewers kry met Koos se beste jagte nie?

[Koos Barnard]

Francois
Baie dankie vir die vriendelike woorde, ek waardeer dit baie. Ek is op die oomblik besig om te werk aan 'n Afrikaanse boek met jagstories, die meeste wat nog nooit tevore in Magnum verskyn het nie. Dit word beplan met een kleurfoto aan die begin van elke storie. Hopelik sal ek dit na die einde van die jaar toe kan laat druk. Ek het gehoop voor Kersfees maar ek hardloop deesdae 'n bietjie rond met die twee jobs. As dit nie in 2011 is nie sal ek dit baie vroeg in 2012 gereed he.
Groetnis
Koos

[300Winmag]

Francois
Baie dankie vir die vriendelike woorde, ek waardeer dit baie. Ek is op die oomblik besig om te werk aan 'n Afrikaanse boek met jagstories, die meeste wat nog nooit tevore in Magnum verskyn het nie. Dit word beplan met een kleurfoto aan die begin van elke storie. Hopelik sal ek dit na die einde van die jaar toe kan laat druk. Ek het gehoop voor Kersfees maar ek hardloop deesdae 'n bietjie rond met die twee jobs. As dit nie in 2011 is nie sal ek dit baie vroeg in 2012 gereed he.
Groetnis
Koos

Dit sal nou lekker wees om lees.

[Ponkie]

Oom Koos

Ek raak in Maart 2012 'n volle 21. Dink dit sal 'n perfekte geskenk wees.

Sal vir Oom my posadres stuur. Haha!

Nee ek grap net. Dink dit sal 'n puik boek wees.

Groetnis
Ponkie

[frinam]

Koos Mater, as mede Duitswester wil ek ook graag my straaltjie bygooi in die emmer van gelukwensings en bedankings, jy doen die skryfgoete solat 'n man die goete kan ervaar!!! Grootkoos sou met rede trots kon wees op hierdie nasaat, 'n man so reg na onse harte!!!! Duitswes groete-Frikkie

[Koos Barnard]

Dankie Frik
Dis koud en reenerig hier in Durban en die mense en mouters te veel. Dis sulke tyd dat ek ver verlang na Die Land toe. Dordabis se kameeldorings en koppe, die fisante wat soggens die slaap uit die son se oge kom vee, die Schaaprivier en die neushoringvoels se kok-kok-kok. Ai, net soms raak hierdie Natal darem te John Deere groen. 'n Plek het mos vaaltes en skurftes nodig om lekker hart te he. Ek wil bitterlik graag Dordabis se wereld toe, my baie kort kuier in Maart in Duitswes was vreeslik lekker, net jammer ek kon nie daar by jou uitslaan nie.
Groetnis uit hierie kougat-natgat beton plek.
Koos

[Monrique (SJ)]

Ek wil self ook net vir oom Koos baie dankie sw vir die stories wat hy skryf, lees dit eerste as ek die boek kry! 

Hou so aan....

Groetnis

[Francois Marais]

Koos

Ons geselsie gister-oggend was sommer lekker, dankie vir die moeite om my te kontak.....

Jy sal nie glo nie, die Schaaprivier loop nou al n goeie 4 maande aanmekaar......

Mooi loop
Francois