Patroon wat nie afgaan nie

[tripodmvr]

Lees hierdie stuk en gee kommentaar asb.

https://www.facebook.com/permalink.php? ... 3234777932

[OosKaapJagter]

Behalwe dat die ou 'n "breach" verwar met 'n "breech" is dit interressant.

Hierdie klink na 'n frats insident. Ek sou doodeenvoudig die loop in 'n veilige rigting hou en die rondte verwyder. Hy praat van 'n "break neck" aksie, soos 'n haelgeweer s'n. 'n Slotaksie is waarskynlik heelwat veiliger as so frats sou gebeur.
As 'n mens so wou oorreageer oor 'n rondte wat nie afgaan nie, moet jy dalk net kussings om jouself pak voordat jy skietbaan toe ry of terug huis toe. Baie meer ongelukke gebeur op die pad.

Dalk maar 'n kevlar helm ook opsit, want dalk tref 'n meteoriet jou teen die kop.

Sy voorstel om nie met maksimum ladings te speel nie, is sinvol. Dit is goed om altyd so bietjie ruimte te laat vir die onvoorsiene.

[Willie]

Wat stel julle voor.

Hoe sal mens met 'n "slot" geweer die patroon veilig uit die kamer kry ?

En hoe sal mens te werk gaan om die dop weer te herlaai ?

[Willie]

Die ou mag nou wel versigtig wees met die uit haal van die patroon maar ek dink nie hy moet die punt wat vas sit in die loop met 'n laer landing uit skiet nie. Of wat dink julle ?

[Flip Nel]

Ek sou net altyd seker maak beide kante is in 'n veilige rigting, gelukkig het al die duds waarmee ek te doen gekry het geweier om af te gaan.

[Jake1]

Die algemene reel in so geval is om 30 sekondes te wag en beslis nie langer as n minuut nie. Dit het gebeur n paar minute nadat sneller getrek is. As n rondte na n minuut nie afgevuur het nie beskou ek nog altyd die rondte as veilig (miskien verkeerdelik) Die skroewedraaier het dus die slagdop geaktiveer...? Ek dink daar het meer gebeur as wat dit blyk, miskien het hy onwetend in die donker op die slagdop gedruk en of kap. As sy stelling waar is dat die slagdop afgegaan het deur nie eers aan hom te raak nie en net aan kant van dop sou mens baie meer gehoor het van soortgelyke rondtes wat afvuur as hulle net val. Dus dink ek feite soos weergegee is nie 100% korrek of duidelik nie.

Ek sou beslis nie al die veiligheidsmaatreels toegepas het soos hy het nie....

Die feit dat hy koeel onveilig verwyder het met verlaagde lading asook verwysing na maksimum ladings is sekonder tot die punt van bespreking/belang. Die punt in geskil is hoe maklik kan n slagdop afvuur na meer as n minuut nadat hy nie afgegaan het as slagpen hom reeds geslaan het. Dis maar hoe ek dit sien.

[dehacked]

Soos ek verstaan is patroon verwyder met verlaagde lading baie onveilig. Wat seg die slim mense?

[likweD]

Stem saam dis 'n onveilige situasie wat verkeerd kan uitdraai maar die beskrywing is oor dramatiseer na my sin..
Miskien vir perspektief wil die lede wat van somme hou bereken hoeveel spoed kon die dop opbou in die tyd wat dit die kamer verlaat het en hoeveel kruit nog tipies sal ontbrand, is mos maar selfde as 'n loop so lank as wat die dop is en 'n projektiel massa ekwivalent aan die dop massa..?

Groete,

Halvar

Sent from my SM-P605 using Tapatalk

[Alwin]

Ek sukkel maar om iemand ernstig op te neem as hy nie eers die verskil tussen 'n "breech" en 'n "breach" ken nie. En dan "rap" die handdoek nog om sy nek. Die geraas moes hom seker rasend gehad het. Ek wonder of die "rapper" se lawaai nie die "dud" rondte afgesit het nie.

[Jake1]

Ek wag nog heeltyd vir oom Tripod se kommentaar....