Nuwe Doppe gee spoed variasies

[pietjacobs]

Naand almal,

Ek het nou vir my WInchester doppe gaan koop en is ook my eerste keer dat ek nuwe doppe koop. Het eers die wat ek gehad het klaar gebruik. Nou ek het gesien die doppe is maar vol duike ens en het gelees mens moet hulle almal maar fullsize die eerste keer, is dit reg?

Ek het toe almal gesize, gelaai en baan toe. Die spoed is 'n nagmerrie:

130gr Sierra Gameking:
52.2gr => 2969fps 2932fps
52.5gr => 2991fps 2941fps
52.8gr => 2957fps 2946fps
53.4gr => 2980fps 2982fps

140gr Nosler Accubond
50.5gr => 2884fps 2871fps
50.8gr => 2856fps 2853fps
51.1gr => 2887fps 2867fps
51.4gr => 2871fps 2893fps
51.7gr => 2873fps 2868fps

Soos  julle kan sien, "All over the show"

So toe Necksize ek die doppe wat ek op die toets geskiet het en gaan terug baan toe. Ek het net die Nosler gelaai:

51,1gr => 2943fps, 2951fps, 2948fps, 2940fps. Fantasties !!!!! , maar ek het wel opgelet dat ek +-80fps meer sped nou kry.

Wat is julle opinie? Moet ek nou eers die nuwe doppe gaan uitskiet of wat gaan aan hierso?

Baie dankie,
Piet

[Jagtersdok]

Okay paar goedjies.
1) Jy gaan altyd 'n beter konstante spoed kry met doppe wat "snug" in die kamer pas, maw fireformed doppe en stywe kamers. Dis maar net omdat die doppe nie so baie hoef uit te sit en die dimensies nie so erg hoef te verander nie en die energie hoofsaaklik gebruik word om die projektiel aan te dryf en nie verlore gaan met die "shaping" van die dop nie.

2)Verskillende dryfmiddels gee verskillende spreads, party meer as ander.

3)Dop volume en hoe die dryfmidel in die dop l? gee verskil in brandtempo en ontsteking wat jou spread sal beinvloed.( dit is hoekom mens streef dat die dop na die voller kant is om meer konstante en egalige ontsteking en ontbranding te bevorder)

Soos jy se die doppe wat geduik is gaan ander volumes he en so ook as jy nie die doppe geklas het volgens gewig nie gaan jy groter spread he

4) verskillende ladings sal vir jou spread gee. "n optimale lading behoort nice konstanteid te wys waar 'n warra warra load baie keer weie spread h?.( dit is wel baie keer nie die geval nie)

ag dan is daar nog hele paar goed wat konstantheid van spoed beinvloed.

Jy kan relax. Daie doppe is madotta hulle werk goed. Ek stel voor gaan fireform hulle en werk dan jou loads uit.

[pietjacobs]

Dankie dok vir al daai inligting. 'n Mens dink jy begin nou die proses onder die knieg kry dan kom daar nuwe uitdagings, lol.

[THOMAST]

Ek het met 'n bekende benchrest skut gepraat oor doppe. Hy het die term "shooting the stupid out of the cases" gebruik. Ek het aangeneem dat hy bedoel dat nuwe doppe meer konsekwent sal werk nadat hulle die tweede keer herlaai is.

[Flip Fouche]

Dok

Baie goeie kommentaar!

Flip

[Jagtersdok]

Ag dankie oom Flip. Hoe loop dinge nog daar in dir Wes Tvl?