Silencer Cover

[Ockert1992]

Naand julle,

Met die dat dit nou vandag 'n vakansiedag was(alhoewel ek eintlik moet swot) het ek my hande gejuk om iets te doen.

Ek het so tyd terug afgekom op youtube op 'n video waar ek toe 'n interesante silencer cover gesien het wat spesifiek gemaak word om die "mirage" a.g.v. van die hitte teen te werk.

Ek het die laaste tyd met die veldskiete taamlik gesukkel met die hitte van my silencer in die teleskoop. So besluit ek toe om vir my een te maak.

Ek het alles wat ek gebruik het sommer hier by die huis gekry. Die materiaal kom van 'n ou stukkende broek van my en toe het ek my lewe gewaag en agter vroulief se stikmasjien ingeskuif. Na ek en die masjien mekaar eers so bietjie misverstaan het, het dinge dam begin rigting kry.

Op die einde van die dag is ek heel tevrede met die eind produk, dit is nou nie 'n meester "stik" nie, maar vir 'n eerste keer sal ek hom so vat. Hier onder is 'n paar foto's van hom, asook 'n foto van waar ek die idee gekry het.

Nou sal ek net by die skietbaan moet kom om te kyk of hy werk.

Groete
Ockert

[Ockert1992]

Nog 2 fotos

[Regie]

Dis nou baie smart welgedaan verkoop hulle

[Ockert1992]

Dankie Regie!

[Nico Harris]

Prys???

[Ockert1992]

Nico,

Nee hierdie een sommer net vir myself gebou. Ek sal nie iets van die gehalte aan iemand anders kan verkoop nie. Hy lyk maar rof.

[Lukie]

Ockert, laat weet asseblief hoe goed dit werk. Lyk goed vir 'n eerste probeerslag.

[Petrus.nel]

Smart Ockert. Sal ook graag terugvoering wil he.


Tikka T3 hunter 308

[pietdiebot]

Sjoe, nou wens ek, ek het ook so broek gehad...

[Wielie Waps]

Jaco jakkalsgat en ek het ook al so iets gemaak.
Voor jy gaan skiet moet jy ietsie maak wat keer dat die cover vorentoe skuif a.g.v. die recoil.
Om hom net baie styf om die silencer te probeer vasmaak werk nie. Jy sal hom om die kop en stert ook bietjie moet kan vastrek.
Ons het selfs die temp verskille na elke skoot gemeet.
Soek hier op die forum. Dalk kan jy dit nog kry.