AR skoon maak

[Albert84]

More,

Ek het vir my n DDM4 aangeskaf, maar het geen ondervinding van ARs, behalwe dat ek een of twee keer met een geskiet het nie.
Terwyl ek wag vir die aansoek om verwerk en hooplik goedgekeur te word begin ek solank die nodige aankoop. My vraag is, hoe maak mens n AR skoon, moets en moenies. Wat is n goeie skoon maak stel om te koop, waar is dit beskikbaar? Watse olie om te gebruik? Wat sal julle sê het mens nodig om mooi na die geweer te kyk?
Enige links na goeie artikels sal wardeer word, sit net by die werk nou en kan geen geweer informasie op die internet kry agv internet blok.

Groete,
Albert

[James Wilson]

Albert, die Ar manne gebruik n tipe snake oil soos Pro Long om die gewere skoon te maak. Ek kan nou gladnie die olie se naam onthou nie. Iets soos ms 200?! Gebruik verder ook sommer iets soos carb cleaner om die bewegende dele skoon te spuit.

onthou maar net om goed te olie na die tyd. n Ar kannie met min olie en min skoonmaak skiet soos n LM nie

[Lukie]

Die AR is baie vergewend. Maak hom skoon nes jy wil. Olie hom net goed.

Hier is my regime:

Strip die wapen.

Spuit die slotstuk met carb cleaner en laat staan.
Sit 'n Kroil lappie deur die loop. Wag 5 min.
Maak solank die slotstuk en komponente met 'n lap skoon.
Trek 'n boresnake so 4 keer deur die loop.
Olie die slotstuk goed op die bolt face en groewe. Ek gebruik MS2000 se EWL.
Sit aanmekaar en skiet hom.

[Albert84]

Dankie vir die raad. Enige spesiale "tools" nodig om hom uitmekaar te haal?

[Lukie]

Glad nie, Albert. Die 2 pins wat die "upper" en "lower" aanmekaar hou, kan met hand losgemaak word. As jy die slotstuk uitmekaar gaan haal, het jy net 'n tangetjie of skerppunt enigiets nodig om die split pin van die slagpen uit te haal.

[Albert84]

Ek sal die storie bietjie bestudeer as ek internet het wat nie geblok is nie. dankie!

[Lukie]

Ek moet byvoeg, ek het 'n skoonmaakstel EN 'n ekstra cleaning rod aangekoop, en hulle nog nooit gebruik nie. Mens kan 'n AR letterlik met enige goete ewe skoon kry.

Ek sal nooit droom 'n borsel of boresnake naby my jaggeweer te bring nie. Met die AR is dinge egter lekker rof

[Lukie]

Kyk bietjie hierna:

https://www.youtube.com/watch?v=WnXkBaw-wsk