"Name and Shame" op Jaracal Forum

[jaracal]

Dit gebeur nou weer dat sekere persone erg aangeval word op die forum. Eerstens het ek geen probleem dat Jaracal lede teen sekere persone gewaarsku word nie. Wat egter gebeur is dat mede lede dan op die "band-wagon" klim met stories wat hulle gehoor het en so kry die stories stertjies. Soos met enige iets wat op 'n openbare platform genoem word wat nie waar is nie kan jy van naamskending aangekla en 'n siviele eis teen jou ingebring word.

Indien jy iemand wil "Name and Shame" moet jou feite reg wees en dit moet met jou gebeur het. Indien jy byvoorbeeld verneuk is deur 'n persoon wat deposito's neem vir jagtogte kan jy 'n link na sy advertensie plaas en ook sy tel nommer naam en goed noem. Jy moet ook die feite rakende die geval noem sodat die volle prentjie gekry word.

Indien jy inligting het met dienste wat verkeerdelik aangebied word of waar kopiereg o/a geskend word kan jy dit ook noem met 'n link na die advertensie of die feite wat jy het of gevind het noem en dit so bekend maak. Probeer ook die instansie of persoon wie se kopiereg geskend word kontak. 'n Eenvoudige voorbeeld is waar 'n persoon 'n jakkals roepkursus aanbied vir Bv R750-00 en Taffie Mulder, my of Louis Potgieter se roep CD's gratis aanbied. Die waarde van die CD's is meer as die kursus, duidelik is die ou besig met onderduimshede. Dit is elkeen se plig om so iets aan die lig te bring.

Laatens net weer, indien jy 'n probleem het met 'n handelaar, neem dit direk met hulle op.

Kom ons hou Jaracal waardig en soos dit moet wees. Ons het nie baie reels nie en is dit die rede hoekom dit so 'n gemaklike platform is waar lede kan gesels. Moenie die vryheid misbruik nie en los die persoonlike aanvalle.

Jaracal

[Dawie Malan]

Dit is 'n persoon se eie prerogatief of hy negatiewe kommentaar oor 'n instansie of persoon op 'n forum plaas. Of hy 'n lastereis teen hom kan kry is moontlik, maar met die nuutste presendente wat geskep is oor naamskending omdat daar swak dienste gelewer is of omdat 'n produk nie op standaard is nie, slaag eisers nie meer in hierdie sake nie. Dis ook nie die funksie van 'n moderator om lede teen lastereise te probeer beskerm nie.

Forums reg oor die wêreld is vol naamskending oor produkte of instansies waar lede se ervaring met ander gedeel word. Dit is 'n goeie maatreel en die oefening bied verbruikersbeskerming vir lede van 'n betrokke forum wat die dikwels, gespesialiseerde inligting nie op ander plekke kan kry nie.

Verskeie geweerwinkels en ook produkte het al negatiewe kommentaar, met reg, op hierdie forum gekry. Hoekom kommentaar wat ek vroeër oor 'n diensverskaffer, wat 'n aktiewe lid hier op Jaracal is, deur 'n moderator afgehaal is, gaan my verstand te bowe.

[Gawie(13mm)]

Dawie ek gaan my hand opsteek en jou antwoord. Dit is my persoonlike siening; Jaracal is 'n platform waar ons om die kampvuur kan gesels en debateer. Die platform kos ons niks en is een van die beste versamelings van kennis mbt. jag en skiet verwante sake wat daar is.

Die moderators het 'n plig om dit wat vir ons kosbaar is te beskerm. Dit beteken soms dat die oogmerke van die forum uitgestippel word, soos nou en ons as gebruikers dit moet respekteer.

Ek verstaan jou ferstrasie, maar indien jy jou skrywe vir jouself hard-op teruglees, dink ek jy sal sien dat jou siening 'n bietjie kras is.
Jaracal is nie al die ander forums daar buite nie. Hulle kan maak en breek soos hul wil. Hier respekteer ons mekaar al verskil ons.

Mag jy 'n wonderlike dag verder beleef.

Groetnis,
Gawie.

[alecjohnson]

Dawie ek gaan my hand opsteek en jou antwoord. Dit is my persoonlike siening; Jaracal is 'n platform waar ons om die kampvuur kan gesels en debateer. Die platform kos ons niks en is een van die beste versamelings van kennis mbt. jag en skiet verwante sake wat daar is.

Die moderators het 'n plig om dit wat vir ons kosbaar is te beskerm. Dit beteken soms dat die oogmerke van die forum uitgestippel word, soos nou en ons as gebruikers dit moet respekteer.

Ek verstaan jou ferstrasie, maar indien jy jou skrywe vir jouself hard-op teruglees, dink ek jy sal sien dat jou siening 'n bietjie kras is.
Jaracal is nie al die ander forums daar buite nie. Hulle kan maak en breek soos hul wil. Hier respekteer ons mekaar al verskil ons.

Mag jy 'n wonderlike dag verder beleef.

Groetnis,
Gawie.

+1000

[joe rocket]

Wat Gawie sê is so waar! Jaracal is nie Facebook en jagbuddies nie, hierdie is n ordentlike forum waar ons kan verskil maar soos een man saam staan.

[nibo]

[Chris Swart]

Ek is jare gelede op n baie slinkste en skelm manier uit my 300 wbhy magnum deur n baie bekende en groot wapenhandelaar wat nou n groter winkel in Randburg het, verneuk.
Mag ek my storie hier vertel soos ek dit sou doen aan my vriende om die kampvuur?
Of gaan ek weer slae kry?

Ek dink nie Heinrich bedoel dat jy nie die reg het om jou storie te vertel nie.

Hy vra bloot dat mense by die feite en eerstehandse kennis bly, en nie op hoor-sê staatmaak nie.

[tripodmvr]

Die feitelik bly is waarop ek klem sou lê. Skinder is wat ons die ander kan noem. As ek kla oor die diens van 'n persoon of instansie wil ek nie hoor van sy 2 knypies op die kantlyn of hoe lekker hy kuier nie. Ons moet bly by dit wat die kwelpunt is.

[Eugene]

Die feitelik bly is waarop ek klem sou lê. Skinder is wat ons die ander kan noem. As ek kla oor die diens van 'n persoon of instansie wil ek nie hoor van sy 2 knypies op die kantlyn of hoe lekker hy kuier nie. Ons moet bly by dit wat die kwelpunt is.

+1

[PWV]

Die feitelik bly is waarop ek klem sou lê. Skinder is wat ons die ander kan noem. As ek kla oor die diens van 'n persoon of instansie wil ek nie hoor van sy 2 knypies op die kantlyn of hoe lekker hy kuier nie. Ons moet bly by dit wat die kwelpunt is.

Help ook nie om oor jou skoonma hier te kla nie.