heining span vir njalas

[douw]

Goeie naand manne

Ek wil so 5ha toespan vir 'n paar njalas. Watse tipe heining stel jul voor. Dalk onderkant ook 'n tipe jakkalsdraad?

Groete
Douw

[Boesman10]

Ek sal baie beslis 'n draad heining aanbeveel....

[junglejulian]

N draadspanner,skaapskeerder en munisipale werker is van die swakste en onbetroubaarste goed wat daar is.as jy kan probeer sover moontlik alles self doen.jou materiaal raak dsn ook nie weg nie.
Die bennox sifheining werk goed en vinnig maar is wel duurder as gewone draad.vuur is draad se grootste vyand vir roes ens so hou maar skoon onder die draad.

[douw]

Ek sal baie beslis 'n draad heining aanbeveel....

Ook gedink dit is 'n goeie plan

N draadspanner,skaapskeerder en munisipale werker is van die swakste en onbetroubaarste goed wat daar is.as jy kan probeer sover moontlik alles self doen.jou materiaal raak dsn ook nie weg nie.
Die bennox sifheining werk goed en vinnig maar is wel duurder as gewone draad.vuur is draad se grootste vyand vir roes ens so hou maar skoon onder die draad.

Ja nee! Ek doen alles self. Soek maar raad met tipe heining in die sin van hoogte, wydte uitmekaar, tipe droppers en y-pale ens.

Dankie solank

[G-force]

Douw ek PM vir jou n nommer.

[kwagga]

Goeie naand manne

Ek wil so 5ha toespan vir 'n paar njalas. Watse tipe heining stel jul voor. Dalk onderkant ook 'n tipe jakkalsdraad?

Groete
Douw

Ons het sowat 100 Nyalas in kampe. Hiermee my draad spesifikasie.
1.8m hoog 18 drade met droppers (1.8m) gespasieer op 1m en Y-pale (2.4m wat 600mm diep ingehamer is) op 10m. Trekpale elke 100m
Gebruik slegs Mittal/Iscor droppers en Y-pale. Trekpale 4mm dik x 114mm diameter. Gebruik slegs volversinkte staaldraad.
Jy kan onder toemaak met 900mm varkdraad en / of elektrifiseer afhangend van roofdier / vark voorkoms in die area.
Maak seker die draad is mooi skoon oop vir 3m beide kante van enige plantegroei.

[douw]

Baie dankie! Watse tipe draad gebruik jy onder vir varkdraad?

[Hugo]

Douw

Vark draad is soos diamond mesh, net baie dunner draad, nie die 2,5mm 3mm soos diamond mesh nie. Jy kry hulle in verskillende sizes, maar die algemeen is die 90mm gat.

[douw]

Baie dankie Hugo

[Hugo]

Kyk op die foto werk

https://fbcdn-sphotos-c-a.akamaihd.net/ ... 1c035991d4

Dit is vark draad daar onder.

[douw]

Buig hy onder op die grond?

[Hugo]

Ja ons het hom gebuig,

[Hugo]

Dis 900mm draad, 600mm teen die lyne en 300mm op die grond.

[douw]

Baie dankie!

[Hugo]

As ek nou so terug kyk dink ek daai draad is eerder 1200mm en dan 900mm teen die heining en 300mm op die grond, ek kannie rerig meer onthou nie.

[Tarzan]

Maak soos Kwagga sê, maar span sifdraad tot bo. Ooitjies spring bo-oor sif tussen lyne deur. Jou kampie is klein dit gaan jou nie soveel meer kos nie.

[tau]

Kyk op die foto werk

https://fbcdn-sphotos-c-a.akamaihd.net/ ... 1c035991d4

Dit is vark draad daar onder.

Kwyl ek nou oor daardie draad!!!! Baie netjies.

[Hugo]

Dankie Tau.

[Kalahari]

Dag Douw

Het jy toe die kamp vir jou Njalas gespan en watter metode het jy gevolg?
Jou wild suksesvol gevestig?

Dankie
Johan

[douw]

Hallo Johan.

Ons boer nou al 'n paar jaar met Kalahari red bokke. Ek het intussen besluit om dit wat ek ken mee aan te gaan. So ons gebruik tans daai stuk wat ek kon toespan vir die bokke. Ek het ook Russiese grassaad gekoop en dit in my kweektonnels in laaie gesaai, en gaan dit dan ook op 'n stukkie van daai grond vestig om te kyk of ons die voerkoste bietjie af kan bring.

Groete
Douw

[Kalahari]

Dankie Douw

Waardeer die terugvoering, kyk vir bok se kind het mens amper wildwerende heinings nodig so jy het niks verloor daar nie

Hoop die gras vestig mooi, want o hel, voer is 'n duuuuur besigheid.
Sterkte met die boerdery.

[douw]

Ek stuur hulle maar uit met wagters, ons bly bietjie te naby aan die ouens wat gratis "affirmative shopping" opleiding ontvang.

[PietWessie]

//uploads.tapatalk-cdn.com/20161015/b4d22d8296c20148d26b0ebf85ff566e.jpg

//uploads.tapatalk-cdn.com/20161015/f78f19d48578334a41656127792ccb9e.jpg

//uploads.tapatalk-cdn.com/20161015/cdd118a0aaeb51cc3f84bd9443d7bda4.jpg

1.8m Wildheining met 15 drade en 900x90 sifdraad onder. Ook onder geëlektrifiseer. Jy is welkom om my te kontak vir enige hulp in die verband.

[Kalahari]

Dankie Pietwessie

Ek het redelik vriende in Upington, was paar jaar op skool ook daar. Ken jy dalk vir Bertus Burger, Upington Toyota?
Ek kan nie jou foto's sien nie....

Is dit regtig nodig om die sif ook onder aan te sit? Ek verstaan die beginsel om alles van die begin reg te doen, dan sukkel jy nie in die toekoms nie.

Johan

[PietWessie]

Kalahari

Ek ken hom goed, ja.

Dis jammer jy kan nie die fotos sien nie, ek weet nie of ek dalk iets verkeerd doen nie...

Die sifdraad is nie nodig vir die wild self nie, maar vir ongediertes. Die waarde van die wild en voorkoms van ongediertes sal jou dus lei met daai besluit. As jou plaas buite-om reeds "ge-jakkalsproof" is en jou ongedierte beheer goed is, is dit oorbodig. Sifdraad werk maar vrek duur uit.