Schmidt 4x36 op 375H&H ??

[Johan JvR]

Menere ek benodig raad asseblief

Ek het 'n baie goeie kondisie ou West Germany Schmidt, staalbuis 4x36 in die hande gekry.

Sal mens hom op 'n 375H&H kan gebruik - sal hy die skop kan vat?

Baie dankie
Johan

[Koos Barnard]

Johan hy sal die skop kan vat, ek het so een gehad. Die oogafstand is net te kort na my sin

[Johan JvR]

Maggies dis goeie nuus. Dankie Koos

Ek is baie verbaas met die lense se helderheid. Kannie glo hulle het daardie jare reeds sulke goeie glas vervaardig nie. Die 'AR coating' op die lense is nie eens gekrap nie.

Die ander ding behalwe die oogafstand wat mag pla is sy dik kruis. Maar ek gaan hom verseker probeer.

Groetnis

[RV]

Johan

Ek het n 4x36 S&B op n 375H+H en ook een op n 318 Westley Richards.Hy kan beslis die skop vat.Hulle helderheid is ook uitstekend.Beide myne is al ouer as 30 jaar en nog net so goed soos toe hulle nuut was.

Groete Riaan

[J le Roux]

Johan, jy sal nie spyt wees nie. Ek glo nie jy hoef jou te bekommer oor die kruishaar nie, met die algemene jagtoepassings van 'n .375 is 'n duidelik sigbare kruis in elk geval beter as 'n fyn een wat vir kopskote op 300m ontwerp is.

Of eintlik nee..... Verkoop hom eerder aan my vir my .375, of PM vir ruil vir 3-9x42.

[Johan JvR]

Julle het my nou sommer opgewonde oor die ou ding.

Ek wag nou net vir die optilock ringe om op te daag, dan gaan ek hom op die 375 sit. Die buis is 26mm, so ek sal maar die optilock se plastiese 'insert' bietjie skuur as hy nie mooi in die ringe pas nie.

Julle moet 'n lekker paasnaweek he!

groete