Grasdoder op elektriese heinings

[Kalahari]

Môre almal

Vandag nie iets oor gewere nie. Ek wil graag weet watter tipe gif mens kan gebruik om gras (nuwe groei en bestaande polle) op heinings te bespuit om elektriese drade skoon te hou?
Dalk ook miskien waar dit te koop is en dalk prys as jy dit in die kop het of onlangs gekoop het. Nie nodig om iemand te bel nie. (veral die manne in Suid-wes wat dalk weet wat en waar).

Baie dankie en mooi dag

Johan

[cassie_calvinia]

round up?

[Kalahari]

Cassie, dit is wat ek ook eerste aan gedink het, maar ek verstaan mense sê daar is blykbaar beter? Ek weet nie, kom ons luister of daar nog info uitkom.

[cassie_calvinia]

gallant werk ook goed op smalblaar grasse, as jy wil spesifiseer. maar vir als vrek maak by draad, behoord round up goed te werk. net die regte syd spuit vir beste ruseltate

[Kalahari]

Cassie, wat sal jy sê is die regte tyd? My onderste draad sal tussen 120 en 150mm van die grond wees gevolg deur 'n grond draad en dan 'n 2de lewendige draad tot 400mm finale hoogte.

Ek het gedink om te spuit in die reëntyd as die nuwe gras net begin uitloop. Ek maak nou al drade skoon en die elektrise drade moet nog gespan word.

[Beretta]

Jy moet n middel koop wat die grond steriel maak om die heining selfde wat die spoorwee gebruik maar dit is maar rof op bome ens maar dit werk
Beretta

[Kalahari]

Die ideaal sal natuurlik wees om net een keer of so min as moontlik te spuit, maar ek wil die bome so min moontlik aanstoot gee. Die bome wat egter op die draad staan sal ongelukkig in die slag bly.

[Skolla]

Johan

Glyphogan 360 SL 20lt. Gebruik in 4% oplossing, maw. jy maak 500lt daarmee aan.
N$ 1292.74 Btw ingesluit vir 20lt.
Dit is n sterker gif as Tumble Weed waarmee hulle die riete in die Visrivier spuit.
Ek glo nie dit gaan jou bome doodmaak nie, meerjarige graspolle sal seker nie dadelik heel dood gaan nie en sal jy hulle dalk weer moet spuit, dalk eers die volgende seisoen, maar dan sal jy in elk geval die eenjarige grasse weer moet spuit.

Neem aan die elektriese heining is vir varke? Doen net jou huiswerk, die bokkers word nie maklik gestuit nie.

Groete
Skolla

[cassie_calvinia]

regte tyd vir spuit is as die gras op sy swaarste kry, sap vloei die minste is, spuit net voor hulle saad skiet.

[Williel]

Agri-Gro Namibia by 061 25 3322
www.agrigronamibia.com

Johan, probeer hulle. Pryse is goed en hulle sal jou ook goeie raad gee.

[Capt. Yoda]

Ek het die naweek in n ou jag boek gelees waar hulle se die beste tyd om te spuit is as dit net begin reen het want dan is die gras nou mooi in sy grooi, n paar mense het my ook al vertel dat hulle die beste sukses kry as hul na die eertse reen spuit. Ek het ook altyd gedink die beste is om te spuit as die gras swaar trek maar het ook al gesien as jy hom rondup in daai tyd spuit verlep hy net heeltemal en as dit goed reen dan kom hy weer half aan die lewe.Die man het ook in die stuk gese dat stof op gras n groot impak op die doeltrefendheid van die gif het en dat die eertse reen ook baie daar mee help.

[Frikkiedbr]

Termiete, hulle doen baie goeie werk en is baie goedkoop

[Kalahari]

Ek het die naweek in n ou jag boek gelees waar hulle se die beste tyd om te spuit is as dit net begin reen het want dan is die gras nou mooi in sy grooi, n paar mense het my ook al vertel dat hulle die beste sukses kry as hul na die eertse reen spuit. Ek het ook altyd gedink die beste is om te spuit as die gras swaar trek maar het ook al gesien as jy hom rondup in daai tyd spuit verlep hy net heeltemal en as dit goed reen dan kom hy weer half aan die lewe.Die man het ook in die stuk gese dat stof op gras n groot impak op die doeltrefendheid van die gif het en dat die eertse reen ook baie daar mee help.

Kaptein, dankie dit maak sin wat jy sê, stof en alles, sal maar my toetse ook doen.

Termiete, hulle doen baie goeie werk en is baie goedkoop

Frikkie, ek betwyfel die termiet, jy gaan hulle nie kan beperk tot die meter sone weerskante van die draad nie, dan maak hulle dalk nog groter skade verder in die veld.

Agri-Gro Namibia by 061 25 3322
www.agrigronamibia.com
Johan, probeer hulle. Pryse is goed en hulle sal jou ook goeie raad gee.

Dankie Willie, ek gaan daar ook kyk.

regte tyd vir spuit is as die gras op sy swaarste kry, sap vloei die minste is, spuit net voor
hulle saad skiet.

Cassie, ek is juis bang/versigtig om die gras so lank te laat word dat dit aan die drade begin raak, maar ek sal verseker paar toetse doen en kyk wat werk.

Neem aan die elektriese heining is vir varke? Doen net jou huiswerk, die bokkers word nie maklik gestuit nie.

Groete
Skolla

Dankie Skolla, ek wil eintlik my diere beperk (bees, skaap en bok) meer as om wild en ongediertes uit te hou, maar as ek hulle in 'n mate kan beperk met die krag sal dit 'n bonus wees. Die varke is maar 'n pyn soos ek verstaan het, maar ek gaan 'n 3 draad "tripwire" stelsel gebruik, so dit wat binne is gaan heelwaarskynlik nie uit nie, ek sien juis op my veldkamera die otte begin al by die krippe water drink, so een van die dae gaan ek weer vark skiet

Waar kry man die gif teen die prys wat jy genoem het? By jou op Mariental?

Groete Johan

Manne baie dankie vir die raad, waardeer dit.

[Skolla]

Ja ons het Glyphogan by ons, maar dit sal n goeie ding wees as jy met Ewan van der Merwe by Agrigro ook kan gesels hieroor en sommer vra oor Glyphogan of dalk het hy n beter middel.Sy no 081 een twee sewe 4893

[Hugo]

Sit n kleur middel by die gif, dan kan jy duidelik sien waar jy gespuit het en jy kan ook sien waar jy gemis het. ,

[Kalahari]

Dankie Skolla, sal so maak.

Sit n kleur middel by die gif, dan kan jy duidelik sien waar jy gespuit het en jy kan ook sien waar jy gemis het. ,

Dankie vir die raad Hugo.

[Johan Nel]

Kalahari,
Glifosaat oftewel Roundup, Springbok, Glyfogan en al daai goed sal die gras en ander goed doodmaak vir ten minste een maand, daarna groei nuwes weer. Glifosaat is die aktiewe bestandeel. Daar is produkte wat 'n langer nawerking het, (sowat 6mde) wat glifosaat bevat maar ook ander aktiewe bestandele wat die hergroei en ontkieming van saad onderdruk vir daardie periode. Ek kry die besonderhede bymekaar en stuur more vir jou die inligting.
Groete,
JHN

[Kalahari]

Kalahari,
Glifosaat oftewel Roundup, Springbok, Glyfogan en al daai goed sal die gras en ander goed doodmaak vir ten minste een maand, daarna groei nuwes weer. Glifosaat is die aktiewe bestandeel. Daar is produkte wat 'n langer nawerking het, (sowat 6mde) wat glifosaat bevat maar ook ander aktiewe bestandele wat die hergroei en ontkieming van saad onderdruk vir daardie periode. Ek kry die besonderhede bymekaar en stuur more vir jou die inligting.
Groete,
JHN

Johan, baie dankie, ek waardeer. Dit het ek nie eintlik gesê nie, maar dit is eintlik wat ek in die produk wil hê..... daardie nawerking wat jy nodig het om nuwe groei te keer nadat jy gespuit het.

Johan, ek wil tog vra of jy asb vir my die info kan sms, ek ry môreoggend vroeg alreeds Windhoek toe...... en dan is ek nie by my rekenaar nie. Die tegnologie bly in die huis agter 081 - 2 sewe nege nul 6 nul 3.

Baie dankie vir die hulp.

[douw]

Soek ORBIT GR op die internet. Dit is 'n produk wat hul by spoorlyne ens gebruik. Hy steriliseer die grond waar jy die korrels gooi, en hou dit baie baie lank skoon.

Groete
Douw

[Kalahari]

Baie dankie Douw.

[Johan Nel]

Douw,
Onderskei ook net tussen lanknawerkende produkte wat bedoel is vir landelike/boerdery situasies en die vir industriele situasies.

Kalahari,
Ek sms vir jou die inligting.

[Kalahari]

Douw, ek het gou vir orbit gaan google en lees, die hoof bestandeel lyk dit vir my is bromisal (spelling) en sover ek kan onthou is dit redelik skadelik vir bome, ek mag verkeerd wees.
Ek sal die bome wat regtig bo-op die draad staan moet uithaal, maar die wat dan verder as 5m of so is wil ek nie laat doodgaan met die toediening van gras bestryder nie.

Gaan definitief die regte middel moet kry anders gaan ek meer skade doen as wat nodig is.
Nogmaals dankie elk geval vir die verwysing.

Kalahari,
Ek sms vir jou die inligting.

Dankie Johan, ek sal uitkyk vir jou boodskap.

[vlakvark1]

Hier by my gebruik ons Roundup Terbo, 460, Gooi Aquaright 5 by, dit is n kleefmiddel, verspreider en het iets in wat water se ph regmaak..
Gebruik teen 2.5% Roundup en die aquaright teen 100ml/100 liter water

Ons gooi dan kunsmis( ureum) by @1kg/250l water. Dit help dat die vuilgoed die gif vinniger opneem

Ons gebruik die mengsel so op al die drade en onder die perskebome. Spuit as die gras/ vuilgoed groen is, gewoontlik November en dan spuit ons weer Februarie maand en dan is dit skoon weer tot November

[Johan Nel]

Die meeste lang nawerkende onkruiddoders wat "veilig" is om in residensiele en meer sensitiewe areas te gebruik by plekke soos heinings, ens, het gewoonlik glifosaat in wat groeiende plante doodmaak, en dan 'n tweede produk wat 'n residuele naweking het, met ander woorde dit bly teenwwoordig in die grond vir 'n bepaalde periode en verhoed dat sade ontkiem. Die nawerking kan ook aktief groeiende plante benadeel as dit in kontak kom met die middels. Dit moet nog steeds met versigtigheid gebruik word, want dit sal gewenste plante doodmaak as dit in kontak kom daarmee.

Vlakvark1, Seismic sal ook goed werk vir julle met die steenvrugte.

Die produk wat ek aan Kalahari voorstel is Tandem WSG met Imazapyr 300g/l en glifosaat 216g/l as aktiewe bestandeel. Dan kan daar nog bymiddels soos amoniumsulfaat of soortglyke produkte bygevoeg word soos wat vlakvark hierbo na verwys (ureum). Dit maak glifosaat se werking net nog meer effektief.

[Willie]

Kalahari ek hoop nie jy gee om dat ek jou draai so effens "hijack" in jou afwesigheid nie.

Wie weet watter produk word op afgesaagde bome gebruik om dit dood te maak ?

Dankie