Beveiliging van boorgat pomp

[douw]

Gee asb raad oor hoe kan mens 'n boorgat pomp beveilig teen diefstal.

Groete
Douw

[boetie]

sit vir hom n positiewe konneksie op

[douw]

Ek sal 'n dief 'n "positiwe konneksie" teen die kop gee

[Alwin]

Ek aanvaar ons praat van 'n dompelpomp met HDPE pyp? Daar is verskeie maniere. 'n Kombinasie hiervan kan ook werk.
1. Sweis basisplaat behoorlik vas.
2. Sit een of twee lengtes staal pyp heel bo. Jy sal 'n driepoot met katrol en klampe nodig hê, om dit in te sit en uit te haal.
3. Draai lemmetjiesdraad om pyp. Dit moet so 2m onder die basisplaat begin en so 1m afwaarts strek. Maak vas met klampe, bo, onder en tussenin. Baie effektief!!! (Onthou net, as jy self die pomp moet trek vir herstelwerk...)

Daar is seker nog planne. Sterkte!

[Jean Marais]

Douw, ek sien jou area loop deesdae sleg onder die rowers en diefstal deur. Sterkte, en ek hoop een van die rate hierbo werk vir jou.

Groete

[ROBBIE1]

Ek was so ruk trug op n plaas waar die oom sy pomp met sonpanele trek, hyt so 5 x 5m kamp om die gat gemaak, met elektriese heining wat hy ook van die son panele trek. Hyt ook baie las gehad, en se dis nou op n einde!

[Jean Marais]

Robbie, ek neem aan hy kry dan so nou en dan gekaaingde oortreders teen die heining....

[ROBBIE1]

Hahahaha, klink my nie so nie. Hys op die Moloto pad en het glo baie skade gehad, maar vandat hy sy 2 boorgate so omskep het nog nie een poging gehad nie. Alles is binne die "kampie" so jy kan nie by dit uitkom sonder om n lekker shok te kry nie.

Dit kos noe wel n paar rand om die opset daar te kry, maar ek dink dis die moeite werd.

[Jean Marais]

Ja jong, die koste van misdaadbekamping is astronomies.

[Hugo]

Ons het n paar goed getry.

3 Angel hoeke op so 10m met cable ties vas aan die pyp, so 20cm uit mekaar vir so meter, as hy hom vasvat en sy tjommie nie pluk hy happe velis uit, dit werk nogal om die skurk uit te wys in n groep.

Wat die beste werk, slaan 5-6 droppers mooir diep in die grond om die staal elbow, buig almal mooi om en weld op die elbow vas, sit dan n halwe 210l drom oor dit en gooi vol beton,

Ek werk eerder 4 ure om my boorgat weer oop te kry voor ek nog een verniet weg gee.

[Eugene]

Hugo, beskerm ook jou pype en kabels wat uit die gat kom. Ons het op die plaas gevind dat indien hulle nie die pomp kan uithaal en steel nie, hulle uit moedswilligheid, jou pype en kabels afsny om vir jou skade te maak....

[Hugo]

Ons gooi sommer so 2m beton bo op die kabel, so as hul hom bekyk dan gee hulle ook sommer op.

[Kampies]

Douw

Sweis en giet n sterk kleinerige kluis bo op die casing, sit jou pomp en pype dan daar binne in. Laat jou pype net ondertoe uitdraai en giet dit ook in sleeves binne in beton. 'n Redelike kluis breek nie so maklik oop nie, maar die pomp is bereikbaar vir onderhoud.

Sterkte in Afrika met Afrika

Kampies

[Jacquesb]

Sterkte Douw.
Die is vir baie van ons n nagmerrie.

Hou hom veilig.

[Dawie Malan]

met elektriese heining wat hy ook van die son panele trek

Pasop, want hulle steel daai sonpanele ook af. Baie boere gebruik die helfte van die krag wat met sonpanele opgewek word om die panele wat energizers en boorgate krag gee, ook te elektrifiseer.

Groete

Dawie Malan

[Jacquesb]

Daar steel die wetters sowaar laasnag my dompelpomp.

[douw]

Ai tog! Sterkte!