Zeiss conquest hd5 5-25x50

[CarelG]

Het iemand al bietjie die HD5 vergelyk met die Swarovski Z5 itv helderheid, kwaliteit ens.?

Groete
Carel

[Raven]

Manne,

Teen watse prys kry julle nou die HD5 ?

Raves

[Hein (Haan)]

Raven
Ek het die 5-25x50 gekoop met die target turrets
@ R11500
Groete
Hein

[Pinkes]

Manne

Ekt nou een gekry(HD5 5-25x50 plex,target turrets) teen R9880... Vir
n slag is ek ook aan die gelukkige kant. Hy gaan mooi werk op my LRP243.

Groete
P

[SAKO]

My gat jeuk nou...

[Capt. Yoda]

My gat jeuk nou...

Ja dit maak 2 van ons

[Jurie]

Zeiss het n baie lekker scope hier en ek is baie tevrede met myne. Ek het hulle nou op 2 jag gewere en hy werk goed in die nag ook.

[Carl]

Kan ons die post sluit, my lus hang op die grond!

[Jurie]

Carl.
Dis soos hulle se as hy jeuk vir n zeiss dan kan jy hom net met dit krap.
Jy kan maar vastrap en koop. Jy sal nie spyt wees nie.

[Carl]

Jurie
Ek twyfel nie daaroor nie, het al 2. Ek het net voor die HD5 in SA uitgekom het die Duralyt 3x12 vir die 243 gekoop, miskien moet ek my 300-6 se Schmidt verkoop.

[Ruhan]

As ek so lees hoe julle manne "rave" oor die Conquest, wonder of ek nie dalk 'n blaps gekoop het nie...

Ek het die 5-25 op ,my 243 en ek moet se ek is nie so beindruk my Conquest nie. Tot en met 20x vergroting is alles mooi helder en skerp. Van 20x tot 25x is dit afdraande van daar af.
Toe ek nou die dag op krokodilspruit was het ek my dinges af gesukkel om 'n klip te identifiseer op 500m. Ek kan nie eers die gong mooi gesien het nie. Ek sien beter deur 'n vriend van my se Burris Eliminator III op daai afstand.

Nico, ek weet nie hoe jy jou skote op 500m kan sien nie ou maat. Ek kan skaars my skote op 300m sien.

[Carl]

Ruhan,
Wanneer laas was jy by die optometris?
Ek vind dieselfde met my Duralyt tot op 10X mooi duidelik die 12X is effe onduideliker (200,300).Dis baie goed vir jag, maar die fyn goed pla. Ek het ook al gewonder of dit dalk net die teleskoop is. Die ander Duralyt is perfek tot op maks vergroting 8X in die geval.

[Ruhan]

Ek het ook gedink dis dalk die oe wat begin pla maar ek kan jou verseker dis nie dit nie.

[Nico Harris]

Ruhan soek jy nommers van 3 ouens wat saam met my op die baan was?

[douw]

Ruhan soek jy nommers van 3 ouens wat saam met my op die baan was?

Ruhan trek nie jou woord in twyfel nie, hy sê bloot dat hy nie eers sy gate op 300m kan sien nie, vandaar sy skrywe dat hy dink hy moontlik 'n probleem teleskoop gekoop het.

Groete
Douw

[Ruhan]

Nico, Dis soos Douw daar se.

[Nico Harris]

Ruhan jy moet dalk kyk of jy nie nog so scope kan kry om met joune te vergelyk nie. My e is regtig uitstekend!

[Ruhan]

Ek sal kyk wanneer ek weer skietbaan toe gaan. Hierdie scopes raak so populer so dat ek nie lank gaan vat voor ek nog 'n mede zeiss eienaar op die baan gaan kry nie

[Piet Breedt]

As daar mirage teenwoordig is, sien jy al hoe minder veral op hoe vergrotings, met enige scope, ongeag die maak. As mens verskillende scopes teen mekaar vergelyk moet hulle ten minste op dieselfde vergroting gedraai word.

[cassie_calvinia]

ek kyk nou na so scope!
julle skiet mos nou al 'n rukkie met julle sin.
nuwe terugvoer? nadele?
waar kry 'n mens die beste prys nou?

[LRLaubscher]

Optics international! Jan se pryse is goed.

[cassie_calvinia]

safari op die oomblik beter as jan

[LRLaubscher]

Sal met Jan moet praat....
Ek het my Vortex Viper PST by hom gekoop.
Dis nog n teleskoop wat mens kan kyk na.
Vriend het by Huntex n zeiss HD gekoop, en die zeiss kyk niks beter as die PST nie.

[cassie_calvinia]

ek is nie 'n vortex fan nie.
en vir 'n algemene rugged, allrounder, is die hd5 maar die man

[LRLaubscher]

Ek het altwee langs mekaar in die hand gehad, en moet met jou verskil.
Dis net omdat zeiss langer aankom en meer bekend is dat die meeste mense hom verkies bo byvoorbeeld die vortex.

Die zeiss se turrets gaan mens stukend stel as jy elke dag ver skiet en die scope spesifiek gebruik net vir stel die heel tyd.
Ek stem saam vir n algemene all round jag teleskoop is die zeiss baie goed. En hy kyk ook verdood. Lae lig "clarity" is baie goed. Maar die Vortex Viper PST, of enige Vortex scope wat in die philipeine gebou is, staan nie terug nie.
Dis jammer dat mens wel die intree vlak daimondback series vortex scopes kry wat die brand baie skade doen.