Ruan se Tumbler

[Gert Odendaal]

Ruan het `n tumbler gebou vir die doppe wat ons sou moes skoonmaak vir die laai proses. Hy het hulp van Iwan (Johan Greyling ) se seun ook gekry tog is die meeste tegniese werk deur homself gedoen, pa het so nou en dan raad gegee en gehelp vashou.

Dit is lekker om te sien as die jong seuns met hulle hande begin werk en projekte bou. Hy het self die spoed bepaal van die stelsel en is besig om `n waaier vir die tumbler in te bou.

Die hele tumbler se rat/masjien deel gaan hy met vlekvrye staal toe bou en die waaier binne in die deel monteer dat die waaier die hitte uitsuig sodat die motor koud hardloop. Ruan het die buste en aste met die koeellaars self monteer en draaiwerk van die buste is self deur hom op Johan se draaibank gedoen. Johan Greyling gee ook baie leiding en raad wat vir my regtig `n riem onder die hart is, hy is altyd bereid om kinders te leer en konsepte te verduidelik op `n baie verstaanbare manier.

Die tumbler het gister die eerste vrag .404 Jeffery doppe begin skoondraai. Dit is fasinerend om die beweging van die vallende sand deur die glas bottel dop te hou. Reeds nadat die doppe (was vuil met groen aanpaksels) vir `n uur in die tumbler gedraai het kon `n mens reeds die blink van die doppe sien.
`n Paar fotos van die proses:
http://i594.photobucket.com/albums/tt24/GertOdendaal/Y1010191.jpg
http://i594.photobucket.com/albums/tt24/GertOdendaal/Y1010199.jpg
http://i594.photobucket.com/albums/tt24/GertOdendaal/P1011042.jpg
http://i594.photobucket.com/albums/tt24/GertOdendaal/P1011047.jpg
http://i594.photobucket.com/albums/tt24/GertOdendaal/P1011080.jpg
http://i594.photobucket.com/albums/tt24/GertOdendaal/P1011078.jpg
http://i594.photobucket.com/albums/tt24/GertOdendaal/Y1010198.jpg
http://i594.photobucket.com/albums/tt24/GertOdendaal/P1011079.jpg
http://i594.photobucket.com/albums/tt24/GertOdendaal/P1011408.jpg
http://i594.photobucket.com/albums/tt24/GertOdendaal/P1011407.jpg
http://i594.photobucket.com/albums/tt24/GertOdendaal/P1011408.jpg

[Gawie(13mm)]

Aartjie na sy vaartjie!!!!

Ons "ou" manne sal ons sokkies moet optrek. Die laaities skiet nie net beter as ons nie, hul voltooi ook hul projekte.

[Gert Odendaal]

7mm, Ruan is nou op daardie ouderdom dat hy alles wil bou, gelukkig het hy `n maat wat alles van elektries en elektronika weet, en `n werkswinkel wat allerlei masjiene het, daar is nou nie meer brieke nie. Ek geniet dit om hom so te help, hy sweis nou al self mooi sweislopies, weet selfs hoe hoog die stroom moet wees vir die spesifieke dikte staal. Hy het my ook gehelp om my wapensmit werkstafel te bou, self ge"grind" geskuur, gesaag en gesweis. Die spuitverf werk geniet hy die meeste ..
Hy sal natuurlik ook moet leer herlaai want hy sal sy .308 Israeli Mauser self moet laai en skiet.

[PWV]

Aartjie na sy vaartjie!!!!

Ons "ou" manne sal ons sokkies moet ootrek. Die laaities skiet nie net beter as ons nie, hul voltooi ook hul projekte.

[Reloader270]

'n Koffieblik met 2 half rond houtjies binne in die blik sal help om die doppe te draai.

[Gert Odendaal]

Dankie baie , die tumbler loop al van Donderdag voltyds, daar is `n klomp .404 Jeffery doppe en patrone in , ek sal more kyk hoe effektief die tumbler is, sal fotos oplaai van die doppe, hulle was erg vol groen aanpaksel en patina.

[LongWolf]

Dankie baie , die tumbler loop al van Donderdag voltyds, daar is `n klomp .404 Jeffery doppe en patrone in , ek sal more kyk hoe effektief die tumbler is, sal fotos oplaai van die doppe, hulle was erg vol groen aanpaksel en patina.

Gert as daar n voor en na foto is, sal dit goed wees.

[Boskamper]

Daai is nou sommer bakgat, baie grand en hy werk, praktyk is die beste leermeester,