338 Lapua

[Roger]

hi,

Ek het gaan loer en sien net die tactical tipe gewere. Kry jy hulle in tradisionele / klasieke tipe gewere? Safari tipe.

Roger!

[Roger]

Volgende vraag, kan iemand n leek soos ek verduidelik die verskil tussen 338 Lapua en 338wm?

Ek verstaan Lapua skiet vinniger as wm, maar wat anders?

Is daar n groot prys verskil in die geweer en in die rondtes?

Hoekom ek vrae het is ek wil iewers in volgende jaar as finansies dit toelaat n langer afstand geweer koop. Ek het gedink n 300wm maar n vriend het voor gestel ek kyk na die 338.

Dankie,
Roger!

[Capt. Yoda]

Roger die 338Lapua doppe is baie duur jong.Dink hulle is hier by R 4000 vir 100 (lapua)
Ek is ook nie seker of ons Somchem kruit die 338 Lapua tot sy volle reg laat kom nie

Die 338 L gebruik ook baie meer dryf middel as die WM en hy gaan ook meer skop
Die 338L geweer self gaan ook baie meer kos as n 338WM

In die US vergelyk hulle die 2 se spoed met n 250gr koel so

.338 win mag w/ 24'' barrel
250g - 2,655 ft/s

.338 Lapua w/ 26'' barrel
250g - 3,000 ft/s


Ek is seker die manne wat hulle het sal jou kom help met jou vrae

[Geno]

Kry jy hulle in tradisionele / klasieke tipe gewere? Safari tipe.

http://www.montanarifleco.com/custom.rifles.html

http://www.montanarifleco.com/DGR-%20338%20Lapua.jpg

[tau]

Het 'n Sako gesien met gewone sintestiese kolf in .338 Lapua . Blykbaar was dit van die eerstes en word hulle nie meer gemaak nie.

[SV MAD (Henk)]

Kyk na 7mm Rem Mag, goedkoper en ballisties net so goed

[Roger]

Nee wat, dis heelte maal uit my prysklas uit.

Dankie vir die terugvoering.

[Johan 338]

Dagse

Die 338 Lapua is gebaseer op die 416 Rigby dop en is dus n groter dop as die 338wm. Ek self het n 338 Lapua wat deur Truvelo vir my gebou is en geniet die roer baie.
Dit is ook so dat die brass baie duur is maar as n man self laai en sagmaak is die darm nie so rof nie.
Kyk gerus op Wikipidia hoe die wapen ontstaan het.

Groete

Johan 338

[Gert Odendaal]

Ek self begin kyk na `n bouprojek vir lang afstand jag, na baie rond kyk en oplees en omdat ek `n .404 Jeffery het wat ek se doppe kan gebruik kyk ek na die .330 Dakota(.338)...hy hardloop nogal naby aan die die .338 Lapua met net baie laer druk as die Lapua...loop lewe is langer, terugskop is baie minder as die Lapua en ek kan hom op `n standaard K89 Mauser aksie/Reminton aksie bou. Daar is dies en necksizers ens. Doppe vir die .404 Jeffery is ook nie onbekombaar nie, ek verwag dat die .404 Jeffery se doppe redelik algemeen gaan raak as ek na die gewildheid van die kaliber kyk, so dit is hoekom ek na die Dakota 330 (.338) kaliber kyk vir `n langafstand geweer. Die Dakota geweer op sy eie en die doppe is baie, baie duur , maar ek gaan die doppe self vorm.

Ek dink ook om `n stapeltipe magasyn kas te bou, die geweer gaan net vir bokke gebruik word, so jy hoef nie baie vinnig te skiet nie...

[Alwin]

Het 'n Sako gesien met gewone sintestiese kolf in .338 Lapua . Blykbaar was dit van die eerstes en word hulle nie meer gemaak nie.

Dit was die Sako TRG-S. Baie lekker geweer. Die aksie is basies dieselfde as die swaarder TRG-41/42, maar bo oopgesny en ligter gemaak. Prys was die helfte, van die "taktiese" weergawe s'n. Hulle was in ander kalibers ook beskikbaar, het eendag ene in 375H&H gesien.

Die 338LM begin eers tot sy reg kom, verby 500m. Tot op 500m, vir jag-doeleindes, is die 338WM waarskynlik die beter keuse.

Vir normale jag gebruik, is selfs die 338WM nog effens vinnig, veral op korter afstande. Vir skote tot so 200m, sou 'n 250gn .338 koeël, teen so 2350 fps, nogal baie lekker werk. Dis "toevallig" presies wat die 338 Sabi doen. Baie 338WM eienaars laai hul patrone "af" om dieselfde verrigting te kry. Hierdie lading gee uitstekende verrigting (goeie penetrasie, min vleisskade) met "normale" lood/koper koeëls, soos bv Hornady 250 Interlock.

Vir vinniger WM ladings, soos die normale 2600-2700 fps met 250 gn koeëls, moet mens maar eerder na premium tipes kyk.

Ek gebruik 'n 340 Weatherby (338 koeël in uitgeblaasde 375H&H dop) met verminderde lading (soos hierbo), vir bosveld-jag. Die kombinasie is uiters dodelik!

Vir beskikbaarheid van komponente en algemene bekostigbaarheid, is die 338 WM waarskynlik jou beste opsie. Dit kan afgelaai word vir bosveld-toestande, of teen volspoed hardloop vir daai gemsbokke op die verste duin. Baie meer veelsydig, as die ander opsies.

[Marc]

Hoor bietjie by Willem Immelman oor die 330 Dakota, hy het een gedryf is nie Seker of hy hom nog besit nie

[Darrylth]

'n vriend van my het ook 338 win mag. Hy het gese " i thought it was chambered for .338 but it seems to be chambed for R100 notes"