Waterbokbul kry sy dag

[Ian]

Ons het 'n Waterbokbul gehad wat 'n klomp diere op die plaas dood gemaak het. Hy het onder andere 'n Hartman Sebra, 3 jong Waterbokbulletjies en 'n Koedoebul dood gemaak. Die 15 de Mei het hy weer slaags geraak met 'n groot Waterbokbul en die twee is deur die drade en ons kon dit reg kry om die groot bul terug te kry. Ronald (Kopskoot) het die groot bul 'n paar dae later kom skiet en daar was geen teken van die bul op die buur plase nie. Ek ry Saterdag opsoek na 'n afhoring Rooibokram en daar staan die Waterbokbul op die ander gedeelte van die plaas tussen die Rooihartebeeste. Daar is nou twee wildsdrade tussen my en die bul want daar is 'n pad wat die plaas in 2 skei. Ek dink onmiddelik as ek die bul skiet het ek moeilikheid want daar is nie hulp op die plaas nie behalwe die plaasvoorman. Ek besluit dat bul te veel moeilikheid gemaak het en dat ek 'n plan sal maak om hom te laai. Ek sien 'n spasie van omtrent 4 duim waar sy kop is tussen die klomp drade en besluit dat ek vir die kop gaan mik. Ek trek die sneller en sien die bul se bene vou onder hom in en hoor toe eers die "thud". Ek ry gou opstal toe, kry die kier kier, die voorman en die familie.
Kom by die bok aan, neem gou foto's en toe begin die sports. Die voorman het rugprobleme so nou moet ek alleen laai. Volg die foto's dan kan gesien word " n boer maak 'n plan".

[Ian]

Foto's volg

[Lourens Potgieter]

Kyk daai dik nek!

[Marc]

Mooi Ian

Bly jy kon die man se ketting lekker stuif knoop, klink my hy kos jou al 'n fortein ! Dan ry hy nog saam die Baas huis toe ook Dis 'n mooi bul daai

Mooi loop
Marc

[Gerhard]

Mooi man Ian,

Baie mense weet nie regtig hoe hard n waterbok bul kan baklei met daai stel horings nie.

Dis n mooi bul daai.

[kopskoot]

Lekker Ian

Bly jy kon die moeilikheid maker toe uitsort.

Groete

[Capt. Yoda]

Baie mooi Bul daai!

[ROBBIE1]

Dis n plan ja!! Wat het hy geslag, dis n moerawiese bul daai!

[tau]

Mooi dier. Ek het ook al gehoor hulle is so moailik met ander dier. Het laasjaar op 'n plaas gejag waar die boer ons gevra het dat as ons enige eenhoring waterbok of gemsbok sien moet hy val. Geen koste aan die jagter nadat hulle hom groot skade gemaak het.

[Ian]

As ek weer van voor af moet begin sal ek nooit Waterbokke in sit nie. Die diere verkoop baie moeilik veral die koeie en dan maak die bulle nog moeilikheid ook.Ek het met baie wildsboere gesels en almal het dieselfde probleem. Ek wil nie weet wat se skade die bul in rand gemaak het nie maar ek is net bly dat die probleem uitgesorteer is.
Ek het ongelukkig nie die karkas geweeg nie maar volgens die foto kan 'n mens sien daar is so bietjie vleis

[BRNO (Pierre)]

Daardie lyk na n absolute eerste klas slagkamer

[Geno]

Daardie lyk na n absolute eerste klas slagkamer

Dit is! Een van die beste slagkamers wat ek nog gesien het!

[kopskoot]

dis so lekker slag fasiliteit daai, 'n mens raak lus om die slagters af te gee en als self te doen! Wens alle plase word verplig om sulke fasiliteite te he

[ROBBIE1]

Baie netjies inderdaad!!

As ek nou daai karkas so kyk dan lyk hy vir my so 170kg aan die hak! Jammer jyt nie geweeg nie Ian, dit kan nogal interesant wees! Jy sien sommer daai nek met die laai foto's al, dis n duuuuuuuuuk bul daai!

[Frikkiedbr]

Sjoe daai is baie vleis, amper soos 'n Eland of is dit minder?
Ken nie eintlik van nie

[BRNO (Pierre)]

Sjoe daai is baie vleis, amper soos 'n Eland of is dit minder?
Ken nie eintlik van nie

Frikkie, daai is n baie mooi karkas vir waterbok bul. Ek het een joungerige eland geskiet, en sy karkas was 180kg aan die hak. n Eland kan die skaal maklik aftrek tot selfs naby aan 600kg, maar dit is ook maar uitsondelike bulle.

[Frikkiedbr]

Dankie Pierre, sjoe ok. So leer mens maar

[stan man]

daardie slagkamer maak my jaloers.
volgende jaar sal ons slagkamer darem ook op standaard wees.
op hierdie stadium is dit maar pooooower.

[Eugene]

daardie slagkamer maak my jaloers.
volgende jaar sal ons slagkamer darem ook op standaard wees.
op hierdie stadium is dit maar pooooower.

Gaan jy die slagboom toebou of plavei onder hom?

[Spanner]

Ag as hy die boom mooi snoei ... dan help dit mos klaar !

[PWV]

Ian, dis 'n vreeslike bok! Geluk.
Waarmee het jy geskiet?
Net so 'n vreeslike KD wat jy op jou geweer het. Vertel bietjie.

Groetnis.

[Ian]

Oom Pieter

Die Waterbok was 'n mooi groot lyf bok en het 'n baie mooi karkas gehad.
Ek het al my M gestrip vir manne wat vra, met watse kaliber skiet jy? Soos gewoonlik as jy sê met 'n 30-06 antwoord hulle terug; O' dertig nul kwes. Ek het genoeg gahad van dit toe 'n persoon 'n paar jaar terug vir my die vraag vra en ek antwoord hom; met 'n Driehonderd Ses. Ek het die persoon heeltemal uitgeboul en ek kon sien dit pla hom baie. Hy het 'n halfuur later vir my gevra; Nou Ian, watse kaliber is 'n Driehonderd Ses? Nou ja, van daai dag af skiet ek met 'n Driehonderd ses.
Ek het die Waterbok met 'n 150gr Game King 2125 geskiet wat ek self laai. Ek gebruik S365 kruit - 56.5gr en kry 'n spoed van 2945ft/s.
Die KD is nogal groot, het 'n "muzzlebraker" in die middel van die KD en werk persoonlik vir my soos 'n bom en die geweertjie 'Musgrave MOD 90 Light' gee net vir my baie plesier.

Mooi dag

[PWV]

Oom Pieter

Die Waterbok was 'n mooi groot lyf bok en het 'n baie mooi karkas gehad.
Ek het al my M gestrip vir manne wat vra, met watse kaliber skiet jy? Soos gewoonlik as jy sê met 'n 30-06 antwoord hulle terug; O' dertig nul kwes. Ek het genoeg gahad van dit toe 'n persoon 'n paar jaar terug vir my die vraag vra en ek antwoord hom; met 'n Driehonderd Ses. Ek het die persoon heeltemal uitgeboul en ek kon sien dit pla hom baie. Hy het 'n halfuur later vir my gevra; Nou Ian, watse kaliber is 'n Driehonderd Ses? Nou ja, van daai dag af skiet ek met 'n Driehonderd ses.
Ek het die Waterbok met 'n 150gr Game King 2125 geskiet wat ek self laai. Ek gebruik S365 kruit - 56.5gr en kry 'n spoed van 2945ft/s.
Die KD is nogal groot, het 'n "muzzlebraker" in die middel van die KD en werk persoonlik vir my soos 'n bom en die geweertjie 'Musgrave MOD 90 Light' gee net vir my baie plesier.

Mooi dag

Daai 300-6 maak mooi!!! Jy kry kwaai spoed!
Elke ou het sy geweer waarvan hy hou en wat vir hom werk. So, wat dit is is nie ter sprake nie!
Groetnis
Ns. Manne, dit reen nou lekker hier in die Paarl!!

[FHM]

Sjoe magtig Ian dis n voortreflike bul daai man!
Ek skat hom daar aan die haak so 180 Kg.
Ons manne wat jare Driehonderd-6 skiet smile maar net ne Ian...

Baie netjies gedoen en lekker storie - dankie

[BRNO (Pierre)]

Ons manne wat jare Driehonderd-6 skiet smile maar net ne Ian...

+1