Nuweling op die Forum(kameelperdjag)

[morne smith]

Goeiedag Almal.  Vanjaar gaan my dertiende jaar in die jagveld wees. Ons gaan jag nog elke jaar in Phillipstown by Amie Venter saam met ons goeie jagvriende, Andre en Riana Grove. My vrou, Karin,het in 2006 haar eerste bok geskiet. Wat 'n voorreg om iets so na aan die hart met jou sagter helfte te kan deel. Zack Benade het ons bekend gestel aan boogjag en Karin het al 'n nyala met haar boog suksesvol ge"spot and stalk". Verlede jaar het sy 'n wit-,swart- en koperspringbok geskiet. Ek sou graag wou uitvind hoeveel vrouens al, al vier die kleure springbokke geskiet het. Nie eers ek het al die voorreg gehad nie. Hierdie jaar gaan geen uitsondering wees nie en ons groepie gaan in Augustus weer saam jag. Ek wil graag volgende jaar 'n kameelperd met die geweer skiet, maar het nog nie een geboek nie. Dit lyk of hulle maar skaars is in die Karoo. Enige iemand daar buite selfs in Namibie wie my kan help met 'n kameelperd is welkom om my te nader. Ek beny julle ouens en vrouens wie se biltong al hang en wie se biltongmesse al stomp is hierdie tyd van die jaar.  Groete Morne

[Gerhard]

Welkom hier by ons Morne.

Vir kameelperd moet jy maar n draai kom maak in die bosveld.

Hulle is nogal redelik algemeen beskikbaar.

[DWB]

Baie Welkom!

As jy onder Zack se invloed is sal ons jou moet watch want dan gaan jy seker die nektjops (camelhorse) met 'n 6mmBR wil skiet

Geniet die nektjops, ek bedoel biltong

[JPS]

Baie Welkom Morne,

Gli jy sak dit erg geniet hier.

Groete
JP

[morne smith]

Dankie aan my verwelkomingskomitee

Ek en Zack kom nou al 'n paadjie en ons is redelik op dieselfde bladsy.Hy sal my kwalik neem as ek nie die kameelperd in die voorste 7 agstes van sy linker boonste helfte van die breinlob skiet nie, want dit skop hom glo so erg onder sy blaker dat sy kers heeltemal uitval. Gerhard, waar in die Bosveld is julle en wat prys hierdie outjies by julle?  JP die lewe is kort en ons moet doen wat ons geniet al is dit nou ook om by 'n jagters forum aan te sluit. Groete uit 'n erg koue Bloem. 

[jgnel]

Morne,

Ek het vir jou n kameelperd jag in die noorde van Namibia.

Laat weet of jy nog dalk belangstel.

Groete
Johan

[morne smith]

Hallo Johan

Ek wil nou al boek vir volgende jaar. Bul of koei, stok oud maak nie saak nie. As jy nie omgee nie kan jy miskien vir my hierdie jaar se pryse kan gee, miskien oorreed dit my om vroeer te gaan skiet.

Dankie baie

[jgnel]

Morne,

Prys is N$10 000. Die keuse is joune, n swartbul trofee of koei. 

Laat weet gerus.

Groete
Johan