Norma bondstrike

[Gideon Burger]

Middag Manne

Glo dit gaan goed met almal.

Graag wil ek hoor of iemand al met die bogenoemde rondte gaan jag het. Van wat ek op lees is dit gemik vir die langer skote daar buite. Ek wil hoor of dit in die bos gaan werk met die volgende punte:

1.Hoe verskil die rondte teenoor die normale Oryx. Is dit nou maar net Oryx met n BT?
2.Hoe sal hy werk in die bos as mens dit moet vergelyk met die Accubond en Oryx.
3. Wat is die gewig retensie as iemand dalk een herwin het?

Baie dankie

Groete
Gideon Burger

[Koos Barnard]

Dag Gideon
Die Bondstrike is sagter as die Oryx. Ek het met dit gejag en dit is beslis bedoel vir langer skote waar die Oryx meer gewig behou op korter afstande. Ek dink ek het dit in wetpacks ook geskiet en sal die data gaan soek en terugvoer kom gee.
Mooi loop

[Gideon Burger]

Dag Gideon
Die Bondstrike is sagter as die Oryx. Ek het met dit gejag en dit is beslis bedoel vir langer skote waar die Oryx meer gewig behou op korter afstande. Ek dink ek het dit in wetpacks ook geskiet en sal die data gaan soek en terugvoer kom gee.
Mooi loop

Baie Dankie Koos

[Arnold]

Ek volg so bietjie op om te hoor of daar al meer ouens met die koeels geskiet het en wat julle ondervinding was.

[tripodmvr]

Hoekom kyk jy nie na SBC vir die bos nie? Reeds genoeg fotos en getuienis van hul effektiwiteit en dit is plaaslik beskikbaar.

[heywillie]

Ek volg so bietjie op om te hoor of daar al meer ouens met die koeels geskiet het en wat julle ondervinding was.

As ek daai punt so kyk, lyk hy maar baie vir my na 'n ELDX of GameChanger.
Ek glo jy kan dus dieselfde werksverrigting van die Bondstrike as die twee bogenoemdes verwag.

[Jacques1988]

Ek het met hulle al gejag - 180gr vir my 300wsm
Ek sou sê hulle is harder as eldx maar baie sagter as n Accubond/interbond - Basies die Accubond LR se maaitjie.

Die Oryx is baie baie beter geskik vir Bosveld - SBC is nog beter!!


Sent from my iPhone using Tapatalk

[Arnold]

Ek verstaan die Bondstrike is 'n bonded kooel maar ook dat hy sagter as die tipiese bonded koeels is. Daarom behoort hy beter bymekaar te bly as die ELDX of GamChanger.

Aangaande die Accubond LR, hoor ek dat party ouens maar sukkel met akkuraatheid en opgegee het om verder te sukkel met die koeels.

Ons is regtig bevoorreg om SBC nou tot ons beskikking te he.

[Arnold]

Ek kyk sommer bietjie deur my vorige plasings en sal graag hoor of daar iemand is wat intussen met die Norma Bondstrikes gejag het en wat hulle ervaring was.

Daar wag so paar 143gr Bondstrikes in 6.5mm vir 'n PRC wat ek onlangs bekom het. Hierdie geweer sal moontlik oorneem as my "go to" jaggeweer en dan die 30-06 wat steeds vir die korter afstande (bos) gebruik gaan word.

[Frederik]

Laasjaar met vriend van my se 300wm 180gr Bondstrike geskiet op 230 meter op blouwildebees quartering on geen groot been gevang en rib met die exit het 14kg se vleis verloor. Beslis sagter as wat ek gedink het maar vroeer die oggend lag lag gonge laat lui op 500meter akuraat maar gemaak vir langer skote. Spoed as ek reg onthou naby 2900fps

Maar bees is dood en baie vinnig ook so hy het gewerk.
Vriend se bees was op 280 meter skouer in en net agter skouer vasgesteek het het 17kg se vleis verloor.

Na die episode gaan hy die 200gr Bondstrike probeer.

[Arnold]

Baie dankie Frederik, dit is BAIE goed om te weet!

Dit klink minder na 'n bonded koeël en meer soos 'n gewone cup en core.

[Frederik]

Hy lyk tog gebond en het beter bymekaar gehou as Interlock, nooit geweeg of foto geneem pel van my se hy het nie meer die koeel wat hy herwin het nie.

[Riaan Kriel]

Ek het so 3 jaar terug 2 pakkies 180gr Bondstikes gekoop om te toets in die 300WSM. Baie maklik 'n lading gekry wat baie mooi groepeer en konstant skiet. Ek het sederdien 2 swartwildebeeste, 2 rooibokke, 3 springbokke, 1 jong vlakvark en 6 koedoes met dit geskiet.

Die vlakvarkie het in die paadjie weggehardloop en was direk van agter gekiet op ongeveer 160-180m... Die vleisskade was rof om te sien. Die vlakvarkie het gat-oor-kop geslaan en net daar gelê.

1 Koedoekoei was net agter die blad geskiet op ongeveer 280m. Koeël is regdeur en daar was maar die normale vleisskade wat ek ook met Nosler Partitions gekry het. Sy het 1 keer in die rondte gedraai en begin wegstap, nie meer as 10-15 treë gegee en geval.

Al die ander bokke was kopskote en het net daar geval. Die skade was redelik groot op die meeste en het my laat wonder oor die "Bonded" deel. Maar aan die ander kant het die koeëls baie goed gedoen vir die gebruik op kopskote.

Ek kon geen koeël herwin nie en kan dus nie enige opinie gee oor gewig retensie of vervorming nie. Maar vir akkuraatheid en hoe dit presteer met kopskote werk die kombinasie mooi vir die 300WSM

[Guillaume]

Ek gebruik die 180gr punte in my 300WSM en vriend van my dieselfde in sy 300 WM.
Groepeer baie maklik, ons kon altwee maklik ladings ontwikkel.

Elkeen van ons het al 'n kameelperd laat val met hulle, vleis verkoop so kon nie punte herwin nie.
Ek het ook BWB koei op 120m geskiet, agter die blad en punt regdeur. BWB binne 20m geval.

Tot dusver baie tevrede

Groete

[Koos Barnard]

Die Norma Bondstrike is beslis 'n bonded koeël. Aangeheg 'n foto van toe ek die koeëls getoets het in wetpacks vanaf 50m. Sien die byskrif, die Bondstrike-koeëls is aan die regterkant. Ek het beide die Oryx en Bondstrike 180gr-koeëls voor 53gr URP gelaai en uit my .30-06 geskiet. Die Oryx se spoed was 2521vps en die Bondstrike 2549vps. Beide is op 50m in dieselfde wetpack geskiet (ek het gesorg dat die skote ver genoeg uit mekaar is sodat die "wondkanale" mekaar nie beïnvloed nie). Die Oryx het 31cm diep penetreer en die Bondstrike 28cm. Gewigretensie was 96% vir die Oryx en 70% vir die Bondstrike. 'n Fabriekslading gelaai met 180gr Bondstrike het 2629vps gemeet en ook in die wetpack geskiet. Dit het 24.3cm gepenetreer. Gewigretensie was 69%.

Ek het die toets herhaal met die handladings van 53gr URP-kruit. Die Oryx het toe 32cm penetreer en 94% gewig behou en die Bondstrike 29cm en 74% gewig.

Ek het 'n hartbeesbul op 185m geskiet op die blad met die Bondstrike. Die koeël is deur die hart en anderkant uit en die bul het skaars 10m gehardloop na die skoot. Nadat ek die pens uitgehaal het, het ek die borsholte oopgesny om te sien waar die koeël deur is en gesien dis deur die hart. Die koeël het ook die verste bladbeen gebreek. Die hartbees is egter gehaal en weggeneem slaghuis toe sonder dat ek die vleisskade kon besigtig. Ek het ook 'n swartspringbok op 93m geskiet skuins van voor en dié het in sy spore neergesak. Die koeël is agter die verste blad uit. Ook hierdie bok is in die veld gehaal en slaghuis toe geneem sonder dat ek die vleisskade kon bepaal. Die bokke is geskiet op Mynhard Herholdt se plaas in die Noord-Kaap en ek het nie die vleis geneem nie, daarom het ek nie die bokke weer gesien nie.

Ek het beide die Oryx en Bondstrike in die lengte deurgesaag en die Oryx se mantel is beslis dikker. Dit het ook bietjie moeiliker gesaag as die Bondstrike-koeël.
Mooi loop

[Capt. Yoda]

Daai lyk glad nie sleg nie