Schmidt & Bender met 26mm buis - hoe nou?

[Ds J]

Goeienaand Mense,

Einde laasweek was daar n pakkie vir my in die pos ... 'n Schmidt & Bender 6x42 wat alecjohnson gratis aangestuur het! Dankie Alec!

Stap twee is dus om die teleskoop te monteer, toe ek met n groot ontsteltenis vasstel dat die S&B teleskoop 'n 26mm (!!!) buis het.

My geweer is n 1968-model BRNO ZKK601 in 308, en my ringe is die standaard 25mm staaltipe van Thor.

Het enigiemand goeie raad met my penarie, of moet ek uit die staanspoor ander ringe aanskaf?

Ek ken n goeie draaier - kan ek die kans vat om hulle tot op 26mm te laat oopsny?

[J le Roux]

.

[jdpretorius]

Ds J, as jy vasbrand met die 25 mm ringe, kan Erhard van Thor jou nie dalk help nie ?....hulle het mos die masjiene. Anders, wat van 'n "lapping" kit ?

[J le Roux]

More DsJ

Probeer normale 1 duim ringe. Dit mag dalk nodig wees om die ringe te lap, maar gewoonlik nie.

Indien jy sukkel sal ek graag die probleem hy jou oorvat, ek betaal sommer posgeld ook .

[dennisinpe]

Thor het 26mm studtipe ringe wat ek moes op settle vir 26mm Kahles.
Warne het slegs 25.4mm cz ringe.
As jy manier kan vind om dit te lap of ream gaan ek jou voorbeeld volg. Sal volg.

Sent from my SM-A505F using Tapatalk

[Fanta300]

Ek lees op ‘n ander forum dat Optilock ringe werk in hierdie omstandighede.

[Cbird]

More ek sou n 26mm shaft laat draai en die ringe probeer lap dan weet jy sommer hulle is reg, jy moet net geduldig wees met die proses.

[Alwin]

Ds.J.

Die standaard 1" ringe is 25,4mm, dus moet jy net 0,6mm groter gaan, 0,3mm aan weerskante.
As jy 'n 1" pyp vat en 0,3mm dik skuurpapier daarom draai, dan kan jy die ringe uitskuur. Mens skuur net die kante, bo en onder is nie nodig nie (op horisontaal gesplete ringe soos Thor s'n).

Ek sal ook graag die lastige 26mm teleskoop oorneem! Het toevallig 'n stel monterings vir 26mm...

[Ds J]

Hoe groot is die kans om skade te maak as ek dit "sommer self" doen?

Daar is goeie rede vir my vraag: onkundige mense het al genoeg skade aan gewere gemaak met "ek sal sommer self".

[Capt. Yoda]

Lap die ringe met n stuk 26mm bar tot hulle pas, soos Alwin se dit is maar 0.3mm per kant en heel moontlik nog minder agv toleransies van die vervaardiger.

[Martin Marais]

Ds J
Die klein stukkie gereedskap wat motorwerktuigkundiges gebruik om brieksilinders mee te "Hone" werk baie mooi.

Groete.

[Schalk van Wyk]

Jy kan meer as nodig materiaal weg vat en dan die ringe “pak”.


Sent from my iPhone using Tapatalk

[Ds J]

Jy kan meer as nodig materiaal weg vat en dan die ringe “pak”.

Die Thor ringe is reeds redelik dun, maar van goeie staal. In totaal behoort 0.5mm goed genoeg te wees.