136gr Scenar L op wild

[Geno]

Het enigiemand al met die Lapua 136gr 6.5mm Scenar-L gejag?
Laat weet gerus hoe hulle verrigting was. Ek kan hul teen 3010fps vanuit my langloop .260AI skiet en het 'n afspraak met 'n elandbul in die Drakensberge...

Groete
Geno

NS. Nee, ek wil nie mono koeels skiet nie.

[ThinusS]

Ek het net onder 'n 100 stuks wild met die koeël uit 'n 6.5x55 geskiet (±2650fps), meestal springbokke, blesbokke en varke maar daar was ook 'n blouwildebees, 'n koedoe en 'n halfdosyn rooihartebeeste. Almal was hart/long skote. Penetrasie was voldoende, alhoewel sommige koeëls opgebreek het.

Ek sal nie 'n groot elandbul op die blad wil skiet met hulle nie. Brein of net agter die blad behoort hulle te werk.

[Geno]

Dankie Thinus

[Riempies (Revo)]

Hi Geno

ek weet nie hoe naby is die 139gr en 136gr se konstruksie aan mekaar nie, gee jou maar net my terugvoering vanaf 'n 139gr Lapua Scenar. Spoed was 2750f/s.

Op lang afstand het die 6.5 baie penetrasie en het die 139gr deur die Swart Wilde bees gegaan. Ek glo dis agv die spoed wat heelwat laer is op die punt en dan nie die vervorming teweeg bring nie.

Op 'n Zebra wat so 170m ver gestaan het is die punt nie deur nie maar het redelik opgebreek. Sien foto..

Jou spoed is nog meer, dus gaan die punt ook baie opbreek. Dis moeilik om te verseker wat die penetrasie gaan wees met so hoe aanvanklike spoed. Agter die die blad dink ek jy is veilig, op die knoppe weet ek nie so mooi nie.

Groete Riempies

[Geno]

Dankie Revo. Goeie info.
Ek dink ek gaan dan maar wag vir die 143gr Hornady ELD X om in te kom. Ek kan hulle darm ook roer teen 3000fps!

[Riempies (Revo)]

Lekker man, hou ons op hoogte asb.

Johannes Schoeman het op 'n stadium 'n skrywe gedoen oor 'n Berger 130gr Hunting op 'n Eland, dit het goed geklink as ek reg kan onthou. Hy het sy .260 gebruik en ek dink ook nie teen die spoed waarteen jy daai pille jaag nie.

Sterkte, vertrou dinge sal mooi loop.

[Malan123]

Geno, ons het so bul daar uitgelos 2 weke terug oor hy glo jou naam op het... Vergeet van die punt, het jy 'n winch???

[Geno]

Ou het nie 'n winch nodig saam Erhard nie. Hy laat man glo slegs skiet as daar 'n laaispan is...

[Messor]

Pel van my het n kudu op die knoppe geskiet, been getref, daai koeel is nie deur vitals toe nie.
En dis nog stadig teenoor die spoed wat jy hier van praat.

Kyk as ek nou 'n eland jag beplan het in die berge sou ek nie daai kombinasie getry het nie. Die ding van target koeels is hulle is nie gemaak om betrouber op te tree met terminal ballistics nie, hulle is designed vir external ballistics.

So my stem gaan vir "not enough gun" ongelukkig.

[Geno]

Dankie vir jou opinie Messor.
Elke dier wat ek nog met teikenkoeels (130gr JLK 6.5mm VLD) in die betrokke geweer geskiet het, het net 1 skoot gevat en gladnie gely nie.
Dis tussen 6 of so springbokke, 1 volstruis, 1 koedoebul en 1 waterbokbul.

[ThinusS]

Ek het al baie met teikenkoeëls gejag en gebruik tans die 140gr A-max in 'n 6.5x55 en 'n 6.5 Creedmoor, in beide gewere is die trompsnelheid ±2650fps. Tussen die twee gewere het ek meer as 400 stuks wild met die A-max platgetrek, insluitende 12 elande. Ek was egter baie versigtig om die elande net agter die blad te skiet, ek het 'n slegte ervaring met 'n blouwildebees gehad waar 'n A-max in die blad opgebreek het en slegs klein stukkies koeël het een long getref. Al die elande was koeie of subvolwasse bulle, hou in gedagte dat 'n groot eland bul bykans dubbel so groot as 'n koei is.

Ek het nie veel ervaring van die ELD-X in 6.5mm nie, ek was by waar 'n rooibokram met een geskiet is en verrigting in die geval was identies aan die A-max. Ek het ook die 200gr ELD-X in 'n .300 win mag gebruik en weereens was verrigting baie soos die van 'n A-max.

'n Groot eland bul is die een bok waar ek eerder 'n monolitiese koeël sal gebruik, veral in 'n 6.5 kaliber. Dit is sekerlik moontlik om 'n groot bul met 'n teikenkoeël plat te trek maar jy gaan jouself baie beperk met betrekking tot skootplasing. Geniet jou jag.

[Riempies (Revo)]

My opinie is beslis genoeg "Gun". Daar is min kalibers wat so goed penetreer soos 6.5. En dit nog teen daai spoed wat Geno hom skiet. Kort net 'n fris koeél punt om te penetreer, dalk monolities soos voorgestel was deur Thinus.

[Frederik]

Geno, hoe ek dit sien as jy naby genoeg kom en lekker bekruip kopskoot as jy dan verder as 200 meter van hom af is dubbel longskoot mis net die groot been. Geniet dit.

[Capt. Yoda]

Laai 147gr ELDM en gaan kap hom, as jy bang is sal ek jou kom backup met n 105gr VLD

[Dimitri]

If you are a novice hunter reading this PLEASE DO NOT take your new 6.5 with target bullets and go out hunting for eland bulls, or most large antelope for that matter.

Geno is a vastly experienced hunter and excellent marksman. The average guy should not try what Geno is speaking about as the risk of wounding the animal and your pocket are very high.

Read this article which makes a lot of sense to me http://www.kznhunters.co.za/about/which ... to-choose/

[Geno]

Ek het 155gr Lapua Mega 6.5mm pitte ook, maar dit lyk of hul agterstevoor in die dop sit. Punt en stert lyk amper identies

155 mega.jpeg

[Swede]

140gr Accubond?

[Wouter Roets]

140gr Accubond?

+1

O-ja en Dmitri kry vandag ook n plussetjie, maar net vandag!

[andre007]

Geno. Skietmaats van my skiet hulle uit hulle 6.5x55SM. Die laaste diere wat met hulle geskiet was was agter die blad skote, op al die diere was die koelle regdeur die bokke, afstande het gewissel tussen 120m en 200m op Blesse en Springbokke. Ek weet hulle gaan volgende maand n Streepdonkie met die combo skiet.

[andre007]

Ek stem ook met Accubond LR

[Messor]

My opinie is beslis genoeg "Gun". Daar is min kalibers wat so goed penetreer soos 6.5. E

Onthou toe ek gesê het "enough gun" dan verwys ek net na die kombinasie.
Soos byvoorbeeld 'n 270 met 110gr Vmax is nie 'n 270 met 160gr partitions nie.

Daar is nie te veel fout met die kaliber hier nie, maar dan moet mens ook appels met appels vergelyk. Die woord legendaries word gebruik as mense praat van die 6.5 se penetrasie.
Daai reputasie is NIE bekom deur die manier hoe mense die kaliber vandag gebruik nie. Daai jare was dit either solids, of lang en swaar punte met baie höe SD's.

N 156gr 6.5 punt se SD is .320 = wow
N 136gr 6.5 punt se SD is .279 = nie wow, niks spesiaal
Om die waarheid te sê dis maar net n 270 met 'n 150gr punt se SD.

So elke keer as ek hoor hoe goed penetreer 'n 6.5 dan vra ek altyd die ou hoekom, die antwoord is altyd want die 6.5 het 'n baie hoë SD, en as ek hom dan vra wat sy punt se SD waarde is dan het hy geen clue nie.

Op 'n ander forum het 'n ou nou al 'n paar duisend diere met die 6.5 geskiet, en hy is die eerste persoon om te noem daar is absoluut niks magical aan 'n 6.5 nie. Ek glo ook as jy hom vra of die 6.5 die aangewese kaliber is om 'n eland bul mee te tackle gaan hy straight vir jou sê nee, daar is beter kalibers daarvoor.

Ons moet ook in gedagte hou dat baie mense al 'n target punt sien goed penetreer het, met die exit wound wat klein is. Ons weet in hierdie geval het die koeel nie omgeklink nie, nou dit is voldoende om kleinwild vinnig dood te maak, maar skiet 'n eland met 'n punt wat nie oopmaak en die dag kan baie lank word. Een slim ou het eendag gesê jy weet 'n eland bul is so groot soos 'n buffel, en sy bene is net so groot, en mense soek groot kalibers om 'n buffel plat te skiet maar probeer 'n eland met die kleinste.

Nou kyk, dis moeilik om vir iemand so ervare soos Geno te preek, want as ek daar in die veld was met daai kombinasie sou ek ook seker die skoot gevat het. Maar as ek by die huis is, en ek BEPLAN nog die jag, nee wat, die 270’s en 308’s en goeters moet bietjie wag, die 338 steek sy hand op, want hy kan daai job doen, with room to spare.